UDutheronomi 33:29 - iBhayibhili Elingcwele 1978

²⁹ Uthabile, wena Israyeli! Ngubani onjengawe, isizwe esikhululwe yiNkosi, eyisihlangu sokusizwa kwakho lomkhonto wokunqoba kwakho? Izitha zakho zizakuzithobela wena, uzinyathele phansi.

IBhayibhili Elingcwele LesiNdebele

²⁹ Ubusisiwe wena, Oh Israyeli! Ngubani onjengawe, abantu abahlengwa nguThixo? Ulihawu lakho lomsizi wakho njalo uyinkemba yakho ekhazimulayo. Izitha zakho zizatshotshobala phambi kwakho njalo uzazinyathela phansi zonke izindawo zabo zokukhonza eziphakemeyo.”

UDutheronomi 33:29 ပူးပေါင်းရင်းမြစ်များ

UGenesisi 15:1

Emva kwalokhu ilizwi leNkosi lafika kuAbrama ngombono, lathi: Ungesabi wena Abrama, ngiyisihlangu sakho; umvuzo wakho uzakuba mkhulu kakhulu.

2 USamuyeli 22:3

uNkulunkulu wami ulidwala lami engiphephela kulo, lesihlangu sami, lesivikelo sami, inqaba yami lesiphephelo sami; umkhululi wami ongikhulula kokubi.

2 USamuyeli 22:45

Abezizweni bazithoba phambi kwami; banela ukungizwa nje ngendaba bangilalela.

2 USamuyeli 7:23

Yisiphi isizwe emhlabeni esinjengabantu bakho uIsrayeli, Nkulunkulu owazihlengela bona eGibithe baba ngabantu bakho, wazenzela udumo, wabenzela izenzo ezinkulu lezesabekayo ngokuxotsha ngaphambi kwabo izizwe kanye labonkulunkulu bazo, na?

2 ImiLando 31:8

Lapho uHezekiya lezikhulu befika babona izinqumbi, bayibonga iNkosi uNkulunkulu labantu bayo uIsrayeli.

AmaHubo 1:1

Ubusisiwe umuntu ongahambi ngezeluleko zababi, ongalaleli izeluleko zezoni, ongahlaliyo labaklolodayo;

AmaHubo 144:15

Babusisiwe abantu abanjalo; babusisiwe abantu abaNkulunkulu wabo yiNkosi.

AmaHubo 18:44

Banela ukungizwa nje ngendaba bangilalela; abezizweni bazithoba phambi kwami.

AmaHubo 18:45

Abezizweni bethuka, baphuma ezinqabeni zabo bethuthumela.

AmaHubo 32:1

Ubusisiwe lowo osiphambeko sakhe sithethelelwe, osono sakhe sisitshekelwe.

AmaHubo 32:2

Ubusisiwe umuntu iNkosi engambaleli ububi, okungekho inkohliso emoyeni wakhe.

AmaHubo 33:12

Sibusisiwe isizwe esiNkulunkulu waso yiNkosi, abantu ebakhethileyo baba ngabayo.

AmaHubo 33:20

Sithemba iNkosi; yona ilusizo lwethu lesihlangu sethu.

AmaHubo 45:3

Hloma ngomkhonto wakho wena qhawe, ulobukhosi lobukhulu.

AmaHubo 66:3

Tshonini kuNkulunkulu lithi: Yeka ukwesabeka kwezenzo zakho! Ngenxa yobukhulu bamandla akho izitha zakho ziyaququbala phambi kwakho.

AmaHubo 68:34

Nikani udumo kuNkulunkulu, obukhosi bakhe buphezu kukaIsrayeli, lamandla akhe asemayezini.

AmaHubo 7:12

Uba umuntu engaphenduki, uNkulunkulu uzalola umkhonto wakhe; useligobile walibopha idandili lakhe,

AmaHubo 81:15

Labo abayizondayo iNkosi bangatshotshobala phambi kwayo, ukuba ukutshaywa kwabo kume kuze kube nininini.

AmaHubo 84:11

Ngoba iNkosi uNkulunkulu ililanga lesihlangu, iyaphana ngomusa lodumo; kayibancitshi labo abahamba ngobuqotho.

U-Isaya 12:2

UNkulunkulu ungumkhululi wami, ngizakuthemba ngingesabi; ngoba iNkosi uNkulunkulu ingamandla ami lengoma yami, isingumkhululi wami.

