UDutheronomi 28:15 - iBhayibhili Elingcwele 1978

¹⁵ Kodwa uba lingalaleli ilizwi leNkosi uNkulunkulu wenu, lingagcini kuhle yonke imilayo yayo lazo zonke izahlulelo zayo engililaya zona lamuhla, leziziqalekiso zonke zizakuba phezu kwenu zilehlele.

IBhayibhili Elingcwele LesiNdebele

¹⁵ “Kodwa-ke, nxa lingayikumlalela uThixo uNkulunkulu wenu futhi lingalandeli yonke imilayo yakhe ngonanzelelo kanye lezimiso zakhe engilinika zona lamuhla, zonke leziziqalekiso zizakuba phezu kwenu zilehlele:

UDutheronomi 28:15 ပူးပေါင်းရင်းမြစ်များ

UGenesisi 3:14

INkosi uNkulunkulu yathi enyokeni: Njengokuba usukwenzile lokhu, uqalekisiwe phakathi kwezifuyo zonke lazo zonke inyamazana, zeganga. Uzakuhamba ngesisu sakho, udle uthuli insuku zakho zonke zokuphila kwakho.

UGenesisi 4:11

Usuqalekisiwe emhlabathini okhamise umlomo wawo ukwamukela igazi lomfowenu esandleni sakho.

UGenesisi 4:12

Nxa ulima umhlabathi, kawusayikukunika isithelo sawo; uzakuba luzulane lomhambuma emhlabeni.

2 ImiLando 12:5

UShemaya umprofethi wafika kuRehobowamu lakuzikhulu zakoJuda ezazibuthene eJerusalema ngenxa kaShishaki, wathi kubo: INkosi uNkulunkulu ithi: Lingilahlile lina, lami sengililahlela esandleni sikaShishaki.

2 ImiLando 34:24

ukuthi iNkosi ithi: Ngizakwehlisela ububi kulindawo laphezu kwabahlala kiyo, zonke iziqalekiso ezigwaliweyo ogwalweni olubalelwe inkosi yakoJuda.

2 ImiLando 7:19

Kodwa uba liphambuka, litshiya izimiso zami lemilayo yami engililaye yona, lisuke liyekhonza abanye onkulunkulu,

U-Isaya 3:11

Maye komubi! Kuzakuba kubi kuye, ngoba lokho okwenziwe ngezandla zakhe kuzakwenziwa lakuye.

UJeremiya 11:8

Kodwa kabezwanga, kabalalelanga; kodwa benza kwaba yilowo lalowo ngokwenkani yenhliziyo yakhe. Ngasengisehlisela phezu kwabo wonke lamazwi alesisivumelwano engabalaya ukuwagcina, kodwa kabawagcinanga.

UJeremiya 26:4

Uzakuthi kibo: INkosi ithi: Uba lingayikungilalela, lihambe ngomlayo wami engiwubeka phambi kwenu,

UJeremiya 32:23

bangena bahlala kilo, kodwa kabalilalelanga ilizwi lakho, kabahambanga ngomlayo wakho, kabakwenzanga lokho owabatshela khona. Ngakhoke ubehlisele bonke lobububi.

UJeremiya 36:31

Ngizamtshaya yena kanye lenzalo yakhe, lenceku zakhe ngenxa yobubi babo; ngizakwehlisela phezu kwabo laphezu kwabo bonke abakhileyo eJerusalema laphezu kwabantu bakoJuda konke okubi engikukhulume ngabo, ngoba bengalalelanga.

UJeremiya 36:7

Mhlawumbe ukukhuleka kwabo kungezwakala eNkosini, baphenduke bonke endleleni yabo embi, ngoba ulaka lweNkosi lukhulu kanye lokuthukuthela kwayo ngalababantu.

