UDutheronomi 28:20 - iBhayibhili Elingcwele 1978

²⁰ INkosi izakuthuma phezu kwenu iziqalekiso lenhlupheko lenkathazo kukho konke elizakukwenza, lize libhubhe liphele masinyane, ngenxa yezenzo zenu ezimbi ngoba lingidelile.

IBhayibhili Elingcwele LesiNdebele

²⁰ UThixo uzakwehlisela phezu kwenu iziqalekiso, ukuphambana kanye lezithuko emisebenzini yenu yonke eliyenzayo, lize libhujiswe njalo lichithwe ngenxa yobubi elibenzileyo ngokumdela.

UDutheronomi 28:20 ပူးပေါင်းရင်းမြစ်များ

UJobe 24:18

Abantu abanje bayizikhukhula ezimuka lamanzi; amasimu abo alebizo elibi elizweni lonke, kakulasisebenzi esizasondela ezivinini zabo.

AmaHubo 7:11

UNkulunkulu ungumahluleli olungileyo, unguNkulunkulu othukuthela insuku zonke.

U-Isaya 28:19

Lapho zidlulayo njalo zizalithatha; ngoba zizadlula ukusa ngokusa, emini lebusuku. Lapho lisizwa ilizwi elinjalo lizatshaywa luvalo.

U-Isaya 30:17

Abayinkulungwane bazabaleka ngokusongelwa ngoyedwa nje, ngokusongelwa ngabahlanu lizakubaleka, libaleke kuze kuthi abaseleyo benu basale sebenjengensika ephezu kwentaba, lanjengogodo olumiswe oqaqeni.

U-Isaya 51:20

Amadodana akho aphelelwe ngamandla, alele ezindleleni zonke njengenyamazana ebanjwe ngumjibila; agcwele ulaka lweNkosi lokukhuza kukaNkulunkulu wakho.

U-Isaya 66:15

Ngoba iNkosi izafika ngomlilo, izinqola zayo zibe njengesivunguzane, ukwehlisela intukuthelo yayo ngokufutheka, lokukhuza kwayo ngamalangabi omlilo.

UJeremiya 1:16

Ngizabagweba ngenxa yabo bonke ububi babo ngokungihlamuka kwabo. Batshisela abanye onkulunkulu impepha, bakhonza imisebenzi yezandla zabo.

UJeremiya 19:4

Ngoba abantu bangitshiyile, bayingcolisa lindawo ngokutshisela kiyo impepha kwabanye onkulunkulu abangabaziyo bona labokhokho babo kanye lamakhosi akoJuda; futhi bayigcwalisa lindawo ngegazi labangelacala,

ULevi 26:38

Lizakubhubhela ezizweni, lelizwe lezitha zenu lizakulidla.

UMalaki 2:2

Uba lingalaleli, uba lingananzi ukulidumisa ibizo lami, kutsho iNkosi yamabandla, ngizalithumela isiqalekiso, ngiphendule izibusiso zenu zibe yiziqalekiso. Yebo, sengisenza njalo, ngoba kalinanzi ukwenza lokho.

UJohane 3:36

Yena okholwa eNdodaneni ulokuphila okungapheliyo; kodwa yena ongakholwayo eNdodaneni kayikukubona ukuphila, kodwa ulaka lukaNkulunkulu luhlezi phezu kwakhe.

UDutheronomi 28:8

INkosi izakuthuma isibusiso sayo phezu kwenu, eziphaleni zenu lakukho konke elizakukwenza, ilibusise elizweni iNkosi uNkulunkulu wenu elinika lona.

UDutheronomi 4:26

ngibiza izulu lomhlaba lamhla ukuba kufakaze ngani ukuthi lizabhubha masinyane elizweni elichapha iJordani ukuya kilo ukuba libe ngelenu; kaliyikuhlala kilo isikhathi eside, kodwa lizabhujiswa isibili.

1 AbaseThesalonika 2:16

besivimbela ukutshumayeza abezizwe ukuba basiliswe. Bayakwenza lokhu ukuze bagcwalise ubunengi bezono zabo; kodwa ulaka lukaNkulunkulu selufinyelele phezu kwabo.

UJoshuwa 23:16

Uba lisaphula isivumelwano seNkosi uNkulunkulu wenu eyalilaya sona, lisuke liyekhonza abanye onkulunkulu, likhothame kibo, ulaka lweNkosi luzakuvutha kini, libhubhe masinyane liphele kulelilizwe elihle elinike lona.

Abahluleli 2:15

Loba besiya ngaphi, isandla seNkosi sabenzela okubi njengokutsho kwayo lanjengokufunga kwayo kibo, bahlupheka kakhulu.

1 USamuyeli 14:20

USawuli labo bonke abantu ababelaye babuthana baya ekulweni, lapho bafumana khona izitha zabo zibulalana, kukhona isiyaluyalu esikhulu.