UDutheronomi 30:19 - iBhayibhili Elingcwele 1978

¹⁹ Lamuhla ngiyabiza izulu lomhlaba ukufakaza ngani ukuthi ngibekile phambi kwenu ukuphila lokufa, isibusiso lesiqalekiso. Ngakhoke khethani ukuphila ukuba liphile lina lenzalo yenu,

IBhayibhili Elingcwele LesiNdebele

¹⁹ Lamuhla nginxusa izulu lomhlaba ukuba ngofakazi bami ukumelana lani ngisithi sengimise phambi kwenu ukuphila lokufa, izibusiso leziqalekiso. Khathesi zikhetheleni ukuphila, ukuze kuthi lina kanye labantwabenu libe lokuphila

UDutheronomi 30:19 ပူးပေါင်းရင်းမြစ်များ

UGenesisi 2:17

kodwa ungadli okwesihlahla sokwazi okulungileyo lokubi, ngoba mhla usidla okwaso uzakufa isibili.

AmaHubo 119:111

Imilayo yakho iyilifa lami kuze kube nininini; iyintokozo yenhliziyo yami.

AmaHubo 119:173

Isandla sakho kasilungele ukungisiza, ngoba ngikhethile imithetho yakho.

AmaHubo 119:30

Ngikhethile indlela yobuqotho, ngibekile phambi kwami izahlulelo zakho.

Izaga 1:29

Ngoba babezonda ukwazi, bengakhethanga ukwesaba iNkosi,

Izaga 12:28

Indlela yokulunga iyikuphila, kodwa indlela yobubi iyikufa.

Izaga 8:36

kodwa ongangifumaniyo uyazilimaza; bonke abangizondayo bathanda ukufa.

Izaga 9:11

ngoba ngami insuku zakho zizakwandiswa, leminyaka eminengi yengezelelwe kuwe.

U-Isaya 1:2

Zwanini, mazulu; ulalele lawe mhlaba, ngoba iNkosi isikhulumile, yathi: Ngondlile ngakhulisa abantwana, kodwa bangivukela.

U-Isaya 56:4

Ngoba iNkosi ithi: Abathenwa abagcina amaSabatha ami, abakhetha ukwenza engikuthandayo, ababambelela esivumelwaneni sami,

UJeremiya 21:8

Kulababantu lizakuthi: INkosi ithi: Khangelani, ngibeka phambi kwenu indlela yokusila lendlela yokufa.

UJeremiya 32:39

Ngizabanika inhliziyonye lendlelanye, ukuba bangesabe zonke insuku, kube kuhle kubo lakubantwana babo emva kwabo.

UJeremiya 42:21

Sengilitshelile lamhla, kodwa kalililalelanga ilizwi leNkosi uNkulunkulu wenu kukho konke engitshele khona ukuba ngilitshele.

UHezekhiyeli 20:11

Ngabanika izimiso zami, ngabatshengisa lemithetho yami, umuntu azaphila ngayo uba eyenza.

ULukha 10:42

Kodwa yinye into edingekayo; uMariya ukhethile isabelo esihle angayikwamukwa sona.

Imisebenzi 2:39

Ngoba isithembiso ngesenu lesabantwana benu, lesabo bonke abakhatshana, bonke ezakubabizela kuyo iNkosi uNkulunkulu wethu.

UDutheronomi 11:26

Khangelani, lamhla ngiyabeka phambi kwenu isibusiso lesiqalekiso;

UDutheronomi 30:1

Lapho zonke izinto lezi sezehlele phezu kwenu, isibusiso lesiqalekiso engizibekileyo phambi kwenu, lizikhumbule phakathi kwezizwe zonke lapho iNkosi uNkulunkulu wenu elixotshele khona,

UDutheronomi 30:15

Khangelani, ngibekile phambi kwenu lamhla ukuphila lokulunga, ukufa lobubi.

UDutheronomi 30:16

Uba lilalela imilayo yeNkosi uNkulunkulu wenu engililaya yona lamuhla, liyithande iNkosi uNkulunkulu wenu, lihambe endleleni zayo, ligcine imilayo yayo lezimiso zayo lezahlulelo zayo, lizakuphila lande; iNkosi uNkulunkulu wenu izalibusisa elizweni elingena kulo ukulithumba.

UDutheronomi 31:17

Intukuthelo yami izakubavuthela ngalolosuku, ngibatshiye, ngibafihlele ubuso bami, bazachitheka behlelwe ngokubi okunengi lezinhlupheko ezinengi, baze bathi ngalolosuku: Angithi okubi lokhu kusehlele ngoba uNkulunkulu wethu kakho phakathi kwethu na?

UDutheronomi 31:28

Buthanisani kimi bonke abalisa bezizwe zenu lezinduna zenu ukuba ngikhulume amazwi la kibo, ngibize izulu lomhlaba ukufakaza ngabo.

UDutheronomi 32:1

Zwanini lina mazulu, ngizakukhuluma, lomhlaba uzwe amazwi omlomo wami.

UDutheronomi 4:1

Khathesike, lina bakoIsrayeli, zwanini izimiso lezahlulelo engilifundisa zona, lizenze ukuze liphile, lingene lilithumbe ilizwe elinika lona iNkosi uNkulunkulu wabokhokho benu.

UDutheronomi 4:25

Lapho lizuza abantwana labazukulu, lalapho selihlale elizweni isikhathi eside, uba lisona, lenze isithombe esibaziweyo solutho oluthile, lenze okubi emehlweni eNkosi uNkulunkulu wenu ukuze limthukuthelise,

UDutheronomi 4:26

ngibiza izulu lomhlaba lamhla ukuba kufakaze ngani ukuthi lizabhubha masinyane elizweni elichapha iJordani ukuya kilo ukuba libe ngelenu; kaliyikuhlala kilo isikhathi eside, kodwa lizabhujiswa isibili.

UDutheronomi 4:6

Zigcineni, lizenze; ngoba ngokwenza njalo lizatshengisa ukuhlakanipha lolwazi ebantwini abazakuthi besizwa lezizimiso zonke bathi: Impela isizwe lesi esikhulu ngesabantu abahlakaniphileyo labaziyo.

UDutheronomi 6:2

ukuze uyesabe iNkosi uNkulunkulu wakho wena lendodana yakho lendodana yendodana yakho, ugcine zonke izimiso zayo lemithetho yayo engikulaya yona, zonke insuku zokuhamba kwakho, ukuze insuku zakho zande.

1 uTimothi 5:21

Ngiyakulaya phambi kukaNkulunkulu loKristu Jesu lezithunywa ezikhethiweyo ukuba uzigcine lezizinto ngokungaqumi ngaphambili; ungabandlululi muntu.