UDutheronomi 6:17 - iBhayibhili Elingcwele 1978

¹⁷ Ugcine kuhle imithetho yayo lemilayo yayo lezimiso zayo ekulaye zona.

IBhayibhili Elingcwele LesiNdebele

¹⁷ Nanzelelani ukuthi liyayigcina imilayo kaThixo uNkulunkulu wenu lezimiso kanye lemilayo aliphe yona.

UDutheronomi 6:17 ပူးပေါင်းရင်းမြစ်များ

AmaHubo 119:2

Babusisiwe abagcina imilayo yayo, abayidingayo ngenhliziyo yonke,

AmaHubo 119:4

Wena usilayile ukuba sigcine kakhulu imithetho yakho.

U-Eksodasi 15:26

yathi: Uba lilalela ilizwi leNkosi uNkulunkulu wenu ngenhliziyo yenu yonke, lenze okulungileyo emehlweni ayo, lilalele imilayo yayo, ligcine zonke izimiso zayo, kangiyikwehlisela phezu kwenu lasinye sezifo engazehlisela phezu kwamaGibithe; ngoba ngiyiNkosi eliphilisayo.

1 AbaseKhorinte 15:58

Ngakhoke, bazalwane abathandekayo, manini, lingasikinyeki, likhuthale kakhulu emsebenzini weNkosi, lazi ukuthi ukusebenza kwenu kakusilo ize eNkosini.

UDutheronomi 11:13

Uba lilalela imithetho yami engililaya yona lamuhla, lithande iNkosi uNkulunkulu wenu, liyikhonze ngenhliziyo yenu yonke langomphefumulo wenu wonke,

UDutheronomi 11:22

Uba ligcina kuhle yonke imithetho le engililaya ukuba liyenze, lithande iNkosi uNkulunkulu wenu, lihambe ngendlela zayo zonke, libambelele kuyo,

UDutheronomi 27:1

UMose labalisa bakoIsrayeli balaya abantu bathi: Gcinani yonke imithetho esililaya yona lamuhla.

UDutheronomi 5:1

UMose wasebiza wonke uIsrayeli, wathi kuye: Zwana, Israyeli, izimiso lezahlulelo engizikhuluma endlebeni zakho lamuhla, ukuba uzifunde, unanzelele ukuzigcina.

UDutheronomi 5:29

Kungathi bangaba lenhliziyo enjalo insuku zonke, ukuba bangesabe, bagcine yonke imilayo yami, ukuze kubalungele bona labantwana babo kuze kube nininini!

UDutheronomi 5:32

Ngakhoke qaphelani ukuba lenze njengokulilaya kwayo iNkosi uNkulunkulu wenu; lingaphambukeli ngakwesokunene langakwesokhohlo.

UThithu 3:8

Liqinisile lelilizwi. Ngithanda ukuba uqinise impela ngalezizinto, ukuze abakholwa kuNkulunkulu bakhuthalele ukwenza imisebenzi emihle. Lezizinto zinhle zilosizo ebantwini.

AmaHebheru 6:11

Sifisa ukuba ilowo lalowo wenu akubonakalise lokhukukhuthala, lize liphelele ithemba lenu ekupheleni,

2 UPhethro 3:14

Ngakho, bathandekayo, lokhu lisalindele lezozinto, tshisekelani ukuba lifunyanwe nguye lingelacwatshana, lingelasici, lilokuthula.