UJeremiya 40:2

Induna yabalindi yamthatha uJeremiya, yathi kuye: INkosi, uNkulunkulu wakho, yakhuluma lokhu okubi ngalindawo;

Izililo 2:17

INkosi yenzile lokho ebikumisile, igcwalisile ilizwi layo. Njengokumisa kwayo endulo isidilizile ingelasihawu. Yenzile ukuba isitha sithokoze ngawe, yaphakamisa amandla ezitha zakho.

UHosiya 7:12

Loba kungaphi lapho baphendukela khona, ngizabathiya ngembule lami, ngibaphosele phansi njengenyoni zaphezulu, ngibatshaye ngenxa yezenzo zabo ezimbi.

UMalaki 2:2

Uba lingalaleli, uba lingananzi ukulidumisa ibizo lami, kutsho iNkosi yamabandla, ngizalithumela isiqalekiso, ngiphendule izibusiso zenu zibe yiziqalekiso. Yebo, sengisenza njalo, ngoba kalinanzi ukwenza lokho.

AbaseGalathiya 3:10

Kodwa bonke abathemba imisebenzi yomlayo baqalekisiwe; ngoba kulotshiwe ukuthi: Baqalekisiwe bonke abangemi njalo kukho konke okulotshiweyo encwadini yomlayo ukuba bakwenze.

UDutheronomi 11:28

isiqalekiso, uba lingalaleli imithetho yeNkosi uNkulunkulu wenu, kodwa liphambuka endleleni engililaya yona lamuhla, lilandele abanye onkulunkulu elingabazanga.

UDutheronomi 28:2

Lezizibusiso zonke zizakuba phezu kwenu, zehlele kini, nxa lilalela ilizwi leNkosi uNkulunkulu wenu.

UDutheronomi 28:45

Zonke leziziqalekiso zizakwehlela phezu kwenu, zixotshane lani, zilifice, lize libhubhe, ngoba kalilalelanga ilizwi leNkosi uNkulunkulu wenu, kaligcinanga imilayo yayo lezahlulelo zayo eyalilaya zona.

UDutheronomi 29:19

ngitsho umuntu othi esizwa amazwi alesisifungo, azithokozise enhliziyweni yakhe athi: Kungaba kuhle kimi lanxa ngilandela inhliziyo yami elenkani; ngalokhu bonke abantu bangachitheka.

UDutheronomi 29:20

INkosi kayiyikumthethelela, kodwa intukuthelo yayo lomhawu wayo kuzavutha kuye, zize zimehlele zonke iziqalekiso ezilotshiweyo ogwalweni lolu, iNkosi icitshe ibizo lakhe emhlabeni.

UDutheronomi 5:1

UMose wasebiza wonke uIsrayeli, wathi kuye: Zwana, Israyeli, izimiso lezahlulelo engizikhuluma endlebeni zakho lamuhla, ukuba uzifunde, unanzelele ukuzigcina.

UJoshuwa 23:15

Kodwa njengalokhu zonke izinto ezinhle iNkosi uNkulunkulu wenu eyazithembisa ngani zigcwalisekile, ngakho iNkosi ingalehlisela zonke izinto ezimbi, ize ilibhubhise liphele kulelilizwe elihle iNkosi uNkulunkulu wenu elinike lona.

UJoshuwa 23:16

Uba lisaphula isivumelwano seNkosi uNkulunkulu wenu eyalilaya sona, lisuke liyekhonza abanye onkulunkulu, likhothame kibo, ulaka lweNkosi luzakuvutha kini, libhubhe masinyane liphele kulelilizwe elihle elinike lona.

Abahluleli 2:15

Loba besiya ngaphi, isandla seNkosi sabenzela okubi njengokutsho kwayo lanjengokufunga kwayo kibo, bahlupheka kakhulu.

1 USamuyeli 4:10

Ngakho amaFilistiya alwa, abakoIsrayeli behlulwa, babalekela emizini yabo. Kwabulawa abanengi, ngoba kwafa koIsrayeli abayizinkulungwane ezingamatshumi amathathu abangamabutho.