UDutheronomi 6:10 - iBhayibhili Elingcwele 1978

¹⁰ Kuzakuthi lapho iNkosi uNkulunkulu wakho ekungenisa elizweni eyafunga kubokhokho benu, oAbrahama loIsaka loJakobe, ukukunika ilizwe elilemizi emikhulu lemihle ongayakhanga,

IBhayibhili Elingcwele LesiNdebele

¹⁰ Kuzakuthi uThixo uNkulunkulu wenu eselingenisa elizweni afunga ngalo kuboyihlo, u-Abhrahama, u-Isaka loJakhobe, ukulinika lona, ilizwe elilamadolobho amakhulu, aphumelelayo kodwa elingazakhelanga wona,

UDutheronomi 6:10 ပူးပေါင်းရင်းမြစ်များ

UGenesisi 15:18

Ngalolosuku iNkosi yenza isivumelwano loAbrama, yathi: Ngiyayinika inzalo yakho lelilizwe, kusukela emfuleni waseGibithe kuze kube semfuleni omkhulu othiwa liYufrathi,

UGenesisi 26:3

hlala kulelilizwe, ngizakuba lawe ngikubusise; ngoba ngizakunika wena lenzalo yakho wonke lamazwe, ngiqinise isifungo engasifunga kuAbrahama uyihlo.

UGenesisi 28:13

Wabona iNkosi imi phansi kwakhe, yathi: NgiyiNkosi uNkulunkulu kaAbrahama uyihlo loNkulunkulu kaIsaka; ilizwe olele kulo ngizakukunika lona, wena lenzalo yakho;

UNehemiya 9:25

Bathumba imizi ebiyelweyo lelizwe elinothileyo, lezindlu ezigcwele zonke izinto ezinhle, imithombo egejiweyo lezivini lezihlahla zamaoliva lezihlahla ezilezithelo ezinengi. Badla basutha, bazimuka, bazithokozisa ngezinto ezinhle owabapha zona.

AmaHubo 105:44

Yabanika amazwe abezizwe; badla izithelo zomsebenzi wabantu,

AmaHubo 78:55

Wazixotsha izizwe phambi kwabo; wabahlukanisela ilizwe lazo laba yilifa labo, wahlalisa izizwe zakoIsrayeli emathenteni azo.

UDutheronomi 1:8

Khangelani, ngilivulele ilizwe phambi kwenu. Ngenani, lilithumbe ilizwe iNkosi eyafunga kubokhokho benu, oAbrahama loIsaka loJakobe, ukubanika lona lenzalo yabo emva kwabo.

UDutheronomi 19:1

Lapho iNkosi uNkulunkulu wenu isichithile izizwe zelizwe iNkosi uNkulunkulu wenu elinike lona, lalapho selizinqobile, selihlala emizini yazo lasendlini zazo,

UDutheronomi 31:20

Ngoba lapho sengibangenisile elizweni eligcwele uchago lenyosi engafunga ukubanika lona okhokho babo, sebedlile basutha, bazimuka, bazakuphendukela kwabanye onkulunkulu, babakhonze, bangidelele mina, baphule isivumelwano sami.

UDutheronomi 6:18

Wenze okulungileyo lokuhle emehlweni eNkosi ukuba kukulungele, lokuba ungene ulithumbe ilizwe elihle, iNkosi eyafunga ukulinika okhokho benu,

UDutheronomi 6:23

Yasikhupha khona ukuze isingenise elizweni, isinike lona eyafunga ukulinika okhokho.

UDutheronomi 8:12

Futhi lapho selidlile lasutha, lalapho selakhile izindlu ezinhle lahlala kuzo,

UDutheronomi 9:1

Zwana, Israyeli; uzakuchapha iJordani lamuhla, ungene uthumbe ilizwe lezizwe ezinkulu lezilamandla kulawe, lemizi emikhulu ebiyelwe ngemithangala efika phezulu.

UJoshuwa 24:13

Ngalinika ilizwe elingalisebenzanga, lemizi elingayakhanga, lihlala kiyo. Lidla izithelo zezivini lezezivande zamaoliva elingakuhlanyelanga.