UDutheronomi 9:26 - iBhayibhili Elingcwele 1978

²⁶ Ngakhuleka eNkosini ngathi: Nkosi Nkulunkulu, ungabachithi abantu bakho abayisizwe sakho obakhulule ngobukhulu bakho, wabakhupha eGibithe ngesandla esilamandla.

IBhayibhili Elingcwele LesiNdebele

²⁶ Ngakhuleka njalo kuThixo ngathi, ‘Oh! Thixo Wobukhosi, ungabhubhisi abantu bakho, ilifa lakho owalihlenga ngamandla akho amakhulu wabakhipha eGibhithe ngesandla sakho esilamandla.

UDutheronomi 9:26 ပူးပေါင်းရင်းမြစ်များ

2 USamuyeli 7:23

Yisiphi isizwe emhlabeni esinjengabantu bakho uIsrayeli, Nkulunkulu owazihlengela bona eGibithe baba ngabantu bakho, wazenzela udumo, wabenzela izenzo ezinkulu lezesabekayo ngokuxotsha ngaphambi kwabo izizwe kanye labonkulunkulu bazo, na?

1 AmaKhosi 8:51

ngoba bayisizwe sakho, abantu bakho owabakhupha eGibithe, esithandweni sokuncibilikisa insimbi.

1 AmaKhosi 8:53

Ngoba wabehlukanisa kuzo zonke izizwe zomhlaba baba ngabakho, njengokutsho kwakho ngoMose, inceku yakho, ekukhupheni kwakho okhokho bethu elizweni laseGibithe, wena Nkosi Nkulunkulu.

UNehemiya 1:10

Nkosi, bona bazinceku zakho labantu bakho owabahlenga ngamandla akho amakhulu langesandla sakho esilamandla.

AmaHubo 106:23

Ngakho wathi uzakubabhubhisa, kodwa uMose okhethiweyo wakhe wabamela ukuthinta ulaka lwakhe ukuba lungababhubhisi.

AmaHubo 107:2

Kabatsho njalo abahlengiweyo beNkosi ebahlengileyo ezitheni,

AmaHubo 28:9

Siza abantu bakho, ubusise isizwe sakho, ube ngumalusi wabo, ubagcine kuze kube nininini.

AmaHubo 57:1

Ngihawukela, Nkulunkulu, ngihawukela, ngoba umphefumulo wami uphephela kuwe; ngifuna ukuphephela emthunzini wamaphiko akho, zize zidlule inhlupheko.

AmaHubo 77:15

Ngamandla akho wabakhulula abantu bakho, amadodana kaJakobe loJosefa.

AmaHubo 78:35

bakhumbula ukuthi uNkulunkulu ulidwala labo, oPhezukonke ungumhlengi wabo.

AmaHubo 99:6

UMose loAroni babephakathi kwabapristi bayo, loSamuweli laye wayephakathi kwabakhuleka ebizweni layo. Bakhuleka eNkosini, yabaphendula.

U-Eksodasi 15:13

Ngomusa wakho ubaholile abantu obahlengileyo, ngamandla akho wabaholela endaweni yakho engcwele.

U-Eksodasi 33:13

Ngakhoke uba ngifumene umusa emehlweni akho, ngitshengisa indlela zakho khathesi, ukuba ngikwazi, ngifumane umusa emehlweni akho; khumbula futhi ukuthi isizwe lesi singabantu bakho.

U-Eksodasi 34:9

Wathi: Uba ngifumene umusa emehlweni akho, Nkosi, ake uhambe phakathi kwethu, lanxa lababantu bengabanhliziyo zilukhuni, usithethelele ububi bethu lokona kwethu, usithathe sibe yilifa lakho.

U-Isaya 44:23

Thokozani, lina mazulu, iNkosi ikwenzile; lijabule, lina zindawo ezizikileyo zomhlaba; lihlabele, lina zintaba, lawe gusu lazo zonke izihlahla ezikuwe. Ngoba iNkosi isimhlengile uJakobe, izakudunyiswa koIsrayeli.

