UDutheronomi 28:25 - iBhayibhili Elingcwele 1978

²⁵ INkosi izakukwenza unqotshwe yizitha zakho; uzakuphuma ngandlelanye ukuzihlasela, uzibalekele ngezindlela eziyisikhombisa; uzakuba yinto eyesabekayo kuyo yonke imibuso yomhlaba.

IBhayibhili Elingcwele LesiNdebele

²⁵ UThixo uzavumela ukuthi izitha zenu zilehlule. Lizakuya kuzo lihamba ngendlela eyodwa kodwa lizabaleka ngezindlela eziyisikhombisa, futhi lizakuba yinto eyenyanyekayo kuyo yonke imibuso yasemhlabeni.

UDutheronomi 28:25 ပူးပေါင်းရင်းမြစ်များ

1 AmaKhosi 8:33

Lapho abantu bakho bakoIsrayeli besahlulwa yizitha zabo ngoba bonile kuwe, uba bephenduka, balivume ibizo lakho, bakhuleke kuwe bekuncenga kulindlu,

2 ImiLando 28:8

AbakoIsrayeli bathumba ezihlotsheni zabo abantu abazinkulungwane ezingamakhulu amabili, abesifazana lamadodana lamadodakazi; babutha kibo impango enengi, bayiletha eSamariya.

2 ImiLando 29:8

Ngakho ulaka lweNkosi lwehlela phezu kukaJuda leJerusalema, isibenze into eyesabekayo lemangalisayo leyokuncifelwa, njengoba libona nje.

2 ImiLando 6:24

Lapho abantu bakho bakoIsrayeli besahlulwa yizitha zabo ngoba bonile kuwe, uba bephenduka, balivume ibizo lakho, bakhuleke kuwe bekuncenga kulindlu,

U-Isaya 30:17

Abayinkulungwane bazabaleka ngokusongelwa ngoyedwa nje, ngokusongelwa ngabahlanu lizakubaleka, libaleke kuze kuthi abaseleyo benu basale sebenjengensika ephezu kwentaba, lanjengogodo olumiswe oqaqeni.

UJeremiya 19:7

Ngizakuchitha kulindawo amacebo akoJuda laweJerusalema, ngenze ukuba abantu babo babulawe empini phambi kwezitha zabo, langesandla salabo ababazingelayo; nginike izidumbu zabo zibe yikudla kwenyoni zaphezulu lenyamazana zeganga.

UJeremiya 24:9

Ngizakubenza babe yinto eyesabekayo kuyo yonke imibuso yomhlaba, babe lihlazo, lesiga, lenhlekisa, lesiqalekiso kuzo zonke indawo engibaxotshele kuzo.

UJeremiya 29:18

Ngizaxotshana labo ngempi langendlala langomkhuhlane, ngibenze babe yinto eyesabekayo kuyo yonke imibuso yomhlaba, babe yisiqalekiso, lesimangaliso, lento yokuncifelwa, lehlazo, phakathi kwazo zonke izizwe lapho ngibaxotshele khona;

UJeremiya 34:17

Ngakhoke kutsho iNkosi: Kalingilalelanga, kalimemezelanga inkululeko, kube yilowo lalowo kumhlobo wakhe lakumakhelwana wakhe; khangelani, sengizavumela impi lomkhuhlane lendlala ukuba kulehlele. Ngizalenza libe yinto eyesabekayo kuyo yonke imibuso yomhlaba.

UHezekhiyeli 23:46

INkosi uNkulunkulu ithi: Baletheleni ixuku, libenze into eyesabekayo lempango.

UHosiya 8:3

UIsrayeli ulahlile okuhle, isitha sizaxotshana laye.

ULevi 26:17

Ngizakumelana lani, lichithwe yizitha zenu. Abalizondayo bazakulibusa, libaleke lingaxotshwa muntu.

ULukha 21:24

Bazakuwa bedliwa ngumkhonto, bathunjelwe ezizweni zonke; leJerusalema linyathelwe phansi ngabezizwe, kuze kugcwaliseke izikhathi zabezizwe.

UDutheronomi 28:7

Izitha zenu ezilivukelayo iNkosi izakuzinqoba phambi kwenu; zizakuphuma ukulihlasela ngandlelanye, zibaleke ngezindlela eziyisikhombisa.

UDutheronomi 32:30

Uba umuntu emunye angaxotsha kanjani abayinkulungwane, lababili bangabadudula kanjani abazinkulungwane ezilitshumi, uba iDwala labo lingabathengisanga, leNkosi ingabanikelanga na?

UJoshuwa 7:4

Kwasekuphuma abantu abaphosa babe zinkulungwane ezintathu; babaleka phambi kwabantu baseAyi,

Abahluleli 2:14

Ngakho ulaka lweNkosi lwavutha kuIsrayeli, yabanikela kubaphangi ababaphangayo; yabanikela emandleni ezitha zabo ezazibahanqa, behluleka ukumelana lazo.

1 USamuyeli 4:10

Ngakho amaFilistiya alwa, abakoIsrayeli behlulwa, babalekela emizini yabo. Kwabulawa abanengi, ngoba kwafa koIsrayeli abayizinkulungwane ezingamatshumi amathathu abangamabutho.