UDutheronomi 32:39 - iBhayibhili Elingcwele 1978

³⁹ Bonani ukuthi mina nginguye, kakho omunye unkulunkulu ngaphandle kwami; ngiyabulala, ngisilise; ngiyalimaza, ngelaphe; kakho ongakhulula esandleni sami.

IBhayibhili Elingcwele LesiNdebele

³⁹ Angithi liyazibonela ukuthi Mina ngiNguye! Kakho omunye unkulunkulu ngaphandle kwami. Ngiyabhubhisa njalo ngiyaphilisa. Ngilimazile njalo ngizelapha, kakho ongaphunyuka esandleni sami.

UDutheronomi 32:39 ပူးပေါင်းရင်းမြစ်များ

2 AmaKhosi 20:5

Buyela umtshele uHezekiya umbusi wabantu bami ukuthi iNkosi, uNkulunkulu kaDavida ukhokho wakho, ithi: Ngiwuzwile umkhuleko wakho, ngabona lenyembezi zakho; ngizakukusilisa; ngosuku lwesithathu uzakuya ethempelini.

2 AmaKhosi 5:7

Kwathi inkosi yakoIsrayeli isiyibalile leyoncwadi yadabula izigqoko zayo isithi: NginguNkulunkulu yini mina ukuba ngibulale loba ngisilise ukuba lumuntu athumele ilizwi kimi ukuba ngelaphe lumuntu ubulephero bakhe na? Ake libone ukuthi udinga kanjani ithuba lokuxabana lami.

UNehemiya 9:6

Nguwe wedwa oyiNkosi owenza izulu eliphezulu kakhulu lakho konke okukulo, lomhlaba lakho konke okukuwo, lezinlwandle lakho konke okukuzo, wena uyakulondoloza konke; lakho konke okusezulwini kuyakukhonza.

UJobe 10:13

Kanti lokhu ukufihlile enhliziyweni yakho; ngiyazi ukuba yikho lokho okuqondileyo.

UJobe 10:7

lanxa usazi ukuthi kangilacala, lokuba kakho ongangikhulula esandleni sakho na?

UJobe 5:18

Ngoba uyalimaza, abuye abophe amanxeba, atshaye, abuye apholise.

AmaHubo 102:27

kodwa wena unguwe njalo, leminyaka yakho kayipheli.

AmaHubo 102:28

Abantwana bezinceku zakho bazakuhlala bevikelekile, lenzalo yabo izakuma phambi kwakho.

AmaHubo 18:31

Ngoba ngubani onguNkulunkulu ngaphandle kweNkosi na? Ngubani olidwala ngaphandle kukaNkulunkulu wethu na?

AmaHubo 50:22

Kuqaphele lokhu, wena okhohlwa uNkulunkulu, funa ngikudabule, kungabi khona okukhululayo.

AmaHubo 51:8

Ngigcwalisa ngentokozo lokujabula, ukuze athabe amathambo owaphulileyo.

AmaHubo 68:20

UNkulunkulu wethu unguNkulunkulu wokukhulula; uNkulunkulu iNkosi ungasisiza ekufeni.

AmaHubo 86:10

Ngoba wena umkhulu, wenza izinto ezimangalisayo, unguNkulunkulu wena wedwa.

U-Eksodasi 15:26

yathi: Uba lilalela ilizwi leNkosi uNkulunkulu wenu ngenhliziyo yenu yonke, lenze okulungileyo emehlweni ayo, lilalele imilayo yayo, ligcine zonke izimiso zayo, kangiyikwehlisela phezu kwenu lasinye sezifo engazehlisela phezu kwamaGibithe; ngoba ngiyiNkosi eliphilisayo.

U-Eksodasi 4:7

Yathi: Faka futhi isandla sakho esifubeni sakho. Waphinda wasifaka isandla sakhe esifubeni sakhe; esesikhuphile wabona ukuthi sasesiphenduke saba njengomzimba wakhe wonke.

UmTshumayeli 3:3

isikhathi sokubulala, lesikhathi sokuphilisa; isikhathi sokudiliza, lesikhathi sokwakha;

U-Isaya 19:22

INkosi izakulitshaya iGibithe, ilitshaye ibuye ilisilise; bazaphendukela kuyo, yona izakuzwa imikhuleko yabo, ibasilise.

U-Isaya 30:26

Futhi ukukhanya kwenyanga kuzakuba njengokukhanya kwelanga, lokukhanya kwelanga kuphindwe kasikhombisa, kube ngangokukhanya kwensuku eziyisikhombisa, mhla iNkosi ibopha amanxeba abantu bayo, ipholisa izilonda zemivimvinya yabo.

U-Isaya 41:4

Ngubani oveze lokhu, wakwenza, obiza izizukulwana kusukela ekuqaleni na? Kuyimi iNkosi engingowokuqala, engilokho nginjalo lasekucineni.

