UDutheronomi 28:50 - iBhayibhili Elingcwele 1978

⁵⁰ isizwe esesabekayo, esingahloniphi abadala, esingelamusa kwabatsha.

IBhayibhili Elingcwele LesiNdebele

⁵⁰ isizwe sabantu abesabekayo abangahloniphi abantu abadala loba ukuba lozwelo kwabancinyane.

UDutheronomi 28:50 ပူးပေါင်းရင်းမြစ်များ

2 ImiLando 36:17

Ngalokhoke yabathumela inkosi yamaKaladiya eyabulala amajaha abo lasendlini yabo engcwele, ingahawukeli amajaha lezintombi, abadala lamaxhegu; iNkosi uNkulunkulu yabanikela bonke esandleni sayo.

Izaga 7:13

Wamdumela, wamanga, waziqakisa wathi kuye:

UmTshumayeli 8:1

Ngubani onjengomuntu ohlakaniphileyo na? Ngubani owazi ukuchasisa ulutho na? Ukuhlakanipha komuntu kuyakhanyisa ubuso bakhe, lobuso bakhe obesabekayo buphendulwe.

U-Isaya 33:19

Kalisayikubabona futhi abezizwe abadelelayo, abantu bolimi olungazwakaliyo, elingaluqedisisiyo, abakhuluma ngokugagasa elingakuzwayo.

U-Isaya 47:6

Ngabathukuthelela abantu bami, ngabayangisa, ngabanikela esandleni sakho, kawubahawukelanga; walenza laba nzima ijogwe lakho phezu kwabadala.

UJeremiya 21:7

Kuthi emva kwalokho, kutsho iNkosi, nginikele uZedekiya inkosi yakoJuda, lenceku zakhe, labantu balumuzi abasilileyo emkhuhlaneni, lempini, lendlaleni, esandleni sikaNebukadineza inkosi yaseBabiloni, lasezandleni zezitha zabo, ezandleni zalabo ababazingelayo. Uzakubabulala; kayikuba lasihawu, kayikubahawukela, kayikuba lamusa kibo.

UDanyeli 7:7

Emva kwalokho ngabona emibonweni ebusuku isilo sesine, esesabekayo kakhulu, silamandla amakhulu, silamazinyo amakhulu ensimbi, sadla safohloza, lokuseleyo sakuhlifiza ngenyawo. Sasehlukile kuzo zonke izilo ezazingaphambi kwaso, silempondo ezilitshumi.

UDanyeli 8:23

Ensukwini zokucina zaleyomibuso, lapho izono zayo sezizinkulu, kuzavela inkosi elolunya elukhuni lekhohlisayo.

UHosiya 13:16

ISamariya lizathwala icala lalo, ngoba lihlamukile uNkulunkulu walo; bazakubulawa yimpi, labantwana babo bachotshozwe, labakhulelweyo babo baqhaqhwe.

ULukha 19:44

zikusakaze phansi, wena labantwana abaphakathi kwakho, zingatshiyi ilitshe lelilodwa phezu kwelinye phakathi kwakho, ngoba ungasazanga isikhathi sokuhanjelwa kwakho.

UDutheronomi 28:51

Sizakudla amathole enkomo zenu lezithelo zomhlaba wenu, lize libhubhe; kasiyikulitshiyela amabele, lewayini, lamagcobo, lamankonyane enkomo zenu, lamazinyane ezimvu zenu, size silichithe.