UDutheronomi 32:15 - iBhayibhili Elingcwele 1978

¹⁵ Kodwa uJeshuruni wazimuka, wasehlamuka. Yebo, uIsrayeli waminza, wakhuluphala, wazimuka. Wasedela uNkulunkulu owamenzayo, wadelela iDwala lokukhululwa kwakhe.

IBhayibhili Elingcwele LesiNdebele

¹⁵ UJeshuruni wazimuka watshakala; esesuthi ukudla, wakhuluphala waba butshelezi. Wamlahla uNkulunkulu owamdalayo waliphika iDwala uMsindisi wakhe.

UDutheronomi 32:15 ပူးပေါင်းရင်းမြစ်များ

2 USamuyeli 22:47

INkosi ikhona; kalidunyiswe idwala lami, kaphakanyiswe uNkulunkulu, idwala lenqaba yami;

1 ImiLando 5:25

Kodwake bona kuNkulunkulu wabokhokho babo, balandela onkulunkulu babantu balelolizwe, uNkulunkulu abachithayo phambi kwabo.

2 ImiLando 12:1

Kwathi uRehobowamu eselamandla, lombuso wakhe usuqinile, wawudela umlayo weNkosi, labo bonke abakoIsrayeli benza njalo.

2 ImiLando 26:16

Kodwa lapho eseqinile wazikhukhumeza, kwamlethela ukuchitheka. Ngoba wona eNkosini uNkulunkulu wakhe ngokungena ethempelini leNkosi ukuba atshise impepha phezu kwealtare lempepha.

UNehemiya 9:25

Bathumba imizi ebiyelweyo lelizwe elinothileyo, lezindlu ezigcwele zonke izinto ezinhle, imithombo egejiweyo lezivini lezihlahla zamaoliva lezihlahla ezilezithelo ezinengi. Badla basutha, bazimuka, bazithokozisa ngezinto ezinhle owabapha zona.

UNehemiya 9:26

Kodwake kabalalelanga, bakuvukela wena, bafulathela umlayo wakho, babulala abaprofethi bakho ababebaxwayisa ukuze babuyele kuwe, bakuhlambaza kakhulu.

UJobe 15:27

Ubuso bakhe bugcwele ngokuzimuka, lezitho zakhe zinzima zigcwele;

AmaHubo 100:3

Yazini ukuthi iNkosi inguNkulunkulu. Yiyo eyasenzayo, singabayo: singabantu bayo lezimvu zedlelo layo.

AmaHubo 119:70

kabalakuqedisisa, kodwa mina ngithokoza ngomlayo wakho.

AmaHubo 17:10

Inhliziyo zabo bazivalela isihawu; bayazincoma ngomlomo wabo.

AmaHubo 18:46

INkosi ikhona; kalidunyiswe idwala lami, kaphakanyiswe uNkulunkulu wokukhululwa kwami;

AmaHubo 73:7

Ububi buyaphihlika emiphefumulweni yabo, lenhliziyo zabo ziphuphuma ubuthutha.

AmaHubo 81:11

Kodwa abantu bami kabalilalelanga ilizwi lami; uIsrayeli kazanga angazi.

AmaHubo 89:26

Uzakungibiza ngokuthi: Wena unguBaba loNkulunkulu wami, idwala lami, lomkhululi wami.

AmaHubo 89:27

Ngizakumenza abe lizibulo, abe mkhulu kulamakhosi wonke omhlaba.

AmaHubo 95:1

Wozani, siyihubele iNkosi, sihlabele ngokuthokoza kulo idwala lokukhululwa kwethu.

U-Isaya 1:4

Hawu, sizwe esonayo, bantu abasindwa yibubi, nzalo yababi, bantwana abonakeleyo! Liyitshiyile iNkosi, limdelile oNgcwele kaIsrayeli, lihlamukile.

U-Isaya 43:1

Kodwa khathesi iNkosi itsho ngokunje, yona eyakubumbayo wena Jakobe, eyakwenzayo wena Israyeli, ithi: Ungesabi, ngoba ngikuhlengile, ngakubiza ngebizo lakho, ungowami.

U-Isaya 44:2

INkosi eyakwenzayo, yakubumba esiswini, ezakukusiza, ithi: Ungesabi, Jakobe, nceku yami. wena Jeshuruni engikukhethileyo.