U-Isaya 43:10

Lina bakoIsrayeli, lingofakazi bami, kutsho iNkosi, lenceku yami engiyikhethileyo, ukuze lazi, likholwe, liqedisise ukuba nginguye. Ngaphambi kwami kakuzanga kube khona omunye unkulunkulu, langasemva kwami kakuyikuba khona omunye.

U-Isaya 43:12

Yimi engakubikezela, ngakumemezela, ngeza ukulisiza, kwakungesuye unkulunkulu wezizwe phakathi kwenu; lina lingofakazi bami, kutsho iNkosi.

U-Isaya 43:13

Mina nginguNkulunkulu; yebo, ngizaba nguye lanini. Kakho ongakhululwa esandleni sami; kakho ongaphendula engikwenzayo.

U-Isaya 45:18

Ngoba iNkosi eyadala iphezulu, yona enguNkulunkulu, eyabumba umhlaba, yawenza, yawumisa, ingawudaleli ize, yawubumba ukuba kuhlalwe kuwo, ithi: NgiyiNkosi, kakho omunye.

U-Isaya 45:22

Phendukelani kimi likhululwe, lina lonke bantu basemhlabeni wonke. Ngoba nginguNkulunkulu, kakho omunye.

U-Isaya 45:5

Mina ngiyiNkosi, kakukho omunye, langaphandle kwami kakho uNkulunkulu. Ngiyakuhlomisa ngezikhali, lanxa wena ungangazi,

U-Isaya 46:4

Lize liguge nginguye; yebo, lize libe yizimpunga ngizakulithwala; sengikwenzile lokho, ngilithwele; yebo, ngizakulithwala, ngilikhulule.

U-Isaya 48:12

Ngilalela, wena Jakobe, lawe Israyeli engikubizileyo. Nginguye, ngingowokuqala lowokucina.

UHezekhiyeli 37:12

Ngakhoke tshumayela uthi kibo: INkosi uNkulunkulu ithi: Ngizavula amaliba enu, ngilivuse emalibeni enu, lina bantu bami, ngilibuyise elizweni lakoIsrayeli.

UHezekhiyeli 37:3

Yathi kimi: Ndoda, kambe amathambo la angaphila na? Ngaphendula ngathi: Nkosi Nkulunkulu, nguwe owaziyo.

UHosiya 5:14

Ngizakuba njengesilwane koEfrayimi, ngibe njengesilwane koJuda. Mina, uqobo lwami, ngizakubadabudabula, besengihamba, ngibathwale njengempango yami, kungabi khona ongamukayo.

UHosiya 6:1

Wozani sibuyele eNkosini, ngoba yona isilimazile, kanti izaselapha; isitshayile, kanti izakubopha amanxeba ethu.

UMikha 5:8

Abaseleyo bakaJakobe phakathi kwezizwe, bephakathi kwabantu abanengi bazakuba njengesilwane esiphakathi kwenyamazana zeganga, lanjengesilwane esiphakathi komhlambi wezimvu, esithi lapho sidabula phakathi kwawo sibambe, sinyathele sidabule iziqa, kungabi khona osizayo.

UJohane 8:24

Ngakhoke ngithe kini: Lizakufela ezonweni zenu; uba lingakholwa ukuthi nginguye lizakufela ezonweni zenu.

UDutheronomi 32:12

ngokunjalo iNkosi yamhola, kwakungekho layo unkulunkulu wabezizwe.

UDutheronomi 4:35

Lina lakutshengiswa lokho ukuba lazi ukuthi iNkosi inguNkulunkulu, kakho omunye onjengayo.

UDutheronomi 7:9

Ngakhoke yazini ukuthi iNkosi uNkulunkulu wenu inguNkulunkulu, uNkulunkulu othembekileyo, ogcina isivumelwano sakhe, olothando olungapheliyo kubo abamthandayo abagcina isivumelwano sakhe, kuze kube sezizukulwaneni eziyinkulungwane,

AmaHebheru 1:12

njengesambatho uzakukugoqa; kuzakuphendulwa njengengubo. Kodwa wena nguwe njalo, iminyaka yakho kayizukuphela.

Isambulo 1:11

Lokho okubonayo kulobe encwadini, uyithumele emabandleni ayisikhombisa, kwelaseEfesu lelaseSemerna lelasePergamo lelaseTiyathira lelaseSardisi lelaseFiladelfiya lelaseLawodikeya.

Isambulo 2:8

Lakuso isithunywa sebandla eliseSemerna loba uthi: Nanku akutshoyo owokuqala lowokucina, owake wafa, kodwa osephila, uthi:

1 USamuyeli 2:6

INkosi yiyo ebulalayo lephilisayo, leyehlisela abantu endaweni yabafileyo ibuye ibabuyise futhi.