UDutheronomi 27:15 - iBhayibhili Elingcwele 1978

¹⁵ Kaqalekiswe umuntu owenza isithombe esibaziweyo lesibunjiweyo, into eyisinengiso eNkosini, umsebenzi wezandla zomuntu oyingcitshi, asimise ensitha. Bonke abantu bazakuthi: Ameni.

IBhayibhili Elingcwele LesiNdebele

¹⁵ ‘Kaqalekiswe umuntu obaza isithombe loba isithombe esibunjiweyo, into eyisinengiso kuThixo, umsebenzi wezandla zomuntu olobungcwethi, asimise ensitha.’ Ngakho abantu bonke bazakuthi, ‘Ameni!’

UDutheronomi 27:15 ပူးပေါင်းရင်းမြစ်များ

UGenesisi 31:19

ULabani esehambile ukuyagunda izimvu zakhe, uRaheli weba izithombe zikayise.

UGenesisi 31:34

URaheli wayezithethe izithombe, wazifaka esihlalweni sekamela, wahlala phezu kwazo. ULabani wadinga ethenteni lonke kodwa kazitholanga.

UGenesisi 9:25

Wasesithi: Kaqalekiswe uKanani, abe yisigqili sezigqili kubafowabo.

2 AmaKhosi 17:19

Laye uJuda kayigcinanga imilayo yeNkosi uNkulunkulu wakhe, kodwa walandela imikhuba eyamiswa nguIsrayeli.

2 AmaKhosi 23:13

Inkosi yangcolisa indawo eziphakemeyo zokukhonzela ezazingasempumalanga kweJerusalema, ngaseningizimu kwentaba ethiwa iOliveti, uSolomoni inkosi yakoIsrayeli eyayizakhele uAshitorethi unkulunkulukazi oyisinengiso samaSidoni, loKemoshi unkulunkulu oyisinengiso saseMowabi, loMilkomu unkulunkulu oyisinengiso samaAmoni.

1 ImiLando 16:36

Kayibongwe iNkosi, uNkulunkulu kaIsrayeli, kusukela endulo kuze kube nininini. Bonke abantu basebesithi: Kakube njalo! Kayibongwe iNkosi!

2 ImiLando 33:2

Wenza okubi phambi kweNkosi, walingisa amanyala awezizwe iNkosi eyazixotsha phambi kwabakoIsrayeli.

U-Eksodasi 20:23

Lingenzi onkulunkulu besiliva ukuba babe khona kanye lami, lingazenzeli onkulunkulu begolide.

U-Eksodasi 20:4

Ungazenzeli izithombe ezibaziweyo lomfanekiso walokho okusezulwini lalokho okusemhlabeni lalokho okusemanzini angaphansi komhlaba;

U-Eksodasi 34:17

Ungazenzeli onkulunkulu ababunjiweyo.

U-Isaya 44:13

Umbazi yena welula intambo, adwebe isigodo ngepenseli, asibaze ngezancele, asidwebe ngensimbi ecijileyo, enze ngaso umfanekiso womuntu, umuntu omuhle olesimo esihle, ukuba uhlale endlini.

U-Isaya 44:17

Okuseleyo kwakho enze ngakho isithombe, akhothame kuso, asikhonze, akhuleke kuso athi: Wena ungunkulunkulu wami; ngisilisa.

U-Isaya 44:19

Owenza izithombe kacabangi, kalakwazi lokuhlakahipha ukuba athi: Ngibasile ingxenye yakho emlilweni, ngapheka ngawo isinkwa, ngosa inyama, ngayidla; kambe ngizakwenza isithombe esiyisinengiso ngokuseleyo na? Ngizaguqa phambi kwesigodo na?

UJeremiya 11:3

Uthi kibo: INkosi, uNkulunkulu kaIsrayeli, ithi: Uqalekisiwe umuntu ongalaleli amazwi alesisivumelwano,

UJeremiya 11:5

ukuba ngigcwalise isifungo engasifunga kubokhokho benu ukubanika ilizwe eligcwele uchago lenyosi, njengoba kunjalo lalamhla. Ngasengiphendula ngisithi: Yebo, Nkosi.

UJeremiya 23:24

Umuntu angacatsha endaweni ezisithekileyo ukuze ngingamboni na? kutsho iNkosi. Angithi ngigcwele izulu lomhlaba na?

UJeremiya 28:6

esithi: Kungathi kungaba njalo! Kungathi iNkosi ingenza njalo, yenze ukuba amazwi owatshumayelayo agcwaliseke, ibuyise kulindawo izitsha zethempeli, labo bonke abathunjelwa eBabiloni.

