UDutheronomi 25:19 - iBhayibhili Elingcwele 1978

¹⁹ Ngakho nxa iNkosi uNkulunkulu wenu isiliphumuzile kuzo zonke izitha zenu inxa zonke, elizweni elinika lina ukuba ngelenu, lizakumqothula umAmaleki ukuze angakhunjulwa emhlabeni; lingakhohlwa lokhu.

IBhayibhili Elingcwele LesiNdebele

¹⁹ Mhla uThixo uNkulunkulu wakho ekunika ukuphumula kuzozonke izitha zakho ezikuhanqileyo elizweni akunika lona ukuba libe yilifa lakho, uzatshabalalisa nya ibizo lama-Amaleki ngaphansi kwezulu. Ungakhohlwa!”

UDutheronomi 25:19 ပူးပေါင်းရင်းမြစ်များ

1 ImiLando 4:43

babulala wonke amaAmaleki ayesasele; bahlala khona kuze kube lamhla.

U-Esta 3:1

Emva kwalokho inkosi uAhasuweru yamphakamisa waba mkhulu uHamani indodana kaHamedatha waseAgagi, yamnika isikhundla esingaphezu kwazo zonke izikhulu kanye laye.

U-Esta 7:10

Basebemlengisa kulologodo ayelulungisele uMoridekayi. Ngemva kwalokho kwasekudeda ukuthukuthela kwenkosi.

U-Eksodasi 17:14

INkosi yasisithi kuMose: Loba lokhu ogwalweni kube yisikhumbuzo, ukuqonqosele uJoshuwa ukuthi ngizakuqothula ukukhunjulwa kukaAmaleki emhlabeni.

U-Eksodasi 17:16

wathi: Phatha uphawu lweNkosi. Izakulwa loAmaleki izizukulwana ngezizukulwana.

U-Eksodasi 33:14

Yasisithi: Mina uqobo ngizahamba lawe, ngikuphumuze.

UDutheronomi 12:9

ngoba kalikafiki endaweni yokuphumula, elizweni elinika lona iNkosi uNkulunkulu wenu.

UDutheronomi 21:23

isidumbu sakhe singahlali esihlahleni ubusuku bonke, kodwa lizamlahla ngalona lolosuku, ngoba umuntu ophanyekiweyo uqalekisiwe nguNkulunkulu. Lingangcolisi ilizwe lenu iNkosi uNkulunkulu wenu elinika lona ukuba ngelenu.

UDutheronomi 26:1

Kuzakuthi lapho usufikile elizweni iNkosi uNkulunkulu wakho ekunika lona ukuba libe ngelakho, usuwakhile kulo,

UDutheronomi 3:18

Ngalilaya ngalesosikhathi ngathi: INkosi uNkulunkulu wenu ilinikile lelilizwe libe ngelenu. Wonke amaqhawe enu azawela ehlomile phambi kwabafowenu, abantu bakoIsrayeli.

UDutheronomi 9:14

Ngiyekela ukuba ngibabhubhise, ngiqede ibizo labo emhlabeni; ngizakukwenza wena ube yisizwe esikhulu lesilamandla kulabo.

UJoshuwa 11:23

UJoshuwa walithumba ilizwe lonke njengakho konke iNkosi eyakukhuluma kuMose. UJoshuwa wabanika abakoIsrayeli ilizwe ngezizwe zabo, laba ngelabo. Ilizwe laseliphumulake ekulweni.

UJoshuwa 23:1

Kwasekudlule isikhathi eside iNkosi isiphumuzile uIsrayeli ezitheni zakhe ezazimhanqile, loJoshuwa wayeselixhegu.

UJoshuwa 6:3

Lizawubhoda umuzi, wonke amadoda empi awubhode kanye. Lizakwenza njalo okwensuku eziyisithupha.

UJoshuwa 7:12

Ngalokhoke abakoIsrayeli kabalakuma phambi kwezitha zabo, bayazibalekela ngoba sebeyinto yokubhujiswa. Kangisayikuba lani futhi uba lingabhubhisi izinto ezinikelwe eNkosini phakathi kwenu.

1 USamuyeli 14:48

Wenza ubuqhawe ngokunqoba amaAmaleki, wakhulula uIsrayeli ezandleni zabaphangi.

1 USamuyeli 27:8

UDavida labantu bakhe babephuma bayehlasela amaGeshuri lamaGirizi, lamaAmaleki, ngoba wonke lawo ayakhe kulelolizwe kusukela eTelamu, ekuyeni ngaseShuri, kuze kube selizweni laseGibithe.