UDutheronomi 28:68 - iBhayibhili Elingcwele 1978

⁶⁸ INkosi izakulibuyisela eGibithe ngemikolo, ngendlela engatsho ngayo ukuthi: Kalisoze liyibone futhi. Lapho lizazama ukuzithengisa ezitheni zenu ukuba libe yizigqili lezigqilikazi, kodwa kakho ozakulithenga.

IBhayibhili Elingcwele LesiNdebele

⁶⁸ UThixo uzalithumela futhi eGibhithe ngemikhumbi uhambo engathi aliyikuluhamba futhi. Lapho lizazithengisa ezitheni njengezigqili zesilisa lezesifazane, kodwa kakho ozalithenga.”

UDutheronomi 28:68 ပူးပေါင်းရင်းမြစ်များ

UNehemiya 5:8

ngathi kibo: Thina ngamandla esilawo sibahlengile abakithi abaJuda ababethengiswe kwezinye izizwe; kodwa lina selithengisa abakini, lizabuya libathenge lina uqobo na? Bathula bathi zwi, ngoba bengelakho abangakutsho.

U-Esta 7:4

Ngoba mina labantu bakithi sithengisiwe ukuba sibhujiswe sibulawe siphele; uba bekuyinto yokuba sithengiswe ebugqilini abesilisa labesifazana ngokufananayo, ngabe ngithule; ngoba bekungafanele ukuba sicele inkosi ukusivikela kulokho.

U-Eksodasi 13:17

Kwathi uFaro esebavumele abantu ukuba bahambe, uNkulunkulu kabaholanga ngendlela edabula elizweni lamaFilistiya lanxa kwakuyiyona eseduze; ngoba uNkulunkulu wathi: Mhlawumbe abantu bazakuzisola nxa bebona impi, babuyele eGibithe.

U-Eksodasi 20:2

NgiyiNkosi uNkulunkulu wakho eyakukhupha eGibithe, endaweni yobugqili.

UJeremiya 43:7

Bayafika eGibithe, ngoba kabalilalelanga ilizwi leNkosi; bafikela eTahafanesi.

UJeremiya 44:12

Ngizathatha abaseleyo koJuda abafise ukuzahlala eGibithe, bazabhubha bonke, babulawe yimpi layindlala elizweni laseGibithe, baphele bonke abancinyane labakhulu, babe yinto eyenyanyekayo, into eyesabekayo, leyokuthukwa, leyokuhlekwa.

UHosiya 8:13

Lanxa benikela inyama yemihlatshelo, babuye bayidle, mina Nkosi kangiyikuyamukela. Ngizakukhumbula ububi babo, ngibatshaye ngenxa yezono zabo, babuyele eGibithe.

UHosiya 9:3

Kabayikuhlala elizweni leNkosi, kodwa abakoEfrayimi bazabuyela eGibithe, badle ukudla okungcolileyo eAsiriya.

ULukha 12:45

Kodwa nxa leyonceku inakana isithi: Inkosi yami iphuzile ukubuya; ibisiqala ukuhlupha izinceku lezincekukazi, idle, inathe, idakwe,

ULukha 21:24

Bazakuwa bedliwa ngumkhonto, bathunjelwe ezizweni zonke; leJerusalema linyathelwe phansi ngabezizwe, kuze kugcwaliseke izikhathi zabezizwe.

UDutheronomi 17:16

Qaphelani ukuba angabi lamabhiza amanengi lokuba angababuyiseli abantu eGibithe ukuze andise amabhiza akhe, lokhu iNkosi ithe kini: Kalisoze libuyele futhi ngaleyondlela.

UDutheronomi 28:67

Ekuseni lizakuthi: Kungathi kungahlwa! kusihlwa lithi: Kungathi kungasa! ngenxa yokwesaba okuzakwehlela kini langenxa yezinto elizakuzibona.

UDutheronomi 29:1

La ngamazwi esivumelwano iNkosi eyamlaya uMose ukusenza labantu bakoIsrayeli elizweni laseMowabi, ngaphandle kwesivumelwano eyayisenze labo eHorebe.