UDutheronomi 5:21 - iBhayibhili Elingcwele 1978

²¹ Ungahawukeli umfazi kamakhelwane; ungafisi indlu kamakhelwane lensimu yakhe lenceku yakhe lencekukazi yakhe lenkabi yakhe lobabhemi wakhe lokunye okwakhe.

IBhayibhili Elingcwele LesiNdebele

²¹ Ungahawukeli umfazi kamakhelwane wakho. Ungahawukeli indlu kamakhelwane wakho loba isiqinti sakhe, inceku loba incekukazi yakhe, inkabi yakhe loba ubabhemi wakhe loba yini ekamakhelwane wakho.’

UDutheronomi 5:21 ပူးပေါင်းရင်းမြစ်များ

2 USamuyeli 11:2

Kwathi ngolunye usuku kusihlwa uDavida wavuka embhedeni wakhe, wahambahamba phezu kophahla lwendlu yenkosi, wabona esophahleni owesifazana egeza; wayemuhle kakhulu, ebukeka.

UJobe 31:9

Uba inhliziyo yami iyengwe ngowesifazana, ngacathama ngasemnyango kamakhelwana wami,

U-Eksodasi 20:17

Ungabi lamhawu ngendlu kamakhelwana wakho, lomkakhe, lenceku yakhe, lencekukazi yakhe, lenkabi yakhe, lobabhemi wakhe, langolunye ulutho lwakhe.

Izaga 6:25

Ungakhanuki ubuhle bakhe enhliziyweni yakho, angakuyengi ngamehlo akhe amahle;

UMikha 2:2

Bahawukela amasimu, bawathathe ngodlakela, lezindlu bayazithatha; bathathela umuntu umuzi wakhe, bamthathele lelifa lakhe.

UHabhakhukhi 2:9

Maye kulowo ozuzela indlu yakhe inzuzo embi, ukuba akhele isidleke sakhe phezulu ukuze avikeleke engozini!

ULukha 12:15

Wasesithi kibo: Xwayani, liqaphele ubuhwaba bonke, ngoba ukusila komuntu kakuyi ngobunengi bempahla yakhe.

AbaseRoma 13:9

Ngoba limithetho ethi: Ungafebi, ungabulali, ungebi, ungabi lamhawu; loba kukhona omunye umlayo, yonke ihlanganiswa kulelilizwi elithi: Wothanda umakhelwana wakho njengalokhu uzithanda wena.

AmaHebheru 13:5

Lingaphileli imali; laneliswe yilokho elilakho; ngoba yena utshilo ukuthi: Kangisoze ngakulahla, kangisoze ngakutshiya.