UDutheronomi 25:5 - iBhayibhili Elingcwele 1978

⁵ Uba izelamani zihlala ndawonye, omunye wazo afe engelandodana, umfazi wofileyo kayikuthathwa ngowemzini ongesuye wakibo; umfowabo wendoda yakhe uzakumngena, amthathe abe ngumkakhe.

IBhayibhili Elingcwele LesiNdebele

⁵ Nxa amadodana endoda ehlala kwenye indawo omunye abe esesifa engelandodana, umfelokazi akumelanga ayekwendela kwenye indawo. Umfowabo wendoda kumele amthathe ukuze agcwalise umlandu womfowabo kulowomfelokazi.

UDutheronomi 25:5 ပူးပေါင်းရင်းမြစ်များ

UGenesisi 19:31

Enkulu yasisithi kwencinyane: Ubaba usemdala, kakulandoda emhlabeni ezakusithatha.

UMatewu 22:24

bathi: Mfundisi, uMose wathi: Uba umuntu esifa engelabantwana, umfowabo kamngene umkakhe, amvusele umfowabo inzalo.

UMakho 12:19

Mfundisi, uMose wasilobela wathi uba umfowabo womuntu esifa, atshiye umkakhe engatshiyi umntwana, umfowabo kamngene umfazi, amvusele umfowabo inzalo.

ULukha 20:28

bambuza besithi: Mfundisi, uMose wasilobela ukuthi uba umfowabo womuntu esifa atshiye umkakhe engatshiyi abantwana, umfowabo kamngene umfazi, amvusele inzalo umfowabo.

URuthe 1:11

Kodwa uNawomi wathi: Buyelani, bantwana bami, lizahambelani lami na? Kambe ngiselawo yini amanye amadodana esiswini sami ukuba abe ngabomkenu na?

URuthe 3:13

Hlala lapha lobubusuku; kuzakuthi ekuseni uba yena ethanda ukungena esikhundleni sesihlobo esiseduze, kulungile; kodwa uba engathandi, ngizakukwenza lokho mina, ngifunga iNkosi. Lalake kuze kuse.

URuthe 3:2

Nango uBowasi isihlobo sethu obusebenza lamantombazana akhe. Uyabhula ibhali lakhe ngalobubusuku esizeni sakhe.

URuthe 3:9

Wathi: Ungubani wena? Yena waphendula wathi: NginguRuthe incekukazi yakho; yembesa incekukazi yakho ngengubo yakho, ngoba wena uyisihlobo sethu esiseduze kithi, ufanele ukungilondoloza.

URuthe 4:5

UBowasi wasesithi kuye: Mhla uthenga lesosiqinti kuNawomi, uzakuthenga loRuthe waseMowabi ongumfelwakazi, ukuze umise ibizo lomuyi elifeni lakhe.