UDutheronomi 32:40 - iBhayibhili Elingcwele 1978

⁴⁰ Ngoba ngiphakamisela isandla sami ezulwini, ngifunge ngithi: Njengoba ngiphila kokuphela,

IBhayibhili Elingcwele LesiNdebele

⁴⁰ Ngiphakamisela isandla sami ezulwini ngithi: Njengoba ngeqiniso ngiphila nini lanini,

UDutheronomi 32:40 ပူးပေါင်းရင်းမြစ်များ

UGenesisi 14:22

UAbrama wathi enkosini yaseSodoma: Ngiyafunga eNkosini uNkulunkulu oPhezukonke, uMdali wezulu lomhlaba,

UGenesisi 21:33

UAbrahama esehlanyele isihlahla esithiwa yitamarisiki eBerisheba wakhuleka khona ebizweni leNkosi, uNkulunkulu ongelakuphela.

2 USamuyeli 22:47

INkosi ikhona; kalidunyiswe idwala lami, kaphakanyiswe uNkulunkulu, idwala lenqaba yami;

AmaHubo 144:11

Ngophula emhedleni olesihluku, ungikhulule esandleni sabezizwe abamilomo yabo ikhuluma amanga, abasandla sabo sokunene siyisandla senkohliso.

AmaHubo 144:8

abamilomo yabo ikhuluma amanga, abasandla sabo sokunene siyisandla senkohliso.

U-Eksodasi 6:8

ngizalingenisa elizweni engalithembisa lona ngesifungo ukulinika uAbrahama loIsaka loJakobe, ngilinike lona libe ngelenu; ngiyiNkosi.

UJeremiya 4:2

futhi uba ufunga ngeqiniso langokulunga langokuqonda uthi: Ngifunga iNkosi; izizwe zizabusiswa kuyo, zizibonge ngayo.

UJeremiya 44:26

Kodwa zwanini ilizwi leNkosi, lina lonke bakoJuda elihlala eGibithe: Khangelani, ngifungile ibizo lami elikhulu, kutsho iNkosi, ukuba ibizo lami kalisayikubizwa futhi ngumlomo womuntu koJuda, kulo lonke ilizwe laseGibithe, ngokuthi: Ngifunga iNkosi uNkulunkulu.

UHezekhiyeli 20:5

uthi kibo: INkosi uNkulunkulu ithi: Ngosuku engakhetha ngalo abakoIsrayeli, ngafunga kuyo inzalo kaJakobe, ngazibonakalisa kibo elizweni laseGibithe, ngafunga kibo ngathi: Mina ngiyiNkosi uNkulunkulu wenu.

UHezekhiyeli 20:6

Ngalolosuku ngafunga kibo ukuba ngibakhuphe elizweni laseGibithe, ngibese elizweni engabadingela lona, ilizwe eligcwele uchago lenyosi, ilizwe elihle kulawo wonke amazwe.

UHezekhiyeli 21:4

Njengoba ngizaqeda kuwe abalungileyo lababi, umkhonto wami uzahwatshelwa bonke abantu, kusukela eningizimu kuze kufike enyakatho.

UHezekhiyeli 21:5

Bonke abantu bazakwazi ukuba mina Nkosi ngiwuhwatshile umkhonto wami esambeni sawo, kawusayikubuyiselwa kuso futhi.

UDanyeli 12:7

Lowomuntu ogqoke ilembu elihle, owayemi ngaphezu komfula, waphakamisela isandla sokunene lesandla sakhe sokhohlo phezulu; ngamuzwa efunga ngalowo ophila kuze kube nininini ukuba kuzakuba ngokweminyaka emithathu lengxenye. Lapho sekuphelile ukufohlozwa kwamandla abantu abangcwele, zonke lezizinto zizaphela.

AmaNani 14:21

kodwa impela, njengalokhu ngiphila, lanjengalokhu wonke umhlaba uzakugcwala inkazimulo yeNkosi,

Isambulo 4:10

abadala abangamatshumi amabili lane baziwisela phansi phambi kwakhe ohlezi esihlalweni sobukhosi, bamkhonza yena ophilayo kuze kube nininini, baphosela imiqhele yabo phambi kwesihlalo sobukhosi, behlabela besithi:

Isambulo 4:9

Kuthi lapho izidalwa eziphilayo zimnika ubukhosi lodumo lokubongwa lowo ohlezi esihlalweni sobukhosi, ophilayo kuze kube nininini,