UGenesisi 12:5 - iBhayibhili Elingcwele 1978

⁵ UAbrama wathatha uSarayi umkakhe, loLoti indodana yomfowabo lempahla yabo yonke ababelayo lezinceku ababelazo eHarani, basuka ukuya elizweni laseKanani; bafika elizweni laseKanani.

IBhayibhili Elingcwele LesiNdebele

⁵ Wathatha umkakhe uSarayi, lomntanomfowabo uLothi, lempahla yabo yonke ababeyizuzile kanye labantu ababebatholile eHarani, baqonda elizweni laseKhenani, bayafika khona.

UGenesisi 12:5 ပူးပေါင်းရင်းမြစ်များ

UGenesisi 10:19

Umkhawulo wamaKanani wasukela eSidoni waya ngaseGerari waze wafika eGaza, waya ngaseSodoma laseGomora laseAdima laseZeboyimi waze wafika eLasha.

UGenesisi 11:27

Lezi yizizukulwana zikaTera. UTera wazala uAbrama loNahori loHarani; uHarani wazala uLoti.

UGenesisi 11:31

UTera wathatha uAbrama indodana yakhe, loLoti indodana kaHarani, indodana yendodana yakhe, loSarayi umalokozana wakhe umkaAbrama indodana yakhe; basuka eUri lamaKaladiya ukuya elizweni laseKanani; bafika eHarani, bahlala khona.

UGenesisi 13:5

Laye uLoti owayehamba loAbrama wayelezimvu lezinkomo lamathente.

UGenesisi 13:6

Ilizwe lalingelakubanela ukuba bahlale ndawonye, ngoba impahla yabo yayinengi, behluleka ukuhlala ndawonye.

UGenesisi 14:14

Kwathi uAbrama esezwile ukuthi indodana yomfowabo ithunjiwe, wathatha inceku zakhe ezazalwa endlini yakhe, ezingamakhulu amathathu letshumi lesificaminwembili, waxotshana lawo lawomakhosi waze wafika koDani.

UGenesisi 14:21

INkosi yaseSodoma yathi kuAbrama: Nginike abathunjiweyo, uzithathele impango.

UGenesisi 28:10

UJakobe waphuma eBerisheba waya eHarana.

UGenesisi 36:6

UEsawu wasethatha omkakhe lamadodana akhe lamadodakazi akhe, kanye labo bonke abendlu yakhe, lezinkomo zakhe lemfuyo yakhe yonke lempahla yakhe yonke abeyizuzile elizweni laseKanani, waya elizweni elikhatshana lomfowabo uJakobe.

ULevi 22:11

Kodwa uba umpristi ethenga isigqili ngemali, sona singayidla, labazelwe emzini wakhe bangadla ukudla kwakhe.

Imisebenzi 7:4

Wasesuka elizweni lamaKaladiya, wakha eHarani. Kwathi ngemva kokufa kukayise, uNkulunkulu wamsusa lapho, wamhlalisa kulelilizwe elakhe kilo lina.