U-Isaya 63:19

Sinjengalabo ongazanga ubabuse, lanjengabangabizwanga ngebizo lakho.

UJeremiya 14:21

Ungasixotshi, ngenxa yebizo lakho, ungaseyisi isihlalo sobukhosi bakho; sikhumbule, ungasephuli isivumelwano osenze lathi.

UJeremiya 15:1

INkosi yasisithi kimi: Loba bekumi phambi kwami oMose loSamuweli, inhliziyo yami yayingeke iphendukele kulababantu. Basuse phambi kwami, bahambe!

Izililo 2:20

Ake ukhangele, Nkosi, ubone. Ngubani owake wamphatha ngokunje na? Abesifazana bazakudla inzalo yabo yini, abantwana babo ababazeleyo na? Umpristi lomprofethi bazabulawa endlini engcwele yeNkosi na?

UMikha 6:4

Ngoba ngalikhupha elizweni laseGibithe, ngalihlenga endaweni yobugqili; ngathumela oMose loAroni loMiriyamu ukuba balihole.

UDutheronomi 13:5

Lowomprofethi loba lowomphuphi wamaphupho kabulawe, ngoba ulifundisile ukuba liyivukele iNkosi uNkulunkulu wenu, lokuba liphambuke endleleni elalaywa ukuhamba ngayo yiNkosi uNkulunkulu wenu, eyalikhupha eGibithe, yalikhulula endaweni yobugqili ngalokhu. Ngakho khuphani ububi obuphakathi kwenu.

UDutheronomi 15:15

Uzakhumbula ukuthi lawe wawuyisigqili elizweni laseGibithe, lokuthi iNkosi uNkulunkulu wakho yakuhlenga. Ngalokho ngiyakulaya lamuhla.

UDutheronomi 21:8

Nkosi, bathethelele abantu bakho bakoIsrayeli owabahlengayo, ungavumeli ukuba babekwe icala legazi elingelacala, kodwa bathethelelwe lona.

UDutheronomi 32:9

kodwa isabelo seNkosi saba ngabantu bayo, uJakobe waba yisabelo sayo esikhethiweyo.

UDutheronomi 7:8

kodwa kungenxa yokulithanda kwayo langenxa yokusigcina kwayo isifungo eyasifunga kubokhokho benu, iNkosi yalikhupha ngesandla esilamandla, yalihlenga endaweni yobugqili lesandleni sikaFaro inkosi yaseGibithe.

UDutheronomi 9:12

Yasisithi kimi: Phangisa wehle lapha, ngoba abantu bakho owabakhupha eGibithe bonile, baphambukile masinya endleleni engabalaya yona, bazenzela isithombe esibunjiweyo.

UDutheronomi 9:27

Khumbula inceku zakho oAbrahama loIsaka loJakobe, ungakhangeli inkani yalababantu lobubi babo lesono sabo,

UDutheronomi 9:29

Ngoba bangabantu bakho abayisizwe sakho, owabakhupha ngamandla akho amakhulu langengalo yakho elamandla.

UThithu 2:14

Yena wazinikela ngenxa yethu ukuze asihlenge ebubini bonke, lokuzihlambululela abantu abangabakhe abatshisekela izenzo ezinhle.

AmaHebheru 9:12

Wangena kwaba kanye kuphela endaweni engcwele engaliphethe igazi lembuzi lelamathole, kodwa ephethe igazi lakhe; ngalokho wazuza ukukhululwa okungapheliyo.

Isambulo 5:9

Bahlabelela ingoma entsha ethi: Ukufanele wena ukuyithatha incwadi lokuvula impawu zayo, ngoba wahlatshwa, wabahlengela uNkulunkulu ngegazi lakho abantu abavela emihlotsheni yonke, lasendimini zonke, lasezizweni zonke;

1 USamuyeli 7:9

Ngakhoke uSamuweli wathatha iwundlu elenyisayo, wanikela ngalo eNkosini laba ngumnikelo otshiswa wonke. USamuweli wamkhulekela uIsrayeli eNkosini, iNkosi yamphendula.