UDutheronomi 28:36 - iBhayibhili Elingcwele 1978

³⁶ INkosi izalinikela lina lenkosi yenu elayibeka ukulibusa esizweni elingasaziyo lina labokhokho benu, likhonze lapho abanye onkulunkulu abenziwe ngesigodo langelitshe.

IBhayibhili Elingcwele LesiNdebele

³⁶ UThixo uzalinikela esizweni elingasaziyo lina kumbe okhokho benu, lina kanye lenkosi yenu elayibekayo ukuthi ilibuse. Khonale lizakhonza abanye onkulunkulu, onkulunkulu abenziwe ngezigodo langamatshe.

UDutheronomi 28:36 ပူးပေါင်းရင်းမြစ်များ

2 AmaKhosi 25:11

UNebuzaradani induna yabalindi wathumba bonke abantu ababesele emzini lalabo ababehlamukele enkosini yaseBabiloni, kanye lezingcitshi zemisebenzi.

2 AmaKhosi 25:21

Inkosi yaseBabiloni yabatshaya yababulalela eRibila elizweni laseHamathi. Bathunjwa ngokunjalo abakoJuda elizweni labo.

2 ImiLando 33:11

Ngalokhuke iNkosi yabalethela abaphathi bempi yenkosi yaseAsiriya, ababamba uManase ngezingwegwe, bambopha ngezibopho zethusi, bamusa eBabiloni.

2 ImiLando 36:1

Abantu belizwe bathatha uJehowahazi indodana kaJosiya, bambeka inkosi esikhundleni sikayise eJerusalema.

2 ImiLando 36:17

Ngalokhoke yabathumela inkosi yamaKaladiya eyabulala amajaha abo lasendlini yabo engcwele, ingahawukeli amajaha lezintombi, abadala lamaxhegu; iNkosi uNkulunkulu yabanikela bonke esandleni sayo.

2 ImiLando 36:20

Yathumbela eBabiloni bonke labo ababesile ekubulaweni empini, baba zinceku zayo lezabantwana bayo kwaze kwaba yisikhathi sombuso wamaPerisiya.

2 ImiLando 36:6

UNebukadineza inkosi yaseBabiloni wamhlasela, wambopha ngezibopho, wamusa eBabiloni.

U-Isaya 39:7

Amanye amadodana akho owazeleyo azakuthunjwa, abe ngabathenwa esigodlweni senkosi yaseBabiloni.

UJeremiya 15:14

Ngizakukwenza ukuba usebenzele zonke izitha zakho elizweni ongalaziyo, ngoba ekuthukutheleni kwami kuphembeke umlilo ozavutha kuze kube nininini.

UJeremiya 16:13

Ngalokhoke ngizaliphosela ngaphandle kwalelilizwe, liye elizweni elingalazanga lina lokhokho benu; kulapho lizasebenzela abanye onkulunkulu emini lebusuku, ngoba mina kangiyikulihawukela.

UJeremiya 39:1

Ngomnyaka wesificamunwemunye wokubusa kukaZedekiya inkosi yakoJuda, ngenyanga yetshumi, uNebukadineza inkosi yaseBabiloni lempi yakhe yonke bafika balivimbezela iJerusalema.

UJeremiya 9:15

Ngakhoke iNkosi yamabandla, uNkulunkulu kaIsrayeli, ithi: Ngizabanika lababantu umhlonyane ukuba bawudle, banathe amanzi abulalayo.

Izililo 2:9

Amasango alo atshonile phansi, idilizile yephula imigoqo yalo. Inkosi yalo lezikhulu zalo sebesezizweni, kakuselamthetho; labaprofethi balo kabasamukeli umbono eNkosini.

Izililo 4:20

Ogcotshiweyo weNkosi, umoya wokuphila kwethu, wabanjwa emigodini yabo, yena esasithi ngaye: Ngaphansi komthunzi wakhe siyahlala phakathi kwezizwe.

UHezekhiyeli 11:9

Ngizalikhupha phakathi kwalumuzi, ngilinikele ezandleni zabezizwe, ngilithonisise.

UHezekhiyeli 20:39

Linake, Israyeli, kutsho iNkosi uNkulunkulu, hambani lonke liyekhonza izithombe zenu! Kodwa ngithi lizangilalela ekucineni; lizayekela ukungcolisa ibizo lami elingcwele ngeminikelo yenu langezithombe zenu.

UDutheronomi 28:64

INkosi izakulihlakazela phakathi kwabantu bonke, kusukela komunye umkhawulo womhlaba kuze kube komunye, likhonze lapho abanye onkulunkulu abenziwe ngesigodo langelitshe, elingabaziyo lina labokhokho benu.

UDutheronomi 29:17

labona izinto zazo ezinengekayo, izithombe zazo ezenziwe ngesigodo langelitshe, ezesiliva lezegolide, ezazikhona kuzo.

UDutheronomi 4:27

INkosi izalichithachitha phakathi kwabantu, lisale liyingcosana nje phakathi kwezizwe iNkosi ezakulixotshela kuzo.

UDutheronomi 4:28

Lapho lizakukhonza onkulunkulu abenziwe ngezandla zabantu ngezihlahla langamatshe, abangaboniyo, abangezwayo, abangadliyo labanganukiyo.

1 USamuyeli 12:25

Kodwa uba lisenza okubi, lizachitheka lina kanye lenkosi yenu.