UHezekhiyeli 14:4

Ngakhoke khuluma kuwo uthi: INkosi uNkulunkulu ithi: Bonke abakoIsrayeli abanikela inhliziyo zabo ezithombeni zabo, abathanda ukukhangela izinto ezimbi ezibakhubayo, kodwa beze kumprofethi, mina Nkosi uqobo ngizabaphendula ngenxa yobunengi bezithombe zabo,

UHezekhiyeli 7:20

Babeziqhenya ngobuhle beziceciso zabo abenza ngazo imifanekiso lezithombe ezinengisayo. Ngakhoke ngizazenza zibe yizinto ezingcolileyo kibo.

UDanyeli 11:31

Izimpi zakhe zizafika zingcolise ithempeli lenqaba, zisuse umnikelo otshiswa insuku zonke, zimise amanyala aletha ukuchitheka.

UDanyeli 9:11

Wonke uIsrayeli waphule umlayo wakho, waphambuka kiwo, wala ukulalela ilizwi lakho. Isiqalekiso lesifungo esilotshiweyo emlayweni kaMose inceku yakho sehliselwe phezu kwethu, ngoba sonile kuwe.

ULevi 19:4

Lingaphendukeli kuzo izithombe, lingazenzeli onkulunkulu ababunjiweyo. NgiyiNkosi uNkulunkulu wenu.

ULevi 26:1

Lingazenzeli izithombe, lingamisi izithombe ezibaziweyo lensika yokukhonzela, lingamisi elizweni lakini ilitshe elilemifanekiso ukuba likhothamele kulo; ngoba ngiyiNkosi uNkulunkulu wenu.

AmaNani 5:22

Amanzi la aletha isiqalekiso kawangene kuwe, akwenze ukuba uphumise isisu. Owesifazana athi: Kakube njalo.

UMatewu 24:15

Ngakho nxa libona amanyala encithakalo, akhulunywa nguDaniyeli umprofethi, emi endaweni engcwele — ofundayo kaqedisise —

UMatewu 6:13

Ungasingenisi ekulingweni, kodwa usikhulule ebubini. [Ngoba umbuso ungowakho, lamandla, lobukhosi, kuze kube nini lanini. Ameni.]

1 AbaseKhorinte 14:16

Uba kungenjalo, nxa ubonga ngomoya, lowo ongafundanga angatsho kanjani ukuthi Ameni ekubongeni kwakho, lokhu engakwazi okutshoyo na?

UDutheronomi 27:14

AmaLevi azamemezela ngelizwi elikhulu athi kuwo wonke uIsrayeli:

UDutheronomi 29:17

labona izinto zazo ezinengekayo, izithombe zazo ezenziwe ngesigodo langelitshe, ezesiliva lezegolide, ezazikhona kuzo.

UDutheronomi 4:25

Lapho lizuza abantwana labazukulu, lalapho selihlale elizweni isikhathi eside, uba lisona, lenze isithombe esibaziweyo solutho oluthile, lenze okubi emehlweni eNkosi uNkulunkulu wenu ukuze limthukuthelise,

UDutheronomi 5:8

Ungazenzeli izithombe ezibaziweyo lomfanekiso walokho okusezulwini lalokho okusemhlabeni lalokho okusemanzini angaphansi komhlaba.

UDutheronomi 7:25

Izithombe ezibaziweyo zabonkulunkulu bazo lizakuzitshisa ngomlilo. Lingahawukeli isiliva legolide elikuzo, lingazithatheli lona, libe ngumjibila kini, lezizinto ziyisinengiso eNkosini uNkulunkulu wenu.

Abahluleli 17:3

Wasezibuyisela kunina inhlamvu eziyinkulungwane lekhulu zesiliva. Unina wathi: Sengisahlukanisela iNkosi lesisiliva sami sibe ngesendodana yami, ukuba ngenze isithombe.

Abahluleli 17:4

Eseyibuyisele imali kunina, unina wathatha inhlamvu zesiliva ezingamakhulu amabili, wazinika umkhandi owenza ngazo isithombe; sabekwa endlini kaMika.

1 USamuyeli 26:19

Ngakhoke, nkosi yami, ake uzwe amazwi, ami. Uba kuyiNkosi uNkulunkulu ekuqubula ngami, kayamukele umnikelo; kodwa uba kungabantu, kabaqalekiswe ngebizo leNkosi uNkulunkulu; ngoba bangixotshile lamuhla ukuba ngingabi lasabelo elizweni leNkosi uNkulunkulu, bathi: Hamba, uyekhonza abanye onkulunkulu.