Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




UDutheronomi 31:6 - iBhayibhili Elingcwele 1978

6 Qinani, lime isibindi, lingazesabi, lingatshaywa luvalo ngenxa yazo; ngoba yona iNkosi uNkulunkulu wenu ihamba lani; kayiyikulilahla, kayiyikulitshiya.

အခန်းကိုကြည့်ပါ။ ကော်ပီ

IBhayibhili Elingcwele LesiNdebele

6 Qinani libe lesibindi. Lingesabi lithithibale ngenxa yabo, ngoba uThixo uNkulunkulu wenu uhamba lani, kayikulitshiya njalo kayikulifulathela.”

အခန်းကိုကြည့်ပါ။ ကော်ပီ




UDutheronomi 31:6
44 ပူးပေါင်းရင်းမြစ်များ  

INkosi yabonakala kuye ngalobobusuku yathi: NginguNkulunkulu kaAbrahama uyihlo. Ungesabi ngoba ngilawe, ngizakukubusisa ngiyandise inzalo yakho ngenxa yenceku yami uAbrahama.


Khangela, ngizakuba lawe ngikulondoloze lapha uya khona, ngikubuyise futhi kulelilizwe; ngoba kangizukukutshiya ngize ngikwenze lokho engikhulume ngakho kuwe.


Mana isibindi; asidode ngenxa yabantu bakithi, langenxa yemizi kaNkulunkulu wethu; intando yeNkosi uNkulunkulu kayenziwe.


Sengizalandela abaphansi. Ngalokhoke qina, ube yindoda,


ngizahlala phakathi kwabantu bakoIsrayeli, ngingabatshiyi abantu bami.


INkosi uNkulunkulu wethu ibe lathi njengalokhu yayilabokhokho bethu, ingasitshiyi ingasilahli,


Uzakuphumelelake uba unanzelela ukugcina izimiso lemithetho iNkosi uNkulunkulu eyayinika uIsrayeli ngoMose. Qina, ube lesibindi, ungesabi utshaywe luvalo.


Qaphelake, ngoba iNkosi ikukhethile ukuba wakhe indlu ezakuba yindlu engcwele; dodake uyakhe.


UDavida wasesithi kuSolomoni indodana yakhe: Dodake ume isibindi, usebenze; ungesabi utshaywe luvalo; ngoba iNkosi uNkulunkulu, yebo uNkulunkulu wami, ulawe. Kasoze wakulahla, kasoze akutshiye, uze uphele wonke umsebenzi wenkonzo yethempeli.


Qinani lime isibindi; lingesabi litshaywe luvalo phambi kwenkosi yeAsiriya kanye lempi yonke yayo; ngoba kukhona kithi omkhulu kulaye.


INkosi iyikukhanya kwami lokukhululwa kwami; ngizakwesaba bani na? INkosi iyinqaba yokuphila kwami; ngizakwesaba bani na?


Themba iNkosi, uqine, inhliziyo yakho ime isibindi, yebo, themba iNkosi.


Ngoba iNkosi kayiyikubatshiya abantu bayo, kayiyikusilahla isizwe sayo;


ungesabi, ngoba mina ngilawe, ungapheli amandla, ngoba mina nginguNkulunkulu wakho; ngizakukuqinisa, ngikusize, ngikusekele ngesandla sami sokunene esinqobayo.


INkosi ithi: Minake nginguye oliduduzayo; phoke, wena ungamesabelani umuntu ofayo, lendodana yomuntu eyenziwa yafana lotshani na?


Ungabesabi, ngoba ngilawe ukukuvikela, kutsho iNkosi.


Ngizakwenza labo isivumelwano esingelakuphela, ukuze ngingayekeli ukubenzela okuhle, ngifake ukungesaba enhliziyweni zabo ukuze bangangitshiyi.


