UDutheronomi 32:35 - iBhayibhili Elingcwele 1978

³⁵ Ngokwami ukuphindisela lokubuyisela, ngesikhathi sokutshelela kwenyawo zabo; ngoba usuku lwabo lwengozi selusondele, lokho abakulungiselweyo kuzafika masinyane.

IBhayibhili Elingcwele LesiNdebele

³⁵ Ukuphindisela ngokwami; ngizabuyisela. Ngesikhathi esifaneleyo unyawo lwabo luzatshelela; usuku lwabo lokubhujiswa luseduze, ukuchitheka kwabo kubalanda ngesiqubu.’

UDutheronomi 32:35 ပူးပေါင်းရင်းမြစ်များ

UGenesisi 4:23

ULameki wathi kubafazi bakhe: Ada loZila zwanini ilizwi lami, lina bafazi bakaLameki lalelani ukukhuluma kwami; ngoba ngizabulala indoda engilimazayo lensizwa engihluzulayo.

2 USamuyeli 22:48

uNkulunkulu onginike impindiselo, wehlisela izizwe ngaphansi kwami;

2 AmaKhosi 9:7

Uzayibulala indlu kaAhabi inkosi yakho, ukuba ngiphindisele kuJezebeli igazi lenceku zami abaprofethi, legazi lazo zonke inceku zami.

AmaHubo 94:1

Nkosi, wena Nkulukulu wempindiselo, wena Nkulunkulu wempindiselo, ziveze!

U-Eksodasi 32:34

Kodwa hambake, ubaholele abantu endaweni engikhulume ngayo kuwe; isithunywa sami sizakukwandulela. Kanti mhla ngibethekelelayo ngizabatshaya ngenxa yesono sabo.

Izaga 4:19

kodwa indlela yababi injengomnyama omkhulu, kabazi ukuthi kuyini okubakhubekisayo.

U-Isaya 13:22

Impisi zizakhala ezinqabeni zalo, lamakhanka ezindlini ezinhle. Siseduze ukufika isikhathi salo, lezinsuku zalo kaziyikwandiswa.

U-Isaya 5:19

besithi: UNkulunkulu kaphangise ukwenza umsebenzi wakhe ukuze siwubone; icebo loNgcwele kaIsrayeli kalibonakale ukuze silazi.

U-Isaya 60:22

Usendo oluncinyane luzakuba ngabantu abanengi, labayingcosana babe yisizwe esilamandla. Ngizakukwenza lokhu ngesikhathi esifaneleyo. Mina ngiyiNkosi.

U-Isaya 8:15

Abanengi bazakhubeka kulo, bawe bephuke, bathiywe, babanjwe.

UJeremiya 13:16

Inikeni iNkosi udumo, uNkulunkulu wenu, ingakalethi umnyama, lenyawo zenu zingakakhubeki ezintabeni ngoba sekuhlwile, kuthi lisadinga ukukhanya, ikuphendule kube ngumnyama, ikwenze kube ngumnyama omkhulu.

UJeremiya 20:11

Kodwa iNkosi ilami njengeqhawe elesabekayo; ngakhoke abangizingelayo bazakhubeka, kabayikungahlula; bazayangeka kakhulu, ngoba kabayikuphumelela. Lehlazo labo elingelakuphela kaliyikukhohlakala.

UJeremiya 23:12

Ngalokhoke indlela yabo izakuba njengezindlela ezitshelelayo emnyameni, abazakusunduzelwa kizo, bawe; ngoba ngizabalethela okubi ngomnyaka wokutshaywa kwabo, kutsho iNkosi.

UJeremiya 51:56

Ngoba umchithi uyehlela phezu kweBabiloni; amaqhawe alo ayabanjwa, lamadandili awo ayephulwa. Ngoba iNkosi inguNkulunkulu onika umvuzo, izakuwukhokha umvuzo impela.

UJeremiya 6:21

Ngalokhoke, iNkosi ithi: Ngizabekela lababantu izikhubekiso ukuba bakhubeke; oyise labantwana bazabhubha omakhelwana kanye lomngane.

UJeremiya 8:12

Babelenhloni yini lapho besenza amanyala? Atshi, kababanga lanhloni lakanye, kabayangekanga. Ngalokhoke bazakuwa phakathi kwabawayo; ngesikhathi sokubatshaya kwami bazachitheka, kutsho iNkosi.

UHezekhiyeli 7:5

INkosi uNkulunkulu ithi: Ukuchitheka kulandela ukuchitheka. Nanku, kuyeza.

UHosiya 13:12

Ububi bukaEfrayimi bulotshiwe ogwalweni, lesono sakhe usibekelwe.

ULevi 19:18

Lingaphindiseli, lingabi lasikhwili labantwana babakini; thandani umakhelwane wenu njengalokhu lizithanda lina. NgiyiNkosi.

UNahume 1:2

INkosi inguNkulunkulu olomona ophindiselayo; iNkosi iyaphindisela, igcwele ulaka; iNkosi iphindisela ezitheni zayo, ihlala ithukuthelela izitha zayo.

UNahume 1:6

Ngubani ongema phambi kwentukuthelo yayo na? Ngubani ongema ekuvutheni kolaka lwayo na? Ulaka lwayo luthululeka njengomlilo, lamadwala aqekezeke phambi kwayo.

UHabhakhukhi 2:3

Ngoba umbono ungowesikhathi sawo; uyaphangisa ukuya ekupheleni, kawuyikukhohlisa. Uba uphuza, uwulindele; ngoba uzakufika impela, kawuyikuphuza.

AbaseRoma 12:19

Lina bathandiweyo, lingaziphindiseli, kodwa yekelelani ulaka lukaNkulunkulu, ngoba kulotshiwe ukuthi: Ngokwami ukuphindisela, ngizakuphindisela, kutsho iNkosi.

AbaseRoma 13:4

ngoba bayizinceku zikaNkulunkulu zokukwenzela okuhle. Kodwa uba usenza okubi, yesaba, ngoba umkhonto kabawuphatheli ize. Bayizinceku zikaNkulunkulu zokwehlisela ulaka lwakhe phezu kowenza okubi.

UDutheronomi 32:43

Dumisani abantu bayo, lina zizwe; ngoba iyaphindisela igazi lezinceku zayo, ibe lempindiselo kubo abamelene layo, yenzele ilizwe labantu bayo ukubuyisana.

AmaHebheru 10:30

Ngoba siyamazi owathi: Impindiselo ngeyami; ngizakubuyisela. Wabuya wathi: INkosi izakwahlulela abantu bayo.

1 UPhethro 2:8

ilitshe lokukhubekisa abantu, ledwala lokubawisa. Ngoba bayakhubeka ngenxa yokungalaleli ilizwi, okuyikhona ababekumiselwe.

2 UPhethro 2:3

Ekufiseni kwabo imali bazakuthengiselana ngani ngamazwi obuqili; ukulahlwa kwabo sekukade kusebenza phakathi kwabo, lokuchitheka kwabo kakuwozeli.

1 USamuyeli 26:10

UDavida wasesithi: Ngifunga iNkosi, iNkosi izamtshaya; loba kufike nje usuku lwakhe lokufa; kumbe aye empini afele khona.