UDutheronomi 17:14 - iBhayibhili Elingcwele 1978

¹⁴ Lapho selifikile elizweni iNkosi uNkulunkulu wenu elinika lona ukuba libe ngelenu, lihlale kilo, beselisithi: Asizibekele inkosi njengazo zonke izizwe ezisizingelezeleyo;

IBhayibhili Elingcwele LesiNdebele

¹⁴ “Ekungeneni kwenu elizweni uThixo uNkulunkulu wenu alinika lona selilithethe laba ngelenu njalo selihlezi kulo, njalo selisithi, ‘Asibekeni inkosi isibuse ukuze sifanane lezinye izizwe esakhelene lazo,’

UDutheronomi 17:14 ပူးပေါင်းရင်းမြစ်များ

ULevi 14:34

Lapho selifikile elizweni laseKanani engilinika lona libe ngelenu, uba ngisehlisela umuzi into ebolisayo elizweni lenu,

AmaNani 33:53

lithumbe ilizwe, lihlale kilo, ngoba ngilinike ilizwe ukuba libe ngelenu.

UDutheronomi 11:31

Ngoba selizakuchapha iJordani ukuba lingene lithumbe ilizwe iNkosi uNkulunkulu wenu elinika lina. Lizakulithumba, lihlale kilo,

UDutheronomi 18:9

Lapho selifikile elizweni iNkosi uNkulunkulu wenu elinika lona, lingafundi ukwenza imikhuba enengekayo yalezozizwe.

UDutheronomi 26:1

Kuzakuthi lapho usufikile elizweni iNkosi uNkulunkulu wakho ekunika lona ukuba libe ngelakho, usuwakhile kulo,

UDutheronomi 26:9

yasiletha kulindawo, yasinika lelilizwe eligcwele uchago lenyosi.

UDutheronomi 7:1

Kuzakuthi lapho iNkosi uNkulunkulu wakho isikungenisa elizweni oya kulo ukulithumba ixotshe izizwe ezinengi phambi kwakho, amaHethi lamaGirigashi lamaAmori lamaKanani lamaPerizi lamaHivi lamaJebusi, izizwe eziyisikhombisa ezinkulu lezilamandla kulawe,

UJoshuwa 1:13

Khumbulani ilizwi alilaya ngalo uMose inceku yeNkosi esithi: INkosi uNkulunkulu wenu izalinika indawo yokuphumula, ilinike lelilizwe.

UJoshuwa 21:43

INkosi yabanikake abakoIsrayeli lonke ilizwe eyafunga ukubanika lona okhokho babo; sebelithethe bahlala kulo.

1 USamuyeli 10:19

Kodwa lamuhla limlahlile uNkulunkulu wenu owalikhululayo engozini zonke lasensizini zenu; lathi: Atshi, sibekele inkosi. Ngakho manini phambi kweNkosi uNkulunkulu ngezizwe zenu langezinsendo zenu.

1 USamuyeli 10:25

USamuweli wasebatshela abantu amalungelo lomsebenzi wobukhosi; wakuloba encwadini, wayibeka phambi kweNkosi uNkulunkulu. USamuweli wasebadabulela bonke abantu, bonke baya emakhaya abo.

1 USamuyeli 12:19

Bonke abantu bathi kuSamuweli: Khulekela inceku zakho eNkosini uNkulunkulu wakho, ukuba singafi; ngoba sengezelele ezonweni zethu zonke lobububi bokuzicelela inkosi.

1 USamuyeli 16:3

Umeme uJese ukuba eze emhlatshelweni, ngizakukutshengisa lokho ozakwenza; uzangigcobela lowo engizakukutshengisa yena.

1 USamuyeli 8:11

Wathi kibo: Lezi zizakuba zindlela zenkosi ezalibusa; izathatha amadodana enu iwasebenzise enqoleni zayo zokulwa, iwenze abe ngabagadi bamabhiza ayo, lokuba agijime phambi kwezinqola zayo zokulwa.