Kodwa qina, wena Zerubabeli, kutsho iNkosi, ume isibindi lawe Joshuwa, ndodana kaJehozadaki, mpristi omkhulu; qinani lani lonke, bantu belizwe. Sebenzani, ngoba mina ngilani, kutsho iNkosi yamabandla,


Njengoba beliyisiqalekiso phakathi kwezizwe, wena Juda lawe Israyeli, ngakho ngizakulikhulula libe yisibusiso. Lingesabi, kodwa manini isibindi.


lokuthi ilizwe livundile loba lilugwadule, lokuthi lilezinkuni loba hayi. Manini isibindi, libuye lezithelo zelizwe. Kwasekuyisikhathi sezithelo zokuqala zevini.


Owesizwe sakoBenjamini, uPaliti indodana kaRafu.


Kodwa lingayivukeli iNkosi; futhi lingesabi abantu balelolizwe, ngoba sizabadla sibaqede. Kabaselaso isivikelo; iNkosi ilathi; ngakho lingabesabi.


Lingesabi, mhlambi omncinyane; ngoba kuyikuthanda kukaYihlo ukulinika umbuso.


Lindani, lime ekukholweni kwenu, libe lesibindi, libe lamandla.


Elokucinake, qinani eNkosini lasemandleni ayo amakhulu.


Khangelani, iNkosi uNkulunkulu wenu ilivulile ilizwe phambi kwenu; hambani lilithumbe, njengokulilaya kwayo iNkosi, uNkulunkulu wabokhokho benu; lingesabi, lingakhathazeki.


Ngasengisithi kini: Lingatshaywa luvalo, lesabe.


Ngakhoke libogcina yonke imithetho engililaya yona lamhla, ukuba libe lamandla okungena lilithumbe ilizwe eliya kulo ukuba libe ngelenu,


Lapho liphuma impi ukuyahlasela izitha zenu, beselibona amabhiza lezinqola, labantu abanengi kulani, lingabesabi; ngoba iNkosi uNkulunkulu wenu eyalikhupha eGibithe ilani.


INkosi yasilaya uJoshuwa indodana kaNuni yathi: Qina, ume isibindi, ngoba uzakubangenisa abantu bakoIsrayeli elizweni engathembisa ukubanika lona; ngizakuba lawe.


UMose wasebiza uJoshuwa, wathi kuye phambi kwabo bonke abakoIsrayeli: Qina, ume isibindi; ngoba nguwe ozahamba lalababantu ukuya elizweni iNkosi eyafunga ukubanika lona okhokho babo; uzabangenisa kulo ukuba balithumbe.


INkosi uqobo ihamba phambi kwenu; izakuba lani, ingalilahli, ingalitshiyi; lingesabi, lingakhathazeki.


ngoba iNkosi uNkulunkulu wenu inguNkulunkulu olomusa, kayiyikulitshiya, kayiyikulibhubhisa, kayiyikukhohlwa isivumelwano eyasifunga kubokhokho benu.


Lingazesabi, kodwa khumbulani lokho iNkosi uNkulunkulu wenu eyakwenza kuFaro lakulo lonke iGibithe,


Ngakhoke, wena mntanami, qina emuseni okuKristu Jesu.


Lingaphileli imali; laneliswe yilokho elilakho; ngoba yena utshilo ukuthi: Kangisoze ngakulahla, kangisoze ngakutshiya.


Kangikulayanga na? Ngathi: Qina, ume isibindi; ungesabi, utshaywe luvalo, ngoba iNkosi uNkulunkulu wakho ilawe kuyo yonke indawo lapha uya khona.


UJoshuwa wasesithi kuzo: Lingesabi litshaywe luvalo; qinani lime isibindi, ngoba iNkosi izakwenza nje kuzo zonke izitha zenu elilwa lazo.


Kodwa amagwala, labangakholwayo, labangcolileyo, lababulali, leziphingi, labathakathi, labakhonza izithombe, labo bonke abaqambi bamanga, isabelo sabo sizakuba echibini elivutha umlilo lesolufa, okuyikufa kwesibili.


Ngoba iNkosi kayikubalahla abantu bayo ngenxa yebizo layo elikhulu, ngoba kwaba kuhle kuyo ukuzenzela lina libe ngabantu bayo.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