UGenesisi 1:1 - iBhayibhili Elingcwele 1978

¹ Ekuqaleni uNkulunkulu wadala izulu lomhlaba.

IBhayibhili Elingcwele LesiNdebele

¹ Ekuqaleni uNkulunkulu wadala amazulu lomhlaba.

UGenesisi 1:1 ပူးပေါင်းရင်းမြစ်များ

2 AmaKhosi 19:15

UHezekiya wakhuleka esithi: Nkosi, Nkulunkulu kaIsrayeli, wena ohlala ngaphezu kwamakherubi, nguwe wedwa onguNkulunkulu wayo yonke imibuso yomhlaba, wenzile izulu lomhlaba.

1 ImiLando 16:26

Ngoba bonke onkulunkulu bezizwe bayizithombe; kodwa iNkosi yenza amazulu.

2 ImiLando 2:11

UHuramu inkosi yaseTire waphendula ngencwadi ayithumela kuSolomoni wathi: Ngoba iNkosi uNkulunkulu ibathanda abantu bayo, ikwenzile waba yinkosi yabo.

UNehemiya 9:6

Nguwe wedwa oyiNkosi owenza izulu eliphezulu kakhulu lakho konke okukulo, lomhlaba lakho konke okukuwo, lezinlwandle lakho konke okukuzo, wena uyakulondoloza konke; lakho konke okusezulwini kuyakukhonza.

UJobe 26:13

Ngomoya wakhe iphezulu liyacethula, lesandla sakhe siyagwaza inyoka ebalekayo.

UJobe 38:4

Wawungaphi lapho ngimisa izisekelo zomhlaba na? Ngitshela uba ulokuqedisisa.

UJobe 9:8

Nguye yedwa owendlala izulu, ohamba phezu kwamavinqo olwandle.

AmaHubo 102:25

Endulo wawusekela umhlaba, lamazulu angumsebenzi wezandla zakho.

AmaHubo 104:24

Nkosi, minengi kangaka imisebenzi yakho! Ngokuhlakanipha uyenzile yonke; umhlaba ugcwele izidalwa zakho.

AmaHubo 104:30

Ekuthumeni kwakho umoya wakho, ziyadalwa; uwenza umhlaba ube mutsha.

AmaHubo 115:15

kalibe ngababusisiweyo yiNkosi eyenza izulu lomhlaba.

AmaHubo 121:2

Usizo lwami luzakuvela eNkosini eyenza izulu lomhlaba.

AmaHubo 124:8

Usizo lwethu lusebizweni leNkosi eyenza izulu lomhlaba.

AmaHubo 134:3

INkosi kayilibusise iseZiyone, yona eyenza izulu lomhlaba.

AmaHubo 136:5

eyenza izulu ngokuhlakanipha, ngoba uthando lwayo olungapheliyo lumi kuze kube nininini;

AmaHubo 146:6

yena owenza izulu lomhlaba, lolwandle lakho konke okukukho, yena othembekileyo kuze kube nininini,

AmaHubo 33:6

Ngelizwi leNkosi enziwa amazulu, lakho konke okukuwo ngomoya womlomo wayo.

AmaHubo 33:9

Ngoba yakhuluma, umhlaba waba khona, yalaya, wema waqina.

AmaHubo 8:3

Lapho ngikhangela amazulu akho, umsebenzi weminwe yakho, inyanga lenkanyezi owazimisayo,

AmaHubo 8:4

uyini umuntu ukuba umkhumbule wena, lendodana yomuntu ukuba uyinanze na?

AmaHubo 90:2

Zingakaveli intaba, ungakawenzi umhlaba lelizwe, kusukela endulo kuze kube nini lanini wena unguNkulunkulu.

AmaHubo 96:5

Ngoba bonke onkulunkulu bezizwe bayizithombe; kodwa iNkosi yenza amazulu.

U-Eksodasi 20:11

Ngoba ngensuku eziyisithupha iNkosi yenza izulu lomhlaba lolwandle lakho konke okukukho, yaphumula ngosuku lwesikhombisa; ngalokhu iNkosi yalubusisa usuku lwesikhombisa, yalwenza lwaba ngcwele.

U-Eksodasi 31:18

Isiqedile ukukhuluma kuMose entabeni yaseSinayi yamnika uMose amatshe amabili obufakazi alotshwe ngomunwe kaNkulunkulu.

