UGenesisi 12:8 - iBhayibhili Elingcwele 1978

⁸ Wasuka khona, waya entabeni ngasempumalanga kwaseBetheli, wamisa khona ithente lakhe, iBetheli lingasentshonalanga, leAyi lingasempumalanga. Wayakhela lapho ialtare iNkosi, wadumisa ibizo leNkosi.

IBhayibhili Elingcwele LesiNdebele

⁸ Esuka lapho waqonda ezintabeni empumalanga kweBhetheli wamisa ithente lakhe, iBhetheli isentshonalanga le-Ayi isempumalanga. Khonapho wakhela uThixo i-alithari walidumisa ibizo likaThixo.

UGenesisi 12:8 ပူးပေါင်းရင်းမြစ်များ

UGenesisi 13:18

UAbrama wasukake wayakwakha eduze lezihlahla ezinkulu eziseMamre eliseHebroni, wakhela iNkosi khona ialtare.

UGenesisi 13:3

Wahamba esuka eNegebi, waze wafika eBetheli, endaweni lapho lalikhona ithente lakhe kuqala phakathi kweBetheli leAyi;

UGenesisi 13:4

endaweni lapho lalikhona ialtare abelenzile kuqala; uAbrama wadumisa ibizo leNkosi lapho.

UGenesisi 21:33

UAbrahama esehlanyele isihlahla esithiwa yitamarisiki eBerisheba wakhuleka khona ebizweni leNkosi, uNkulunkulu ongelakuphela.

UGenesisi 22:9

Bafika endaweni uNkulunkulu ayemtshele yona; uAbrahama wakha khona ialtare; wabeka inkuni phezu kwalo; esembophile uIsaka indodana yakhe, wambeka phezu kwenkuni ealtareni.

UGenesisi 26:25

Wakha khona ialtare, wakhuleka ebizweni leNkosi, wamisa khona ithente lakhe; inceku zikaIsaka zemba khona umthombo.

UGenesisi 28:19

Wabiza ibizo laleyondawo ngokuthi iBetheli; kodwa kuqala ibizo lomuzi laliyiLuzi.

UGenesisi 31:25

ULabani wasemfica uJakobe. UJakobe wayemise ithente lakhe entabeni; uLabani kanye labafowabo bamisa amathente abo entabeni zaseGileyadi.

UGenesisi 33:20

Wakha khona ialtare, walibiza ngokuthi yiEli, okuyikuthi uNkulunkulu kaIsrayeli.

UGenesisi 35:3

Asisuke sikhuphukele eBetheli, ngimenzele khona uNkulunkulu ialtare owangiphendula mhla ngihlupheka, waba lami endleleni engahamba kuyo.

UGenesisi 35:7

Wakha khona ialtare, wayibiza indawo ngokuthi yiEliBetheli, ngoba uNkulunkulu wabonakala kuye khona mhla ebalekela umnewabo.

UGenesisi 4:26

Laye uSeti wazala indodana, wayitha ibizo wathi nguEnosi. Ngalesosikhathi abantu basebeqala ukukhuleka ebizweni leNkosi.

UGenesisi 8:20

UNowa wakhela iNkosi ialtare; wathatha kuzo zonke inyamazana ezihlambulukileyo lakuzo zonke inyoni ezihlambulukileyo, wanikela umnikelo wokutshiswa phezu kwealtare.

UNehemiya 11:31

LabakoBenjamini bahlala kusukela eGeba kusiya eMikimashi laseAyija laseBetheli lemizaneni yakhona,

AmaHubo 116:4

Ngasengikhuleka ebizweni leNkosi, ngathi: Nkosi, ngiyakuncenga, silisa ukuphila kwami.

U-Eksodasi 17:15

UMose wakha ialtare, walitha ibizo lokuthi iNkosi iluphawu lwami;

U-Isaya 10:28

Abahlaselayo sebefikile eAyathi bevela eRimoni; badabula iMigironi, eMikimashi bethula impahla yabo;

UJoweli 2:32

Kuzakuthi bonke abakhuleka ebizweni leNkosi bakhululwe; ngoba entabeni yaseZiyone kuzakuba khona labo abaphunyukileyo, njengokutsho kweNkosi, laseJerusalema kube khona abaseleyo ababizwe yiNkosi.

Imisebenzi 2:21

Kuzakuthi ilowo lalowo obiza ibizo leNkosi, uzakusiliswa.

1 AbaseKhorinte 1:2

sithi kulo ibandla likaNkulunkulu eliseKorinte, kubo abahlukaniselwe kuKristu Jesu, ababizelwe ukuba ngabangcwele, kanye labo bonke abakhuleka ebizweni leNkosi yethu uJesu Kristu endaweni zonke, iNkosi yabo leyethu:

AmaHebheru 11:9

Ngokukholwa wahlala njengomuntu wezizweni elizweni lokuthenjiswa, ehlala emathenteni loIsaka loJakobe ababeyizindlalifa kanye laye zalesosithembiso;

UJoshuwa 18:22

leBeti‐Araba leZemarayimi leBetheli

UJoshuwa 22:10

Ekufikeni kwabo eGelilothi eliseKanani ngaseJordani abakoRubeni labakoGadi lengxenye yesizwe sakoManase bakha khona ialtare elikhulu ngaseJordani, lalilialtare elikhulu okumangalisayo.

UJoshuwa 7:2

UJoshuwa eseJeriko wathumela abantu eAyi eliseduze leBeti‐Aveni ngasempumalanga kweBetheli, wathi kibo: Hambani liyehlola ilizwe. Basebehamba bayahlola eAyi.

UJoshuwa 8:12

Wathatha amadoda azinkulungwane ezintathu, wabacathamisa phakathi kweBetheli leAyi ngasentshonalanga komuzi.

UJoshuwa 8:17

Kakusalanga loyedwa eAyi ongaphumanga ukuxotshana loIsrayeli; bawutshiya ukhamisile umuzi, baxotshana loIsrayeli.

UJoshuwa 8:3

UJoshuwa wasesuka lawo wonke amadoda empi ukuba baye eAyi; wakhetha amaqhawe alamandla ayizinkulungwane ezingamatshumi amathathu, wawathuma ebusuku.

UJoshuwa 8:30

UJoshuwa waseyakhela iNkosi, uNkulunkulu kaIsrayeli, ialtare entabeni yaseEbali.

UJoshuwa 8:9

UJoshuwa wasebakhupha, baya endaweni yokucathama, bacatsha phakathi kweBetheli leAyi, ngasentshonalanga kweAyi, kodwa uJoshuwa walala phakathi kwabantu ngalobobusuku.

Abahluleli 6:24

UGidiyoni waseyakhela iNkosi ialtare lapho, walibiza ngokuthi iNkosi ilokuthula. Lisekhona lalamhla eOfira lamaAbiyezeri.

1 USamuyeli 30:27

Wayithumela kwabaseBetheli, labaseRamothi laseNegebi, labaseJatiri,