UDutheronomi 28:22 - iBhayibhili Elingcwele 1978

²² INkosi izakulitshaya ngofuba, langomkhuhlane, langokuvuvuka komzimba, langokutshisa okukhulu, langendlala, langokuhanguka, langengumane; konke lokhu kuzakulixotsha lize libhubhe.

IBhayibhili Elingcwele LesiNdebele

²² UThixo uzalitshaya ngomkhuhlane olidla kancanekancane, langokutshisa kwelanga lendlala, ngofuba langesikhwekhwe, konke lokhu kuzalehlela kuze kuliqede.

UDutheronomi 28:22 ပူးပေါင်းရင်းမြစ်များ

1 AmaKhosi 17:7

Kwathi ngemva kwesikhathi isifula satsha, ngoba kwakungelazulu elizweni.

1 AmaKhosi 8:37

Uba kukhona indlala elizweni lomkhuhlane lokutshisa lengumane lesikhongwane lemihogoyi, uba izitha zabo zivimbezele imizi yabo, loba behlutshwa yikuphi ukufa lomkhuhlane,

2 ImiLando 6:28

Uba kukhona indlala elizweni lomkhuhlane lokutshisa lengumane lesikhongwane lemihogoyi, uba izitha zabo zivimbezela imizi yabo, loba behlutshwa yikuphi ukufa lomkhuhlane,

UJeremiya 14:12

Loba bezila ukudla, kangiyikuzwa ukukhala kwabo; loba benikela umnikelo wokutshiswa lomnikelo wempuphu, kangiyikuthokoza ngabo; kodwa ngizabaqeda ngempi langendlala langomkhuhlane.

UJeremiya 16:4

Bazabulawa yikufa okwesabekayo; kabayikulilelwa, futhi kabayikungcwatshwa; bazakuba njengamalongwe emhlabathini. Bazabhujiswa yimpi layindlala, lezidumbu zabo zibe yikudla kwenyoni zaphezulu lenyamazana zeganga.

ULevi 26:16

ngizakwenza kini lokhu, ngehlisele phezu kwenu ukwesaba okukhulu, lofuba, lomkhuhlane ozakufiphaza amehlo, liphele amandla. Lizakuhlanyelela inhlanyelo yenu ize, ngoba izitha zenu zizakuyidla.

uAmosi 4:9

Ngalitshaya ngalilethela ukutshisa lengumane, ngatshisa izivande zenu lezivini zenu, izihlahla zenu zemikhiwa lezihlahla zenu zamaoliva zadliwa zintethe; kanti kaliphendukelanga kimi, kutsho iNkosi.

UHagayi 1:11

Ngilethile ukoma elizweni lasezintabeni laphezu kwamabele laphezu kwewayini lamafutha laphezu kwakho konke okuvela emhlabathini, ebantwini lasenkomeni lakho konke abakwenzayo.

UHagayi 2:17

Ngalitshaya kanye layo yonke imisebenzi yenu ngokutshisa langengumane langesiqhotho; kanti kaliphendukelanga kimi, kutsho iNkosi.

UHagayi 2:19

Inhlanyelo isesesilulwini na? Ivini lomkhiwa lepomegranati leoliva, lokhu kungatheli na? Kusukela lamuhla ngizakulibusisa.

UZakhariya 14:12

Nansi isifo iNkosi ezakusehlisela bonke abantu abahlasela iJerusalema; inyama yabo izabola besemi ngenyawo zabo, lamehlo abo abolele emikhoxweni yawo, lenlimi zabo zibolele emilonyeni yabo.

UDutheronomi 28:23

Isibhakabhaka ngaphezu kwenu sizakuba lithusi, lomhlabathi ngaphansi kwenu ube yinsimbi.

UDutheronomi 32:24

Bazakuqedwa yindlala, baqedwe yikutshisa lesifo esibuhlungu; ngizathuma kubo amazinyo ezilo, lobuhlungu bokuhuquzelayo othulini.

UDutheronomi 4:26

ngibiza izulu lomhlaba lamhla ukuba kufakaze ngani ukuthi lizabhubha masinyane elizweni elichapha iJordani ukuya kilo ukuba libe ngelenu; kaliyikuhlala kilo isikhathi eside, kodwa lizabhujiswa isibili.