U-Isaya 6:10

Yenza inhliziyo yalababantu ibe lukhuni, lendlebe zabo zibe buthundu, ufiphaze amehlo abo, funa babone ngamehlo abo, bezwe ngendlebe zabo, baqedisise ngenhliziyo zabo, baphenduke basiliswe.

UJeremiya 2:31

Wena sizukulwana, lalela ilizwi leNkosi. Benginjengenkangala kuIsrayeli, lelizwe elilomnyama omkhulu na? Phoke, batsholoni abantu bami ukuthi: Sesikhululekile, kasisayikuza kuwe futhi?

UJeremiya 2:32

Intombi ingazikhohlwa yini iziceco zayo lomlobokazi izambatho zakhe na? Kanti abantu bami bangikhohliwe insuku ezingelakubalwa.

UJeremiya 2:5

INkosi ithi: Yibubi bani okhokho benu ababufumana kimi ukuze basuke baye khatshana lami, balandele lokho okuyize, babe yize na?

UJeremiya 5:28

bakhuluphele; kabalamkhawulo ekwenzeni kwabo okubi, kabameli ukulunga lezintandane ukuba ziphumelele, kabavikeli amalungelo abaswelayo.

UJeremiya 5:7

Ngingakuthethelela kanjani? Abantwana bakho bangihlamukele, bafunga labo abangesibo onkulunkulu. Ngabanika ukudla okunengi, kodwa bafeba, baya ezindlini zezifebe.

UHezekhiyeli 14:5

ukuze ngibambe inhliziyo zabakoIsrayeli abehlukene lami ngenxa yezithombe zabo.

UHosiya 13:6

Kodwa nxa usudlile kakhulu, wasutha, lenhliziyo yakho yazikhukhumeza; wasungikhohlwa.

UHosiya 4:7

Ngokwanda kwabapristi kuyanda lokona kwabo kimi. Udumo lwabo ngizaluphendula lube lihlazo.

Imisebenzi 28:27

ngoba inhliziyo yalesisizwe seyaba lukhuni, bezwa ngokulukhuni ngendlebe, lamehlo abo bawacimezile, funa babone ngamehlo abo, bezwe ngendlebe zabo, baqedisise ngenhliziyo zabo, baphenduke, ngibasilise.

Imisebenzi 9:5

Wathi: Ungubani, Nkosi? Yathi: NginguJesu omzingelayo;

UDutheronomi 31:16

INkosi yathi kuMose: Usuzakubhubha njengokhokho bakho; lababantu lapho sebefikile elizweni abaya kulo, bahlala labezizwe, bazakhonza onkulunkulu bazo, bangitshiye, basaphule isivumelwano sami engisenze labo.

UDutheronomi 31:20

Ngoba lapho sengibangenisile elizweni eligcwele uchago lenyosi engafunga ukubanika lona okhokho babo, sebedlile basutha, bazimuka, bazakuphendukela kwabanye onkulunkulu, babakhonze, bangidelele mina, baphule isivumelwano sami.

UDutheronomi 32:4

UliDwala, lomsebenzi wakhe uphelele, ngoba zonke indlela zakhe ziyikulunga. UnguNkulunkulu othembekileyo, ongelabubi, ulungile, uqotho.

UDutheronomi 32:6

Liyibonga iNkosi kanjalo, lina bantu abayizithutha labangahlakaniphanga na? Kayisuye uyihlo owalidalayo, walenza, walimisa na?

UDutheronomi 33:26

Kakho onjengoNkulunkulu, wena Jeshuruni, ogade amazulu ukuyakusiza, lomkhathi ngobukhosi bakhe.

UDutheronomi 33:5

INkosi yaba yinkosi eJeshuruni, lapho izinhloko zabantu zibuthene, zonke izizwe zakoIsrayeli.

Abahluleli 10:6

AbakoIsrayeli babuya benza okubi phambi kweNkosi, bakhonza oBali laboAshera, onkulunkulu baseSiriya laseSidoni laseMowabi labamaAmoni labamaFilistiya; bayitshiya iNkosi, kabaze bayikhonza.

1 USamuyeli 2:29

Kungani pho useyisa imihlatshelo yami leminikelo yami engayimisayo na? Kungani uhlonipha amadodana akho ukudlula mina ngokuwavumela azitike ngokuhle kweminikelo yabantu bami uIsrayeli?