UGenesisi 13:8 - iBhayibhili Elingcwele 1978

⁸ UAbrama wasesithi kuLoti: Kakungabi khona ukuxabana phakathi kwami lawe, laphakathi kwabelusi bami labelusi bakho, ngoba singabazalwane.

IBhayibhili Elingcwele LesiNdebele

⁸ U-Abhrama wasesithi kuLothi, “Kasingalwi mina lawe, kumbe abelusi bakho labami ngoba siyizinini zegazi.

UGenesisi 13:8 ပူးပေါင်းရင်းမြစ်များ

UGenesisi 13:9

Ilizwe lonke kalisobala phambi kwakho na? Yahlukana lami; uba usiya ngakwesokhohlo, ngizakuya ngakwesokunene; kodwa uba usiya ngakwesokunene, ngizakuya ngakwesokhohlo.

UGenesisi 14:14

Kwathi uAbrama esezwile ukuthi indodana yomfowabo ithunjiwe, wathatha inceku zakhe ezazalwa endlini yakhe, ezingamakhulu amathathu letshumi lesificaminwembili, waxotshana lawo lawomakhosi waze wafika koDani.

UGenesisi 45:24

Wasebayekela behamba abafowabo. Wathi kibo: Qaphelani ukuba lingaxabani endleleni.

UGenesisi 46:34

kalibokuthi: Inceku zakho zingabantu bemfuyo, kusukela ebutsheni bethu kuze kube khathesi, thina labobaba. Ngalokhu lizavunyelwa ukwakha elizweni laseGosheni, ngoba wonke umalusi wezimvu uyanengeka kumaGibithe.

AmaHubo 133:1

Khangela, kuhle kangaka kumnandi ukuba abazalwane bahlale ndawonye babe munye.

U-Eksodasi 2:13

Waphuma langosuku olulandelayo, wabona amaHeberu amabili esilwa; wathi kowonileyo: Umtshayelani owakini na?

Izaga 15:1

Impendulo ethobileyo idedisa ulaka, kodwa ilizwi elilukhuni livusa intukuthelo.

Izaga 15:18

Umuntu ololaka oluvuthayo ubanga ukuxabana, kodwa ophuza ukuthukuthela uyalamula.

Izaga 20:3

Nxa umuntu ezigcina enkanini uyazizuzela udumo; kodwa zonke izithutha zithanda ukuxabana.

UMatewu 5:9

Babusisiwe abalamulayo, ngoba bazakuthiwa ngabantwana bakaNkulunkulu.

Imisebenzi 7:26

Ngosuku olulandelayo wafica ababili besilwa, wazama ukubalamula, wathi: Madoda, lingabazalwane; liphathanelani kubi na?

AbaseRoma 12:10

Thandanani ngothando lobuzalwane, liziqhenye ekuhloniphaneni.

AbaseFiliphi 2:14

Yenzani zonke izinto ngokungasoli langokungabuzi,

1 AbaseThesalonika 4:9

Mayelana lothando lobuzalwane kalidingi ukuba ngililobele, ngoba lina uqobo lifundisiwe nguNkulunkulu ukuba lithandane.

AmaHebheru 12:14

Nxwanelani ukuhlala ngokuthula labantu bonke, linxwanele lobungcwele; ongelabo bona angeyibone iNkosi.

AmaHebheru 13:1

Kalume njalo uthando lobuzalwane.

1 UPhethro 1:22

Ngokulalela iqiniso selihlambulule imiphefumulo yenu ukuthanda abazalwane ngobuqotho; ngakhoke thandanani ngokupheleleyo ngenhliziyo yonke.

1 UPhethro 2:17

Hloniphani abantu bonke, lithande abazalwane, limesabe uNkulunkulu, lihloniphe inkosi enkulu.

1 UPhethro 3:8

Okokucina, wobani lanhliziyonye lonke, lizwelane, lithande abazalwane, libe lobubele lokuthobeka,

1 UPhethro 4:8

Kulakho konke thandanani ngokungapheliyo, lokhu uthando luyasibekela izono ezinengi.

2 UPhethro 1:7

lasekukhonzeni uNkulunkulu ukuthanda abazalwane, lasekuthandeni abazalwane uthando.

1 UJohane 4:7

Bathandekayo, asithandane, ngoba uthando luvela kuNkulunkulu; othandayo uzelwe nguNkulunkulu, futhi uyamazi uNkulunkulu.

Abahluleli 9:26

Kwasuka uGali indodana kaEbedi kanye lezihlobo zakhe, waya eShekema; abaseShekema bamthemba.