UDutheronomi 31:12 - iBhayibhili Elingcwele 1978

¹² Buthanisani abantu, abesilisa labesifazana labantwana, labemzini abahlala emizini yenu, ukuba bawuzwe, bafunde ukuyesaba iNkosi uNkulunkulu wenu, bagcine kuhle wonke amazwi alumlayo.

IBhayibhili Elingcwele LesiNdebele

¹² Lizabuthanisa abantu, amadoda, abafazi labantwana, kanye labezizweni abahlala emadolobheni enu ukuze bazizwele bafunde ukwesaba uThixo uNkulunkulu wenu balandele ngonanzelelo wonke amazwi alumthetho.

UDutheronomi 31:12 ပူးပေါင်းရင်းမြစ်များ

U-Ezra 10:1

UEzra esakhuleka evuma izono, ekhala eziwisela phansi phambi kwendlu kaNkulunkulu, ixuku elikhulu labantu abesilisa labesifazana labantwana babuthana kuye, livela kuye wonke uIsrayeli, ngoba abantu bakhala kakhulu.

ULevi 9:5

Basebeletha lokho uMose akulayayo emnyango wethente lokuhlangana; lonke ibandla lasondela, lema phambi kweNkosi.

UHagayi 1:12

Ngakho uZerubabeli indodana kaSalatiyeli loJoshuwa indodana kaJehozadaki umpristi omkhulu, labo bonke abantu ababesele, balilalela ilizwi leNkosi uNkulunkulu wabo, lamazwi kaHagayi umprofethi owayethunywe yiNkosi uNkulunkulu wabo; abantu bayesaba iNkosi.

UJohane 5:39

Lihlola imibhalo, ngoba lisithi lilokuphila okungapheliyo kiyo; yiyo engifakazelayo.

UDutheronomi 29:29

Izimfihlakalo zingezeNkosi uNkulunkulu wethu, kodwa izinto ezambuliweyo zingezethu lezabantwana bethu kuze kube nininini, ukuba sigcine wonke amazwi alumlayo.

UDutheronomi 29:9

Ngakhoke gcinani kuhle amazwi alesisivumelwano, ukuba liphumelele kukho konke elikwenzayo.

UDutheronomi 31:13

Labantwana babo abangawaziyo labo bazakuwuzwa, bafunde ukuyesaba iNkosi uNkulunkulu wenu, ngaso sonke isikhathi sokuhlala kwenu elizweni elichapha iJordani ukulithumba.

UDutheronomi 4:10

ukuthi mhla wosuku elema ngalo phambi kweNkosi uNkulunkulu wenu eHorebe, iNkosi yathi kimi: Ngibuthanisela abantu ukuba ngibazise amazwi ami, ukuze bafunde ukungesaba zonke insuku zokuhamba kwabo emhlabeni, bafundise njalo labantwana babo.

UJoshuwa 8:33

Bonke abakoIsrayeli, abadala lezinduna labahluleli, bema ngapha langapha komtshokotsho, bekhangelene labapristi abangamaLevi abathwala umtshokotsho wesivumelwano seNkosi, bonke abakoIsrayeli abokuzalwa labezizweni. Ingxenye yabo yema ikhangelene lentaba yaseGerizimi lengxenye ikhangelene lentaba yaseEbali, njengokulaya kokuqala kukaMose inceku yeNkosi ukuba kubusiswe abakoIsrayeli.

UJoshuwa 8:35

Kakukho lelilodwa ilizwi uMose alilayayo angalifundanga uJoshuwa phambi kwebandla lakoIsrayeli kanye labesifazana labantwana labezizweni abahlala phakathi kwabo.