UDutheronomi 9:28 - iBhayibhili Elingcwele 1978

²⁸ funa abantu balelolizwe owasikhupha kilo bathi: Kungenxa yokuba iNkosi yehluleka ukubangenisa elizweni eyabathembisa lona, langenxa yokuba ibazonda, yabakhupha ukuba ibabulalele enkangala.

IBhayibhili Elingcwele LesiNdebele

²⁸ Nxa kungenjalo ilizwe owasisusa kilo lizakuthi, “Ngoba uThixo wehluleka ukubangenisa elizweni ayebathembise lona, njalo langenxa yokuthi wayebazonda, wabakhupha ukuze bayefela enkangala.”

UDutheronomi 9:28 ပူးပေါင်းရင်းမြစ်များ

U-Eksodasi 32:12

AmaGibithe uzawavumelelani ukuba athi: Yayiqonde ukubenza okubi ngokubakhupha kwayo ukuba ibabulale ezintabeni, ibaqede emhlabeni na? Phenduka olakeni lwakho oluvuthayo, ungenzi okubi lokhu ebantwini bakho.

UHezekhiyeli 20:9

Kodwa kangikwenzanga ngenxa yebizo lami ukuba lingangcoliswa phambi kwezizwe ababehlala phakathi kwazo, engaziveza kibo phambi kwazo ukuba ngibakhuphe eGibithe.

AmaNani 14:16

INkosi yahluleka ukungenisa lababantu elizweni eyafunga ukubanika lona, ngakho ibabulele enkangala.

UDutheronomi 1:27

lasola emathenteni enu lathi: Kungoba iNkosi yayisizonda, ngakho yasikhupha elizweni laseGibithe ukusinikela ezandleni zamaAmori ukuba isibhubhise.

UDutheronomi 32:27

uba bengingesabi ukuzincoma kwezitha, lezitha zabo zikuhlanekele, zithi: Isandla sethu sinqobile; kakusiyo iNkosi eyenze konke lokhu.

UDutheronomi 9:27

Khumbula inceku zakho oAbrahama loIsaka loJakobe, ungakhangeli inkani yalababantu lobubi babo lesono sabo,

UJoshuwa 7:9

Ngoba amaKanani labo bonke abakhileyo elizweni bazakukuzwa, basihanqe, baliqede ibizo lethu emhlabeni. Phoke, wena uzakwenza njani ngebizo lakho elikhulu na?