UDutheronomi 18:12 - iBhayibhili Elingcwele 1978

¹² Ngoba lowo owenza lezizinto uyazondwa yiNkosi. Ngenxa yalimikhuba enengekayo iNkosi uNkulunkulu wenu iyazixotsha izizwe phambi kwenu.

IBhayibhili Elingcwele LesiNdebele

¹² Loba ngubani owenza lezizinto uyisinengiso kuThixo, kanti njalo ngenxa yezenzo lezi ezinengekayo uThixo uNkulunkulu wenu azazixotsha phambi kwenu lezizizwe.

UDutheronomi 18:12 ပူးပေါင်းရင်းမြစ်များ

2 AmaKhosi 23:24

UJosiya wasusa abalamadlozi, labathakathi, lezithombe ezithiwa amaterafi, lezinye izithombe, lawo wonke amanyala okwakukhona elizweni lakoJuda laseJerusalema, ukuze aqinise amazwi omlayo ayelotshwe encwadini uHilikiya umpristi ayifumana ethempelini.

UHezekhiyeli 31:11

ngizawunikela esandleni sesikhulu sezizweni; sizakuwuphatha ngokufanele ububi bawo. Sengiwulahlile.

ULevi 18:24

Lingazingcolisi ngalezizinto, ngoba izizwe engizixotsha phambi kwenu ziyazingcolisa ngazo.

ULevi 18:25

Ngalokho ilizwe langcola; ngakho ngatshaya abantu balo, lelizwe labahlanza.

ULevi 18:27

Ngoba zonke lezizinto ezimbi bazenza abantu balelolizwe ababekhona ngaphambi kwenu, ngakho ilizwe langcola.

UDutheronomi 14:27

UmLevi ophakathi kwemizi yenu lingamkhohlwa, ngoba engelasabelo lelifa kini.

UDutheronomi 22:5

Owesifazana angagqoki okwendoda, lendoda ingagqoki isigqoko sowesifazana. Ngoba owenza lokhu uyisinengiso eNkosini uNkulunkulu wakho.

UDutheronomi 9:4

Lapho iNkosi uNkulunkulu wakho isibaxotshile phambi kwakho, ungabokutsho enhliziyweni yakho ukuthi: Kungenxa yokulunga kwami okwenze iNkosi ingingenise elizweni leli ukulithumba. Kodwa kungenxa yobubi balezizizwe iNkosi ezixotsha phambi kwakho.

UDutheronomi 9:5

Kakusikho ngenxa yokulunga kwakho lobuqotho benhliziyo yakho ukuthi ungene elizweni lazo ukulithumba; kodwa kungenxa yobubi balezizizwe iNkosi uNkulunkulu wakho ezixotsha phambi kwakho, futhi lokuba iqinise ilizwi eyalifunga kubokhokho bakho oAbrahama loIsaka loJakobe.