Izaga 16:4

INkosi yenzile konke kube lomsebenzi wakho; lababi yabenzela usuku lokuchitheka.

Izaga 3:19

INkosi yasekela umhlaba ngokuhlakanipha, yamisa iphezulu ngokuqedisisa,

UmTshumayeli 12:1

Futhi khumbula uMenzi wakho ensukwini zobutsha bakho zingakafiki insuku ezimbi, ingakasondeli iminyaka, lapho uzakuthi: Kangithokozi ngayo.

U-Isaya 37:16

esithi: Nkosi yamabandla, Nkulunkulu kaIsrayeli ohlala ngaphezu kwamakherubi, nguwe wedwa onguNkulunkulu wayo yonke imibuso yomhlaba, wenzile izulu lomhlaba.

U-Isaya 40:21

Kalazi yini, kalizwanga na? Kalitshelwanga kusukela ekuqaleni na? Kaliqedisisanga kusukela ekudatshulweni komhlaba na?

U-Isaya 40:26

Phakamiselani amehlo enu phezulu libone; ngubani owenza izinkanyezi leziyana na? Nguye ozikhupha njengebutho, azibize zonke ngamabizo azo; ngenxa yobukhulu bamandla akhe, ngoba eqinile, kayikho leyodwa esilelayo.

U-Isaya 40:28

Kawazi yini, kawukezwa na? INkosi inguNkulunkulu ongelakuphela, inguMdali womhlaba wonke. Kayipheli amandla ikhathale, lemicabango yayo ingeqedisiswe muntu.

U-Isaya 42:5

Utsho kanje uNkulunkulu, iNkosi, owadala iphezulu, walendlala, lowenza umhlaba lalokho okukuwo, lonika abantu abakuwo umphefumulo, lomoya kwabahamba kuwo,

U-Isaya 44:24

INkosi, uMhlengi wakho, eyakubumba esiswini, ithi: NgiyiNkosi eyenza zonke izinto, ngendlala iphezulu ngedwa ngenza lomhlaba ngedwa.

U-Isaya 45:18

Ngoba iNkosi eyadala iphezulu, yona enguNkulunkulu, eyabumba umhlaba, yawenza, yawumisa, ingawudaleli ize, yawubumba ukuba kuhlalwe kuwo, ithi: NgiyiNkosi, kakho omunye.

U-Isaya 51:13

Usuyikhohliwe yini iNkosi, uMenzi wakho, eyendlala iphezulu, yamisa izisekelo zomhlaba, ukuba uthuthumele usuku lonke ngenxa yokuvutha kwentukuthelo yomcindezeli ozimisele ukukuchitha na? Kungaphi ukuthukuthela komcindezeli na?

U-Isaya 51:16

Ngifakile amazwi ami emlonyeni wakho, ngakufihla emthunzini wesandla sami, ngendlala iphezulu, ngamisa izisekelo zomhlaba, ngatsho kulo iZiyone ukuthi: Lina lingabantu bami.

U-Isaya 65:17

Khangela, ngiyadala izulu elitsha lomhlaba omutsha, izinto zakuqala kazisayikukhunjulwa, kazisayikuphinda zifike engqondweni.

UJeremiya 10:12

UNkulunkulu wawenza umhlaba ngamandla akhe, walimisa ilizwe ngokuhlakanipha kwakhe, langokuqedisisa kwakhe walendlala iphezulu.

UJeremiya 32:17

E Nkosi Nkulunkulu! Kunguwe owenze izulu lomhlaba ngamandla akho amakhulu langengalo yakho elamandla. Kakukho okungakwahlula wena

UJeremiya 51:15

UNkulunkulu wawenza umhlaba ngamandla akhe, walimisa ilizwe ngokuhlakanipha kwakhe, langokuqedisisa kwakhe walendlala iphezulu.

UZakhariya 12:1

Nanti ilizwi. Yilizwi leNkosi ngoIsrayeli. INkosi eyendlala iphezulu, yamisa umhlaba, yenza umoya womuntu phakathi kwakhe,

UMatewu 11:25

Ngalesosikhathi uJesu wakhuluma wathi: Ngiyakubonga, Baba, Nkosi yezulu lomhlaba, ngoba ukufihlile lokhu kwabahlakaniphileyo labaqedisisayo, wakwambulela izingane.

