UDutheronomi 32:4 - iBhayibhili Elingcwele 1978

⁴ UliDwala, lomsebenzi wakhe uphelele, ngoba zonke indlela zakhe ziyikulunga. UnguNkulunkulu othembekileyo, ongelabubi, ulungile, uqotho.

IBhayibhili Elingcwele LesiNdebele

⁴ UliDwala, imisebenzi yakhe iphelele, njalo zonke izindlela zakhe zilungile. UNkulunkulu othembekileyo ongenzi okubi, uqotho njalo ulungile yena.

UDutheronomi 32:4 ပူးပေါင်းရင်းမြစ်များ

UGenesisi 1:31

UNkulunkulu wasebona konke akwenzileyo; khangela, kwakukuhle kakhulu. Kwaba khona ukuhlwa lokusa, kwaba lusuku lwesithupha.

UGenesisi 18:25

Kakube khatshana lawe ukwenza njalo, ukubulala olungileyo kanye lomubi ukuba olungileyo abe njengomubi; kakube khatshana lawe impela; umahluleli womhlaba wonke kayikwenza ukulunga na?

2 USamuyeli 22:47

INkosi ikhona; kalidunyiswe idwala lami, kaphakanyiswe uNkulunkulu, idwala lenqaba yami;

2 USamuyeli 23:3

UNkulunkulu kaIsrayeli usekhulumile, iDwala likaIsrayeli likhulumile kimi lathi: Obusa abantu ngokulunga, abuse ngokumesaba uNkulunkulu,

2 ImiLando 19:7

Ngakho liyesabe iNkosi, linanzelele elikwenzayo, ngoba iNkosi uNkulunkulu wethu kayiyikuvumela ukuhlanekelwa kokulunga, lokubandlulula abantu, lokuthengwa.

UNehemiya 9:8

wamfumanisa ethembekile kuwe, wenza laye isivumelwano sokunika inzalo yakhe ilizwe lamaKanani lamaHethi lamaAmori lamaPerizi lamaJebusi lamaGirigashi; usigcwalisile lesisithembiso sakho, ngoba wena ulungile.

UJobe 34:10

Ngakhoke, ngizwani, lina bantu abaqedisisayo: kakube khatshana loNkulunkulu ukuba enze okubi, lakuSomandla ukuba one.

UJobe 35:14

Kuzakuba kubi kuwe uba usithi: UNkulunkulu kangiboni. Uzithobe phambi kwakhe, ulindele ilizwi lakhe,

UJobe 36:23

Ngubani ommisele indlela yakhe na? Ngubani ongatsho kuye ukuthi: Wena wonile?

UJobe 8:3

Kambe uNkulunkulu uyakuhlanekela okufaneleyo na? USomandla uyahlanekela ukulunga na?

AmaHubo 100:5

Ngoba iNkosi ilungile; lothando lwayo olungapheliyo lumi kuze kube nininini, lobuqotho bayo ezizukulwaneni zonke.

AmaHubo 138:8

INkosi izakuphelelisa icebo layo ngami; uthando lwakho olungapheliyo, Nkosi, lumi kuze kube nininini. Ungawutshiyi umsebenzi wezandla zakho.

AmaHubo 145:17

INkosi ilungile endleleni zayo zonke, ilomusa ekwenzeni kwayo konke.

AmaHubo 146:6

yena owenza izulu lomhlaba, lolwandle lakho konke okukukho, yena othembekileyo kuze kube nininini,

AmaHubo 18:2

INkosi ilidwala lami, lenqaba yami, lomkhululi wami; uNkulunkulu wami ulidwala lami engiphephela kulo, lesihlangu sami, lesivikelo sami lenqaba yami.

AmaHubo 18:46

INkosi ikhona; kalidunyiswe idwala lami, kaphakanyiswe uNkulunkulu wokukhululwa kwami;

AmaHubo 19:7

Umlayo weNkosi uphelele, uvuselela umphefumulo; imilayo yeNkosi iqinisile, ihlakaniphisa oyisithutha;

AmaHubo 31:5

Ezandleni zakho ngiyabeka umoya wami; ungikhulule, Nkosi, Nkulunkulu othembekileyo.

AmaHubo 33:4

Ilizwi leNkosi liqotho, wonke umsebenzi wayo wenziwe ngobuqotho.

AmaHubo 78:35

bakhumbula ukuthi uNkulunkulu ulidwala labo, oPhezukonke ungumhlengi wabo.

