UDutheronomi 28:62 - iBhayibhili Elingcwele 1978

⁶² Lanxa belingangenkanyezi zaphezulu ngobunengi, lizasala seliyingcosana, ngoba kalilalelanga ilizwi leNkosi uNkulunkulu wenu.

IBhayibhili Elingcwele LesiNdebele

⁶² Lina elalibanengi njengezinkanyezi zasemkhathini lizasala selibalutshwana, ngoba lingalalelanga uThixo uNkulunkulu wenu.

UDutheronomi 28:62 ပူးပေါင်းရင်းမြစ်များ

2 AmaKhosi 13:7

Kwasala kuphela kuJehowahazi impi engamatshumi amahlanu yabagadi bamabhiza, lenqola zokulwa ezilitshumi, labahamba ngenyawo abazinkulungwane ezilitshumi; ngoba inkosi yaseSiriya yayisibabulale bonke, yabenza baba njengothuli olunyathelwa zinyawo.

2 AmaKhosi 24:14

Yathumba abaseJerusalema, izikhulu zonke, lawo wonke amadoda empi, abantu abazinkulungwane ezilitshumi, kanye lezingcitshi zemisebenzi labakhandi; kwasala abantukazana belizwe kuphela.

UNehemiya 7:4

Umuzi wawubanzi, umkhulu, kodwa abantu ababekiwo babelutshwana, lezindlu zazingakakhiwa.

UNehemiya 9:23

Wandisa inzalo yabo, yaba ngangezinkanyezi zaphezulu, wabangenisa elizweni owawutshele okhokho babo ukuba balihlasele balithumbe.

U-Isaya 1:9

Uba iNkosi yamabandla ibingasitshiyelanga ingcosana yabantu, besizakuba njengeSodoma, sifane leGomora.

U-Isaya 24:6

Ngakhoke isiqalekiso siwehlele umhlaba, labahlala kiwo bayahlupheka ngenxa yesono sabo; ngakhoke abahlala emhlabeni bayancipha, sebeyingcosana nje abaseleyo.

U-Isaya 6:11

Ngasengisithi: Kuze kube nini, Nkosi, na? Yona yathi: Kuze kuchitheke imizi, kusale kungaselamuntu kiyo, lezindlu zisale zingaselabantu, lelizwe lichitheke lithi nya,

U-Isaya 6:13

Lanxa kusele kulo ingxenye yetshumi yabantu, izatshiswa, njengesihlahla esikhulu, okusasele isidindi saso emhlabathini, lapho isihlahla sesiganyuliwe. — Esidindini kuzavela okutsha —

UJeremiya 42:2

bathi kuJeremiya umprofethi: Ake uzwe ukunxusa kwethu, usikhulekele eNkosini uNkulunkulu wakho, ukhulekele bonke laba abaseleyo, ngoba sisele siyingcosana nje kwabanengi, njengalokho lawe ubona,

ULevi 26:22

Ngizathuma phakathi kwenu izilo ezizakulamuka abantwana benu, zibulale inkomo zenu, zilenze libe balutshwana, lezindlela zenu zibe yinkangala.

uAmosi 5:3

INkosi uNkulunkulu ithi: Emzini okwaphuma kiwo abayinkulungwane kuzasala ikhulu nje, lokwaphuma kiwo abalikhulu kuzasala itshumi nje koIsrayeli.

UMakho 13:20

Uba iNkosi ibingazifinyezanga insuku, bekungesiliswe muntu; kodwa izifinyezile ngenxa yabakhethiweyo ebakhethileyo.

UDutheronomi 1:10

INkosi uNkulunkulu wenu ilandisile, lamhla lingangezinkanyezi zaphezulu ngobunengi.

UDutheronomi 1:11

INkosi, uNkulunkulu wabokhokho benu, kayilandise njalo lize libe ngabaphindwe kankulungwane, ilibusise, njengokulithembisa kwayo.

UDutheronomi 10:22

Okhokho benu baya eGibithe bengabantu abangamatshumi ayisikhombisa; khathesi iNkosi uNkulunkulu wenu ilenzile laba ngangezinkanyezi zaphezulu.

UDutheronomi 4:27

INkosi izalichithachitha phakathi kwabantu, lisale liyingcosana nje phakathi kwezizwe iNkosi ezakulixotshela kuzo.