UDutheronomi 32:26 - iBhayibhili Elingcwele 1978

²⁶ Bengizakuthi: Ngizabachitha isibili, ngiqede ukukhunjulwa kwabo phakathi kwabantu;

IBhayibhili Elingcwele LesiNdebele

²⁶ Ngithe ngizabachitha ngisuse imbali yabo bakhohlakale emhlabeni,

UDutheronomi 32:26 ပူးပေါင်းရင်းမြစ်များ

AmaHubo 34:16

Kodwa imelana labenza okubi, ukuba iqede ukukhunjulwa kwabo emhlabeni.

AmaHubo 34:17

Lapho abalungileyo bekhala, iNkosi iyabezwa, ibakhulule kuzo zonke izinhlupheko zabo.

U-Eksodasi 32:12

AmaGibithe uzawavumelelani ukuba athi: Yayiqonde ukubenza okubi ngokubakhupha kwayo ukuba ibabulale ezintabeni, ibaqede emhlabeni na? Phenduka olakeni lwakho oluvuthayo, ungenzi okubi lokhu ebantwini bakho.

U-Isaya 48:11

Ngenxa yebizo lami lodwa ngiyakwenza; ngoba ibizo lami lingcoliselwani na? Kanginiki omunye udumo lwami.

U-Isaya 63:16

Ngoba wena ungubaba, lanxa uAbrahama engasazi loIsrayeli engasivumi; wena Nkosi ungubaba, ibizo lakho linguMhlengi wethu kusukela endulo.

ULevi 26:33

Ngizakulihlakazela ezizweni, ngihwatshe umhedla ngilixotshe; ilizwe lakini lizakuba yincithakalo, lemizi yenu ichitheke.

ULevi 26:38

Lizakubhubhela ezizweni, lelizwe lezitha zenu lizakulidla.

ULukha 21:24

Bazakuwa bedliwa ngumkhonto, bathunjelwe ezizweni zonke; leJerusalema linyathelwe phansi ngabezizwe, kuze kugcwaliseke izikhathi zabezizwe.

UDutheronomi 28:25

INkosi izakukwenza unqotshwe yizitha zakho; uzakuphuma ngandlelanye ukuzihlasela, uzibalekele ngezindlela eziyisikhombisa; uzakuba yinto eyesabekayo kuyo yonke imibuso yomhlaba.

UDutheronomi 28:37

Lizakuba yinto eyesabekayo, lesiga, lehlazo phakathi kwabantu bonke lapho iNkosi izakulisa khona.

UDutheronomi 28:64

INkosi izakulihlakazela phakathi kwabantu bonke, kusukela komunye umkhawulo womhlaba kuze kube komunye, likhonze lapho abanye onkulunkulu abenziwe ngesigodo langelitshe, elingabaziyo lina labokhokho benu.

UDutheronomi 4:27

INkosi izalichithachitha phakathi kwabantu, lisale liyingcosana nje phakathi kwezizwe iNkosi ezakulixotshela kuzo.

UDutheronomi 9:14

Ngiyekela ukuba ngibabhubhise, ngiqede ibizo labo emhlabeni; ngizakukwenza wena ube yisizwe esikhulu lesilamandla kulabo.