UDutheronomi 28:46 - iBhayibhili Elingcwele 1978

⁴⁶ Zizakwehlela phezu kwenu laphezu kwenzalo yenu kokuphela zibe yisibonakaliso sokwahlulelwa kukaNkulunkulu.

IBhayibhili Elingcwele LesiNdebele

⁴⁶ Lizakuba yisibonakaliso lesimangaliso phezu kwenu laphezu kwezizukulwane zenu kuze kube nininini.

UDutheronomi 28:46 ပူးပေါင်းရင်းမြစ်များ

U-Isaya 8:18

Mina labantwana iNkosi enginike bona siyizibonakaliso lezimangaliso koIsrayeli, ezivela eNkosini yamabandla ehlala entabeni yaseZiyone.

UJeremiya 19:8

Ngenze lumuzi ube yinto eyesabekayo, into yokuncifelwa; bonke abadlula khona bazatshaqeka, bancife ngenxa yazo zonke inhlupheko zawo.

UJeremiya 25:18

ngitsho iJerusalema lemizi yakoJuda, amakhosi alo lezikhulu zalo, ukuba kuchitheke, kube yinkangala, lento yokuncifelwa leyokuthukwa, njengoba kunjalo lalamhla;

UHezekhiyeli 14:8

Ngizamelana lalabobantu, ngibenze babe yizibonakaliso leziga, ngibakhuphe ebantwini bami; lizakwazi ukuba ngiyiNkosi.

UHezekhiyeli 36:20

Kodwa nxa befika ezizweni lakuyiphi indawo abafika kiyo, bangcolisa ibizo lami elingcwele, abantu baze bathi ngabo: Laba bangabantu beNkosi, kodwa bakhutshiwe elizweni layo.

UHezekhiyeli 5:15

Lizakuba lihlazo lenhlekisa lesixwayiso lento eyesabekayo ezizweni eziliphahlileyo nxa ngilijezisa ngokuthukuthela langokufutheka, ngilitshaya ngokubuhlungu; mina Nkosi ngikhulumile.

AmaNani 26:10

Umhlaba wavuleka, wabaginya kanye loKora ekufeni kwaleloqembu, lapho umlilo uqothula amadoda angamakhulu amabili lamatshumi amahlanu; wona aba yisixwayiso.

1 AbaseKhorinte 10:11

Lezizinto zabehlela bona kube yisixwayiso kwabanye; zalotshelwa ukusilaya thina osekufike kithi ukucina kwesikhathi.

UDutheronomi 28:37

Lizakuba yinto eyesabekayo, lesiga, lehlazo phakathi kwabantu bonke lapho iNkosi izakulisa khona.

UDutheronomi 28:59

iNkosi izakulehlisela labantwana benu inhlupheko ezimangalisayo, ezinkulu lezingelakuphela, lemikhuhlane emikhulu lengelakuphela.

UDutheronomi 29:20

INkosi kayiyikumthethelela, kodwa intukuthelo yayo lomhawu wayo kuzavutha kuye, zize zimehlele zonke iziqalekiso ezilotshiweyo ogwalweni lolu, iNkosi icitshe ibizo lakhe emhlabeni.

UDutheronomi 29:28

INkosi yabasiphula elizweni labo ngentukuthelo enkulu langolaka olukhulu, yabaphosa kwelinye ilizwe njengalamhla.