AmaHubo 9:16

INkosi izibonakalisile, yahlulela; ababi bathiywe emsebenzini wezandla zabo.

AmaHubo 90:16

Izenzo zakho kazibonakale ezincekwini zakho, lobukhosi bakho ebantwaneni bazo.

AmaHubo 92:15

ukuze batshengise ukuthi iNkosi iqondile; yona ilidwala lami, kakukho ukungalungi kiyo.

AmaHubo 97:2

Iphahliwe ngamayezi lomnyama; ukulunga lokwahlulela kuyisisekelo sesihlalo sayo sobukhosi.

AmaHubo 98:3

Ikhumbule uthando lwayo olungapheliyo lobuqotho bayo kuyo indlu kaIsrayeli. Abantu bomhlaba wonke bakubonile ukunqoba kukaNkulunkulu.

AmaHubo 99:4

Nkosi elamandla, ethanda ukwahlulela, umisile ubuqotho, wahlulela ngokulunga, wenza ukulunga kuJakobe.

U-Eksodasi 34:6

INkosi yedlula phambi kwakhe, yamemeza yathi: YiNkosi! YiNkosi! nguNkulunkulu olesihawu olomusa, ophuza ukuthukuthela, ogcwele uthando olungapheliyo lobuqotho,

UmTshumayeli 3:14

Ngiyazi ukuthi konke uNkulunkulu akwenzayo kuhlala kokuphela; kakukho okwengezelelwa kukho lokuphungulwa kukho; uNkulunkulu wakwenza kwaba njalo ukuze umuntu esabe phambi kwakhe.

U-Isaya 17:10

Ngoba wena Israyeli umkhohliwe uNkulunkulu wokukhululwa kwakho, kawulikhumbulanga leDwala, isiphephelo sakho. Ngoba uyahlanyela izithombo ezinhle, ugxumeke amahlumela abonkulunkulu bezizwe,

U-Isaya 25:1

Wena Nkosi unguNkulunkulu wami; ngizakukudumisa, ngidumise ibizo lakho; ngoba wenzile izinto ezimangalisayo, lamacebo akho amiswa endulo, athembekile, aqotho.

U-Isaya 26:4

Thembani eNkosini kokuphela, ngoba iNkosi uNkulunkulu ilidwala elingelakuphela.

U-Isaya 28:16

Ngakhoke iNkosi uNkulunkulu ithi: Khangelani, ngiyamisa eZiyone ilitshe lesisekelo, ilitshe elihloliweyo, ilitshe lengonsi eliligugu, lelesisekelo esiqotho. Lowo okholwayo kayikukhubeka.

U-Isaya 30:18

Kodwa iNkosi ilindele ukuba ibe lomusa kini, iyathanda ukuba ibe lesihawu kini; ngoba iNkosi inguNkulunkulu wokulunga, babusisiwe bonke abathemba kuyo.

U-Isaya 32:2

Yileso laleso sibe yindawo yokucatshela umoya lesivikelo sesiphepha, sibe njengemifula yamanzi endaweni eyomileyo, lanjengomthunzi wedwala elikhulu elizweni elilugwadule.

UJeremiya 10:10

Kanti iNkosi inguNkulunkulu weqiniso, inguNkulunkulu ophilayo leNkosi engelakuphela. Ekuthukutheleni kwayo umhlaba uyazamazama, lezizwe kazilakukumela ukufutheka kwayo.

UJeremiya 9:24

kodwa ozincomayo kazincome ngalokhu, ukuthi uyangiqedisisa, futhi uyazi ukuba mina ngiyiNkosi elothando olungapheliyo, lokulunga, lobuqotho emhlabeni; ngoba lezizinto ngiyezithanda, kutsho iNkosi.

UDanyeli 4:34

Ekupheleni kweminyaka emisiweyo mina Nebukadineza ngaphakamisela amehlo ami phezulu, lengqondo yami yabuya kimi; ngambonga oPhezukonke, ngamdumisa, ngamphakamisa yena ohlala kuze kube nininini. Ngoba ukubusa kwakhe kakulakuphela, lombuso wakhe ungowezizukulwana zonke;

UDanyeli 4:37

Ngalokhoke mina Nebukadineza ngiyayibonga ngiyiphakamise ngiyidumise iNkosi yaphezulu; ngoba yonke imisebenzi yayo ilungile, lendlela zayo zinhle. Labo abazigqajayo uyabathobisa.

