UDutheronomi 32:25 - iBhayibhili Elingcwele 1978

²⁵ Ngaphandle impi izakubulala, ezindlini kuzakuba khona ukwesaba okukhulu, kubhubhise insizwa lentombi, lomntwana omunyayo lendoda eyimpunga.

IBhayibhili Elingcwele LesiNdebele

²⁵ Ezindleleni inkemba izabaswelisa abantwana, emizini kuzabusa uchuku. Amadodana lamadodakazi azabhujiswa aphele, abantwana abancinyane kanye lamadoda alenwele ezimhlophe.

UDutheronomi 32:25 ပူးပေါင်းရင်းမြစ်များ

2 AmaKhosi 7:5

Asebesuka kusahwalala ukuba aye ezihonqweni zamaSiriya; nxa efika ekucineni kwezihonqo kawabonanga muntu khona.

2 ImiLando 36:17

Ngalokhoke yabathumela inkosi yamaKaladiya eyabulala amajaha abo lasendlini yabo engcwele, ingahawukeli amajaha lezintombi, abadala lamaxhegu; iNkosi uNkulunkulu yabanikela bonke esandleni sayo.

U-Isaya 30:16

Kodwa lina lithi: Atshi, sizabaleka ngamabhiza. Ngakhoke balekani. Lithi njalo: Sizakhwela amabhiza alejubane. Ngakhoke labalixotshayo bazakuba lejubane elikhulu.

UJeremiya 44:7

Ngakhoke iNkosi, uNkulunkulu wamabandla, uNkulunkulu kaIsrayeli, ithi: Likwenzelani phezu kwenu lokhu okubi kangaka, ukuba libhubhise indoda lomfazi, usane lomntwana, baphele koJuda, kungasali muntu na?

UJeremiya 44:8

Kungani lingithukuthelisa ngezithombe zenu, litshisela abanye onkulunkulu impepha eGibithe lapho selihlala khona, ukuze libhujiswe, liphenduke into yokuthukwa leyokuhlekwa phakathi kwazo zonke izizwe zasemhlabeni na?

UJeremiya 9:21

Ngoba ukufa kungenile ngamawindi ethu, kwangena ezigodlweni zamakhosi ethu, kwaqeda abantwana ezindleleni, lamajaha emagumeni.

Izililo 1:20

Ake ukhangele, Nkosi, ngoba sengihluphekile, imibilini yami idungekile, inhliziyo yami ikhathazekile phakathi kwami, ngoba ngihlamukile kakhulu. Phandle ngumkhonto obulalayo, endlini yikufa.

Izililo 4:4

Ulimi lomunyayo lunamathela olwangeni lwakhe ngenxa yokoma, abantwana bacela isinkwa kodwa kakho obaphayo.

UHezekhiyeli 7:15

Ngaphandle kukhona impi, ngaphakathi kukhona isifo lendlala; osegangeni ubulawa yimpi, lophakathi komuzi abulawe yindlala lesifo.

UHosiya 11:6

Impi izatheleka emizini yabo, yaphule lemigoqo yamasango ayo, ibadle ezinqabeni zabo.

UHosiya 9:12

Loba bekhulisa abantwana, ngizakubamuka bona, kungasali loyedwa. Maye kibo lapho ngisuka kibo!

UHosiya 9:16

AbakoEfrayimi batshayiwe; impande yabo yomile, kabayikuthela izithelo. Loba bezala, ngizabulala abantwana babo abathandekayo.

ULevi 26:25

Ngizakwehlisela impi phezu kwenu ezakuphindisela isivumelwano. Uba libuthana emizini yenu, ngizakuthuma umkhuhlane phakathi kwenu, linikelwe ezandleni zezitha.

UMikha 6:14

Lizakudla, kodwa lingasuthi, kube khona ukulamba ngaphakathi kwenu; lizakulondoloza, kodwa kungalondolozeki; lalokhu elikulondolozayo ngizakukunikela empini.

2 AbaseKhorinte 7:5

Lasekufikeni kwethu eMakedoniya kasibanga lakuphumula, kodwa sakhathazeka inxa zonke; ngaphandle kwakukhona ingxabano ezinengi, lasenhliziyweni zethu ukwesaba.