UDutheronomi 28:30 - iBhayibhili Elingcwele 1978

³⁰ Uzalobola umfazi, omunye umuntu alale laye; uzakwakha indlu, ungahlali kuyo; uhlanyele isivini, ungakhi izithelo zaso.

IBhayibhili Elingcwele LesiNdebele

³⁰ Uzathembisana lowesifazane ukuba lithathane, kodwa kuthi enye indoda imthathe ilale laye. Uzakwakha indlu, kodwa kawusoze uhlale kuyo. Uzahlanyela isivini, kodwa kawusoze ukholise izithelo zaso.

UDutheronomi 28:30 ပူးပေါင်းရင်းမြစ်များ

2 USamuyeli 12:11

INkosi uNkulunkulu ithi: Ngizakukuvusela okubi okuvela endlini yakho; ngithathe omkakho phambi kwakho, ngibanike umakhelwane wakho, alale labo obala.

UJobe 20:18

Uzabuyisela izithelo zomsebenzi wakhe, angaziginyi; kayikuthokoza ngenzuzo yomsebenzi wakhe.

UJobe 3:18

Lapho lezibotshwa zichelesile, zingasalizwa ilizwi lomcindezeli.

UJobe 31:10

umkami kacholele omunye, amanye amadoda alale laye.

U-Isaya 62:8

INkosi ifungile ngesandla sayo sokunene, langengalo yayo elamandla yathi: Kangisayikunika izitha zakho amabele akho abe yikudla kwazo, labezizwe kabayikunatha iwayini lakho olisebenzeleyo;

UJeremiya 12:13

Bahlanyele amabele, bavuna ameva, bazidinise ngokusebenza, kodwa kabazuzanga lutho. Bazakuba lenhloni ngezivuno zabo, ngenxa yolaka oluvuthayo lweNkosi.

UJeremiya 6:12

Izindlu zabo zizanikwa abanye, amasimu abo kanye labomkabo; ngoba ngizaphakamisela isandla sami kwabakhileyo elizweni, kutsho iNkosi.

UJeremiya 8:10

Ngalokhuke omkabo ngizabanika abanye, lamasimu abo ngiwanike abanqobi, ngoba kusukela kwabancinyane kuze kufike kwabakhulu bonke bayizihwaba zenzuzo embi, labaprofethi labapristi bonke bayakhohlisa.

Izililo 5:11

Badlova abesifazana eZiyone, lezintombi emizini yakoJuda.

Izililo 5:2

Ilizwe lethu selinikwe abezizwe, lemizi yethu yanikwa abemzini.

UHosiya 4:2

Kukhona ukwaphulwa kwezifungo, lokuqamba amanga, lokubulala, lokweba, lokufeba; baqhubeka ngokwenza okubi, lamacala egazi ayalandelana.

uAmosi 5:11

Ngenxa yokuba linyathezela phansi abayanga, libize kibo isipho samabele, kaliyikuhlala kuzo izindlu zamatshe abaziweyo elizakhileyo; lihlanyela izivini ezinhle, kodwa kaliyikunatha iwayini lazo.

UMikha 6:15

Lizahlanyela, kodwa lingavuni; likhame izithelo zamaoliva, kodwa lingagcobi ngamafutha awo; lizakhama izithelo zevini, kodwa linganathi iwayini lazo.

UHabhakhukhi 3:17

Loba umkhiwa ungavezi impoko, loba kungekho izithelo evinini leoliva liphuthe ukuthela, amasimu angavezi ukudla, izimvu zichithwe esibayeni, kungabi khona inkomo esibayeni,

UZefaniya 1:13

Impahla yabo izakuphangwa, lezindlu zabo zidilizwe. Loba besakha izindlu, kabayikuhlala kuzo, loba belima izivini, kabayikunatha iwayini lazo.

UDutheronomi 28:31

Inkabi yakho izahlatshwa phambi kwakho, ungayidli; ubabhemi wakho athathwe ngodlakela phambi kwakho, angabuyiselwa kuwe; izimvu zakho zinikwe izitha zenu, kungabi lamuntu okusizayo.