UDutheronomi 28:35 - iBhayibhili Elingcwele 1978

³⁵ INkosi izakukutshaya emadolweni lasemilenzeni ngamathumba amabi ongelakwelatshwa kuwo, kusukela enyaweni zakho kuze kube sekhanda lakho.

IBhayibhili Elingcwele LesiNdebele

³⁵ UThixo uzakutshaya amadolo akho lemilenze yakho ngamathumba abuhlungu njalo angelaphekiyo, amemetheke esuka ngaphansi kwezinyawo zakho kuze kuyefika ekhanda.

UDutheronomi 28:35 ပူးပေါင်းရင်းမြစ်များ

2 USamuyeli 14:25

Kuye wonke uIsrayeli kwakungelamuntu obukeka njengoAbisalomu ngobuhle bakhe; kwakungelasici kuye kusukela ophangweni lonyawo lwakhe kuze kufike enkanda yakhe.

U-Isaya 1:6

Kusukela ophangweni lonyawo lwakho kuze kufike ekhanda kakulandawo epheleleyo; ulemivimvinya lezilonda nje lamanxeba ophayo; kakukhanywanga ubomvu, kakubotshwanga, kakuthanjiswanga ngamagcobo.

U-Isaya 3:17

iNkosi izaphuca amakhanda abo, izakubanqunulisa.

U-Isaya 3:24

Kuzakuthi endaweni yamakha kube khona ukubola, endaweni yebhanti kube khona igoda, lendaweni yenwele ezilungiswe kuhle kube khona impabanga, lendaweni yezigqoko ezinhle kube khona amadabudabu, lendaweni yobuhle kube khona ukuyangeka.

UDutheronomi 28:27

INkosi izakukwehlisela amathumba aseGibithe, lamaqhubu, loqweqwe, lenkomo, elingelakwelatshwa kukho.

UDutheronomi 28:34

uze uhlanyiswe yizinto amehlo akho azibonayo.

Isambulo 16:2

Isithunywa sokuqala sahambake, sathululela okusemganwini waso emhlabeni; kwasekuvela ebantwini abalophawu lwesilo labakhonza umfanekiso waso izilonda ezimbi ezibuhlungu.