UMakho 13:19

Ngoba ngalezonsuku kuzakuba khona ukuhlupheka okungazanga kube khona ekuqaleni kokudabuka okwadatshulwa nguNkulunkulu kuze kube khathesi, lokungasayikuba khona.

Imisebenzi 14:15

Madoda, likwenzelani lokhu na? Lathi singabantu abanjengani ngokwemvelo, sililethele ivangeli ukuze liphenduke kulokho okuyize, liphendukele kuNkulunkulu ophilayo owenza izulu lomhlaba, lolwandle, lakho konke okukukho,

Imisebenzi 17:24

UNkulunkulu owenza umhlaba lakho konke okukuwo, yena oyiNkosi yezulu lomhlaba, kahlali emathempelini enziwe ngabantu;

Imisebenzi 4:24

Kwathi bona sebekuzwile baphakamisela ilizwi labo nganhliziyonye kuNkulunkulu, bathi: Nkosi, Somandla, wena owenza izulu lomhlaba lolwandle lakho konke okukukho,

AbaseRoma 11:36

Ngoba konke kuvela kuye, kungaye, kuya kuye; kakube kuye ubukhosi kuze kube nininini. Ameni.

1 AbaseKhorinte 8:6

kanti kithi kukhona uNkulunkulu munye, uYise, okuvela kuye izinto zonke, lathi siphilela yena; leNkosi yinye, uJesu Kristu, okwavela ngaye konke, lathi sikhona ngaye.

Abase-Efesu 3:9

lokubakhanyisela bonke abantu ukuthi liyini icebo lemfihlakalo ebifihliwe kuNkulunkulu owadala izinto zonke kusukela ekudatshulweni kwesikhathi,

AmaHebheru 1:10

Lokuthi: Wena Nkosi, wabeka isisekelo somhlaba ekuqaleni, amazulu angumsebenzi wezandla zakho.

AmaHebheru 1:2

Kodwa kulezinsuku zokucina ukhulume kithi ngeNdodana ayimise ibe yindlalifa yezinto zonke, yona adala ngayo futhi umhlaba.

AmaHebheru 11:3

Ngokukholwa sibona ukuthi umhlaba wenziwa ngelizwi likaNkulunkulu, kuze kuthi okubonwayo kwavela kokungabonwayo.

AmaHebheru 3:4

Ngoba indlu ileyo laleyo yakhiwa ngothile; kodwa umakhi wezinto zonke nguNkulunkulu.

2 UPhethro 3:5

Bakhohlwa yikuthi izulu lalikhona endulo, lokuthi umhlaba wavela emanzini wenziwa ngawo amanzi ngelizwi likaNkulunkulu,

1 UJohane 1:1

Lokho okwakukhona kusukela ekuqaleni, esakuzwayo, sakubona ngamehlo ethu, lesakukhangelayo, lezandla zethu zakuphatha, kumayelana lelizwi lokuphila.

Isambulo 10:6

safunga yena ophilayo kuze kube nininini, owadala izulu lakho konke okukulo, lomhlaba lakho konke okukuwo, lolwandle lakho konke okukulo, sathi: Kakusayikuphuzwa;

Isambulo 14:7

Sathi ngelizwi elikhulu: Mesabeni uNkulunkulu, limdumise, ngoba isikhathi sokuthonisisa kwakhe sesifikile; limkhonze yena owenza izulu lomhlaba lolwandle lemithombo yamanzi.

Isambulo 21:6

Wasesithi kimi: Sekwenzekile. NginguAlfa loOmega, ukuqala lokucina. Owomileyo ngizakumnathisa ngesihle emthonjeni wamanzi okuphila.

Isambulo 22:13

NginguAlfa loOmega, owokuqala lowokucina, isiqalo lesicino.

Isambulo 3:14

Lakuso isithunywa sebandla eliseLawodikeya loba uthi: Nanku akutshoyo uAmeni, ufakazi othembekileyo loqotho, umqalisi wokudaliweyo konke kukaNkulunkulu,

Isambulo 4:11

Ufanele, wena Nkosi yethu loNkulunkulu wethu, ukwamukela ubukhosi lodumo lamandla, ngoba nguwe owadala izinto zonke, langenxa yentando yakho zaba khona, zadalwa.