UDutheronomi 28:65 - iBhayibhili Elingcwele 1978

⁶⁵ Phakathi kwalezozizwe kaliyikuba lokuthula kanye lendawo lapho lingabeka khona inyawo zenu; kodwa lapho iNkosi izakulipha inhliziyo ethuthumelayo lamehlo afipheleyo lomphefumulo ohluphekileyo.

IBhayibhili Elingcwele LesiNdebele

⁶⁵ Phakathi kwalezozizwe kaliyikufumana ukuphumula, kumbe indawo yokuphumuza inyawo zenu. Khonapho uThixo uzalipha ingqondo ekhathazekileyo lamehlo akhatheleyo ngokufisa, kanye lenhliziyo ethuthumelayo.

UDutheronomi 28:65 ပူးပေါင်းရင်းမြစ်များ

UGenesisi 8:9

kodwa ijuba kalifumananga indawo yokubeka unyawo lwalo ukuba liphumule, labuyela kuye emkolweni ngoba amanzi ayesekhona emhlabeni wonke. Welula isandla sakhe, walithatha, walingenisa emkolweni.

UJobe 11:20

Kodwa amehlo ababi azafiphala, baswele indawo yokuphephela, ithemba abalalo libe yikufa kuphela.

U-Isaya 51:17

Vuka, vuka, usukume, wena Jerusalema, wena onathileyo esandleni seNkosi inkezo yolaka lwayo, wayinatha wayiminya, weze wasala eyendezela.

U-Isaya 57:21

Kakulakuthula lakancinyane kwababi, kutsho uNkulunkulu wami.

U-Isaya 65:14

yebo, inceku zami zizahlabela ngokuthokoza, kodwa lina likhale ngenxa yokudabuka kwenhliziyo, lilile ngenxa yobuhlungu bomoya.

Izililo 1:3

UJuda wathunjwa waya kwezinye izizwe ngenxa yokuhlupheka lobugqili obukhulu. Usehlezi phakathi kwezizwe, kafumani ukuphumula. Bonke abamzingelayo bamficile ephakathi kobuhlungu.

Izililo 3:65

Uzabanika inhliziyo ezilukhuni, lesiqalekiso sakho sibe phezu kwabo.

Izililo 5:17

Ngenxa yalokhu inhliziyo zethu zidabukile, langalezizinto amehlo ethu afiphele,

ULevi 26:16

ngizakwenza kini lokhu, ngehlisele phezu kwenu ukwesaba okukhulu, lofuba, lomkhuhlane ozakufiphaza amehlo, liphele amandla. Lizakuhlanyelela inhlanyelo yenu ize, ngoba izitha zenu zizakuyidla.

ULevi 26:36

Mayelana lalabo abaseleyo phakathi kwenu, ngizakwenza inhliziyo zabo zesabe emazweni ezitha zabo; lapho besizwa ihlamvu linyikinyeka, bazakubaleka, babaleke njengomuntu obalekela impi, bawe bengaxotshwa muntu.

uAmosi 9:4

loba bethunjwa yizitha zabo, lalapho ngizathumela impi ukuba ibabulale; ngizabehlisela okubi ngingabehliseli okuhle.

UHabhakhukhi 3:16

Ngiyezwa, kuthuthumela umzimba wami, indebe zami ziqhaqhazele ngenhlokomo; ukubola kungena emathanjeni ami, kutshayane amadolo ami. Ngizakulindela ngokuthula ukuba usuku lokuhlupheka lufike phezu kwalabo abasihlaselayo.

UMatewu 24:8

Zonke lezizinto ziyikuqala komhelo wesikhathi esizayo.

ULukha 21:26

abantu baphele amandla ngenxa yokwesaba langenxa yokubona lokho okuzayo emhlabeni; ngoba amandla ezulu azakuzanyazanyiswa.

AbaseRoma 11:10

amehlo abo kawafiphale ukuba bangaboni, kugotshwe umhlane wabo kokuphela.

UDutheronomi 28:66

Ukuphila kwenu kakuyikuba leqiniso; lizakutshaywa luvalo emini lebusuku, lingabi lethemba lokuphila.