UDutheronomi 28:52 - iBhayibhili Elingcwele 1978

⁵² Sizakulivimbezela kuyo yonke imizi yenu, ize idilike kulo lonke ilizwe imiduli yenu ephakemeyo leqinileyo elithembela kuyo; sizakulivimbezela emizini yenu yonke kulo lonke ilizwe lakini iNkosi uNkulunkulu wenu elinike lona.

IBhayibhili Elingcwele LesiNdebele

⁵² Bazalivimbezela emadolobheni enu wonke aselizweni lenu kuze kuwe imiduli yawo eqinileyo emide njalo eliyithembileyo. Bazavimbezela amadolobho enu wonke aselizweni lelo uThixo uNkulunkulu wenu alinika lona.

UDutheronomi 28:52 ပူးပေါင်းရင်းမြစ်များ

2 AmaKhosi 18:13

Ngomnyaka wetshumi lane wokubusa kwenkosi uHezekiya, uSenakeribi inkosi yaseAsiriya wafika wahlasela yonke imizi yakoJuda ebiyelweyo, wayithatha.

2 AmaKhosi 6:29

Sasesimpheka umntanami, samudla. Ngosuku olulandelayo ngasengisithi kuye: Letha umntanakho ukuba simudle. Kodwa yena wayesemfihlile umntanakhe.

U-Isaya 1:7

Ilizwe lakini lichithekile, lemizi yenu itshiswe ngomlilo; umhlaba wenu udliwa ngabezizwe phambi kwenu, lichithekile, lichithwa ngabafo.

U-Isaya 62:8

INkosi ifungile ngesandla sayo sokunene, langengalo yayo elamandla yathi: Kangisayikunika izitha zakho amabele akho abe yikudla kwazo, labezizwe kabayikunatha iwayini lakho olisebenzeleyo;

UJeremiya 10:17

Qoqa impahla yakho, wena ovinjezelweyo.

UJeremiya 10:18

Ngoba iNkosi ithi: Khangela, ngiyabaphosela ngaphandle abakhileyo elizweni ngalesisikhathi; ngizabacindezela baphele nya.

UJeremiya 37:8

AmaKaladiya azabuya, awuhlasele lumuzi, awuthumbe, awutshise ngomlilo.

Izililo 2:2

INkosi ichithile yonke imizi kaJakobe ingayihawukeli. Ekuthukutheleni kwayo idilizile izinqaba zakoJuda. Yaphosela phansi yangcolisa umbuso lamakhosi awo.

UDanyeli 9:26

Emva kwamaviki angamatshumi ayisithupha lambili ogcotshiweyo uzabulawa, lanxa engelacala, umuzi lendawo engcwele kuchithwe yimpi yombusi ohlaselayo; ukuphela kufike njengokwesikhukhula, kulethe ukulwa lokuchitheka okumisiweyo.

ULevi 26:25

Ngizakwehlisela impi phezu kwenu ezakuphindisela isivumelwano. Uba libuthana emizini yenu, ngizakuthuma umkhuhlane phakathi kwenu, linikelwe ezandleni zezitha.

UZakhariya 12:2

ithi: Ngizakwenza iJerusalema libe njengenkezo edakisayo kibo bonke abalizingelezeleyo; loJuda laye uzavinjezelwa ekuvinjezelweni kweJerusalema.

UZakhariya 14:2

INkosi izabuthanisa zonke izizwe ukuba zilwe leJerusalema, umuzi uzathathwa lezindlu ziphangwe, kudlwengulwe abesifazana; kuthunjwe ingxenye yomuzi, kodwa abantu abaseleyo emzini kabayikubulawa.

UMatewu 22:7

Inkosi yathukuthela, yathuma amabutho ayo, yabulala labobabulali, yatshisa umuzi wabo.

UDutheronomi 28:51

Sizakudla amathole enkomo zenu lezithelo zomhlaba wenu, lize libhubhe; kasiyikulitshiyela amabele, lewayini, lamagcobo, lamankonyane enkomo zenu, lamazinyane ezimvu zenu, size silichithe.