UDutheronomi 31:29 - iBhayibhili Elingcwele 1978

²⁹ Ngoba ngiyazi ukuthi emva kokufa kwami lizakona, liphambuke endleleni engililaye yona; lizakwehlelwa ngokubi ngensuku ezizayo, ngoba lizakwenza okubi emehlweni eNkosi, liyithukuthelise ngomsebenzi wezandla zenu.

IBhayibhili Elingcwele LesiNdebele

²⁹ Ngoba ngiyakwazi ukuthi nxa ngingasekho sengifile lizaxhwala liphambuke endleleni engililaye yona. Ensukwini ezizayo, lizawelwa yingozi ngoba lizakwenza ububi phambi kukaThixo limvuse ulaka ngemisebenzi emibi yezandla zenu.”

UDutheronomi 31:29 ပူးပေါင်းရင်းမြစ်များ

UGenesisi 49:1

UJakobe wasebiza amadodana akhe wathi: Buthanani ukuba ngilitshele lokho okuzakulehlela ensukwini ezizayo.

UGenesisi 6:11

Umhlaba wawonakele phambi kukaNkulunkulu, umhlaba wagcwala okubi.

2 ImiLando 34:24

ukuthi iNkosi ithi: Ngizakwehlisela ububi kulindawo laphezu kwabahlala kiyo, zonke iziqalekiso ezigwaliweyo ogwalweni olubalelwe inkosi yakoJuda.

UJobe 19:25

Ngoba mina ngiyazi ukuba uMsizi wami ukhona, ekupheleni uzakuma emhlabeni;

U-Eksodasi 32:7

INkosi yasisithi kuMose: Suka wehle, ngoba abantu bakho owabakhupha eGibithe benzile okubi;

U-Isaya 1:4

Hawu, sizwe esonayo, bantu abasindwa yibubi, nzalo yababi, bantwana abonakeleyo! Liyitshiyile iNkosi, limdelile oNgcwele kaIsrayeli, lihlamukile.

UHezekhiyeli 38:8

Emva kwensuku ezinengi uzakubuthwa; eminyakeni ezayo uzahlasela ilizwe elathathwa empini, elilabantu ababuthwa ezizweni ezinengi, babekwa ezintabeni zakoIsrayeli ebeziyinkangala isikhathi eside. AbakoIsrayeli abakhutshwa ezizweni bazahlala khona bangethuki, bonke ngoluthi lwabo.

UDanyeli 10:14

ngizile ukuba ngikwenze uqedisise okuzakwehlela abantu bakini ensukwini zokucina. Lo ngumbono ngensuku ezizayo.

UHosiya 9:9

Bazonakalisile kakhulu njengasensukwini zeGibeya. UNkulunkulu uzakhumbula ububi babo, abatshaye ngenxa yezono zabo.

ULukha 21:24

Bazakuwa bedliwa ngumkhonto, bathunjelwe ezizweni zonke; leJerusalema linyathelwe phansi ngabezizwe, kuze kugcwaliseke izikhathi zabezizwe.

Imisebenzi 20:30

laphakathi kwenu kuzakuvela amadoda akhuluma izinto eziduhisayo, ukuze ahuge abafundi ukuba bawalandele.

UDutheronomi 31:30

UMose wasekhuluma wonke amazwi alingoma phambi komhlangano wonke kaIsrayeli, wathi:

UDutheronomi 32:20

Yathi: Ngizakubafihlela ubuso bami, ngibone ukuthi ukuphela kwabo kuzakuba yini; ngoba bayisizukulwana esingaqondanga, bangabantwana abangathembekanga.

UDutheronomi 32:29

Uba bebehlakaniphile, ngabe bakuqedisisa lokhu, bazi ukuphela kwabo.

UDutheronomi 32:5

Bonile kuye, kabasibo abantwana bakhe ngenxa yesici sabo, bayisizukulwana esiphambeneyo lesingaqondanga.

UDutheronomi 4:16

xwayani funa lone, lizenzele isithombe esibaziweyo sowesilisa loba sowesifazana,

UDutheronomi 4:30

Lapho lisekuhluphekeni lisehlelwa yilezizinto zonke, ensukwini ezizayo lizakuphendukela eNkosini uNkulunkulu wenu, lilalele ilizwi layo;

1 uTimothi 4:1

UMoya utsho ngokusobala ukuba ngezikhathi zokucina abanye bazakumonyuka ekukholweni, balalele omoya abaduhisayo lezifundiso zabomoya ababi,

AmaHebheru 1:2

Kodwa kulezinsuku zokucina ukhulume kithi ngeNdodana ayimise ibe yindlalifa yezinto zonke, yona adala ngayo futhi umhlaba.

2 UPhethro 3:3

Kuqala yazini lokhu ukuthi ngezinsuku zokucina kuzakufika abahleka ulunya, behamba ngezinkanuko zabo,

Abahluleli 2:19

Kodwa kuthi lapho umahluleli esefile, babuyele emuva benze okubi ukwedlula okhokho babo, balandele abanye onkulunkulu, babakhonze bakhothame kibo; kabayekelanga lokukodwa kwezenzo zabo lokwendlela zabo zenkani.