UDutheronomi 3:5 - iBhayibhili Elingcwele 1978

⁵ Yonke imizi le yayibiyelwe ngemithangala ephakemeyo ilamasango lemigoqo; sathatha futhi lemizana eminengi engabiyelwanga ngemithangala.

IBhayibhili Elingcwele LesiNdebele

⁵ Wonke amadolobho la ayevikelwa ngemiduli ephakemeyo langemigoqo yokuvala amasango lemijabo yokunxiba, kanti njalo yayiminengi eminye imizi eyayingahonqolozelwanga ngemiduli yokuvikela.

UDutheronomi 3:5 ပူးပေါင်းရင်းမြစ်များ

UNehemiya 9:25

Bathumba imizi ebiyelweyo lelizwe elinothileyo, lezindlu ezigcwele zonke izinto ezinhle, imithombo egejiweyo lezivini lezihlahla zamaoliva lezihlahla ezilezithelo ezinengi. Badla basutha, bazimuka, bazithokozisa ngezinto ezinhle owabapha zona.

U-Esta 9:19

Yilokhu okwenza ukuba abaJuda abahlala emizini engabiyelwanga bagcine usuku lwetshumi lane lwenyanga ethiwa nguAdari, benze idili lokuthokoza, lube lusuku lokuphumula, banikane izipho zokudla.

AmaNani 13:28

Kodwake abantu abakhona elizweni balamandla, lemizi ibiyelwe ngemithangala, mikhulu kakhulu; futhi sabona khona inzalo kaAnaki.

UDutheronomi 1:28

Sizakuya ngaphi? Abazalwane bethu basithelele ubugwala ngokuthi: Labobantu bakhulu, bade kulathi; lemizi mikhulu, ibiyelwe ngemithangala efika ezulwini; futhi sibonile khona amadodana amaAnaki.

UDutheronomi 3:4

Sasesithatha yonke imizi yakhe; kasaze satshiya lowodwa; sathatha imizi engamatshumi ayisithupha lalo lonke ilizwe laseArigobi, umbuso kaOgi eBashani.

UDutheronomi 3:6

Sayichitha sayiqeda, njengokwenza kwethu kuSihoni inkosi yaseHeshiboni, sachitha yonke imizi, sabulala labantu abesilisa labesifazana labantwana.

AmaHebheru 11:30

Ngokukholwa imiduli yaseJeriko yadilika, isibhodiwe insuku eziyisikhombisa.

1 USamuyeli 6:18

Amagundwane egolide ayelingana lobunengi bemizi yonke yamaFilistiya eyayiphethwe yizikhulu ezinhlanu, ngitsho imizi yonke ebiyelweyo lengabiyelwanga. Ilitshe elikhulu lapho ababeka khona umtshokotsho weNkosi limi ensimini kaJoshuwa waseBeti‐Shemeshi kuze kube lamuhla.