U-Isaya 27:1

Ngalolosuku iNkosi izakutshaya uLeviyathani, inyoka ephaphayo, inyoka ethandelayo, imtshaye ngomhedla wayo olukhuni lomkhulu lolamandla, ibulale lumgobho osolwandle.

U-Isaya 33:16

yena uzakuhlala ekuphakameni, isivikelo sakhe sibe njengenqaba eqinileyo, uzakuzuza ukudla okwaneleyo, lamanzi akhe kawayikusweleka.

U-Isaya 45:17

Kodwa uIsrayeli uzakhululwa yiNkosi ngokukhululwa okungapheliyo; kaliyikuyangeka, libe lenhloni, kuze kube nininini.

U-Isaya 58:14

uzafumana intokozo kimi, ngizakukukhweza ezintabeni eziphakemeyo zomhlaba, ngikuphe ilifa likaJakobe ukhokho wakho ukuba ulidle; ngoba umlomo weNkosi ukukhulumile.

UJeremiya 12:12

Abaphangi bafikile phezu kwawo wonke amadundulu angelalutho asenkangala, ngoba umkhonto weNkosi uyadla kusukela komunye umkhawulo welizwe kusiya komunye, kakho olokuthula.

UJeremiya 47:6

Hawu, mkhonto weNkosi! koze kube nini ungakhawuli na? Buyela emgodleni wakho, uhlale uphumule.

UHosiya 13:9

Ngizakukuchitha, Israyeli; ngubani ongakusiza na?

uAmosi 8:7

INkosi ifungile ngokuzigqaja kukaJakobe, yathi: Impela kangiyikuzikhohlwa izenzo zabo kuze kube nininini.

UHabhakhukhi 3:19

UNkulunkulu, iNkosi, ungamandla ami. wenza inyawo zami zibe njengezempala, engenze ukuba ngihambe endaweni zami eziphakemeyo.

AmaNani 24:5

Lona lithi: Mahle kangaka amathente akho, Jakobe, lamakhaya akho, Israyeli!

AmaNani 33:52

xotshani bonke abakhileyo elizweni phambi kwenu, libulale wonke amatshe abo alemifanekiso, lichithe zonke izithombe zabo ezibunjiweyo, livale zonke indawo zabo eziphakemeyo zokukhonzela,

UDutheronomi 32:13

Wamkhwelisa endaweni eziphakemeyo zomhlaba, wadla izithelo zamasimu. Wamnika uluju oluvela edwaleni, lamagcobo aphuma elitsheni elilukhuni,

UDutheronomi 4:32

Ake libuze ngensuku ezidlulileyo ezazingaphambi kwenu, kusukela osukwini uNkulunkulu adala ngalo umuntu emhlabeni, libuze kusukela komunye umkhawulo wezulu kuze kube komunye, ukuthi kwake kwenzakala loba kwezwakala yini into engangale.

UDutheronomi 4:34

Futhi omunye unkulunkulu wake wazama yini ukuzithathela isizwe phakathi kwesinye isizwe ngezinhlupheko, langezibonakaliso, langezimangaliso, langempi, langesandla esilamandla, langengalo elamandla, langezinto ezesabekayo, njengakho konke iNkosi uNkulunkulu wenu eyalenzela khona eGibithe phambi kwamehlo enu na?

1 uTimothi 4:10

Sisebenzela lokho, siyatshikatshika, ngoba sithembele kuNkulunkulu ophilayo onguMsilisi wabo bonke abantu, ikakhulu bona abakholwayo.

Isambulo 1:16

Wayephethe izinkanyezi eziyisikhombisa esandleni sakhe sokunene, lasemlonyeni wakhe kwaphuma umhedla obukhali inxa zombili, lobuso bakhe bunjengelanga elikhanya ngamandla.

Isambulo 19:21

Labaseleyo babulawa ngomhedla walowo ogade ibhiza, umhedla ophuma emlonyeni wakhe; inyoni zonke zazitika ngenyama yabo.

Abahluleli 7:20

Ababesezigabeni ezintathu bakhalisa impondo, babulala izinqayi, bephethe ezandleni zabo zasekhohlo izibane lezandleni zabo zokunene impondo zokukhaliswa, bamemeza besithi: Umkhonto weNkosi lokaGidiyoni!