UHabhakhukhi 1:12

Kawusuye owasendulo, wena Nkosi Nkulunkulu wami oNgcwele na? Kasiyikufa. Nkosi, wenzile lesisizwe ukuba sibe yinto yokwahlulela; wena Dwala, usimisele ukutshaya.

UHabhakhukhi 1:13

Wena omehlo akho ahlambulukile kakhulu ukuba abone okubi, ongelakukukhangela okungalunganga, ubakhangelelani abakhohlisayo na? Uthulelani lapho ababi beqeda abalungileyo kulabo na?

UZefaniya 3:5

INkosi iphakathi kwawo ilungile, kayenzi okubi; insuku zonke ekuseni iyenza okufaneleyo, futhi kayiphuthi; kodwa omubi kalanhloni.

UMatewu 5:48

Ngakho lina wobani ngabapheleleyo, njengokuba uYihlo osezulwini ephelele.

UJohane 1:14

ULizwi waba yinyama, wahlala phakathi kwethu, sabona inkazimulo yakhe injengeyozelwe yedwa kaYise, egcwele umusa leqiniso.

UJohane 1:17

Ngoba umlayo wanikwa ngoMose, umusa leqiniso kweza ngoJesu Kristu.

UJohane 14:6

UJesu wathi kuye: Yimi indlela, leqiniso lokuphila; kakho oza kuBaba engezi ngami.

UJohane 5:22

Ngoba uYise kahluleli muntu; kodwa unikele iNdodana konke ukwahlulela,

AbaseRoma 1:32

bewazi umthetho kaNkulunkulu wokuthi abenza okunjalo bafanele ukufa, kodwa bayakwenza; futhi bavumelana labakwenzayo.

AbaseRoma 2:2

Siyazi ukuthi ukuthonisisa kukaNkulunkulu kwehlela ngokweqiniso abenza okunjalo.

AbaseRoma 2:5

Kodwa ngobulukhuni benhliziyo yakho engaphendukiyo uzibekelela ulaka ngosuku lolaka, mhla kusambulwa ukuthonisisa okulungileyo kukaNkulunkulu

AbaseRoma 3:5

Kodwa uba ukungalungi kwethu kubonakalisa ukulunga kukaNkulunkulu, sizakuthini na? UNkulunkulu kalunganga yini ngokwehlisela ulaka phezu kwethu na? Ngikhulumisa okomuntu.

1 AbaseKhorinte 10:4

bonke banatha ukunatha kunye komoya; ngoba banatha edwaleni lomoya elahamba labo; lelodwala lalinguKristu.

UDutheronomi 10:18

Iyenzela ukwahlulela izintandane labafelwakazi, iyathanda abezizweni abahlala phakathi kwenu ibanike ukudla lezambatho.

UDutheronomi 32:15

Kodwa uJeshuruni wazimuka, wasehlamuka. Yebo, uIsrayeli waminza, wakhuluphala, wazimuka. Wasedela uNkulunkulu owamenzayo, wadelela iDwala lokukhululwa kwakhe.

UDutheronomi 32:18

Kabalinanzelelanga iDwala elabazalayo, bamkhohlwa uNkulunkulu owabazalayo.

UDutheronomi 7:9

Ngakhoke yazini ukuthi iNkosi uNkulunkulu wenu inguNkulunkulu, uNkulunkulu othembekileyo, ogcina isivumelwano sakhe, olothando olungapheliyo kubo abamthandayo abagcina isivumelwano sakhe, kuze kube sezizukulwaneni eziyinkulungwane,

UJakhobe 1:17

Iziphiwo zonke ezinhle leziphiwo zonke ezipheleleyo zivela phezulu, zehla kuYise wezinkanyezi okungekho kuye ukuphenduka njengemithunzi ephendukayo.

UJakhobe 4:12

Munye ongumisimilayo lomthonisisi, nguye olamandla okusilisa lokubhubhisa; ungubani wena owahlulela umakhelwane wakho na?

1 UPhethro 2:6

Ngoba umbhalo uthi: Khangelani, ngiyabeka eZiyone ilitshe lengonsi elikhethiweyo eliligugu; okholwa kulo kayikuyangeka.

1 USamuyeli 2:2

Kakho ongcwele njengeNkosi, kakho loyedwa ngaphandle kwakho; futhi kalikho ledwala elinjengoNkulunkulu wethu.