UDutheronomi 17:1 - iBhayibhili Elingcwele 1978

¹ Lingahlabeli iNkosi uNkulunkulu wenu inkabi lemvu elesici loba elenye into embi, ngoba lokhu kuyisinengiso eNkosini uNkulunkulu wenu.

IBhayibhili Elingcwele LesiNdebele

¹ “Lingenzi umhlatshelo kuThixo uNkulunkulu wenu ngenkabi loba imvu elesici lesolekayo, ngoba lokho kuyisinengiso kuye.

UDutheronomi 17:1 ပူးပေါင်းရင်းမြစ်များ

UGenesisi 41:19

Kwakhuphuka amanye amankomokazi ayisikhombisa emva kwawo, amabi, acakileyo; angizanga ngiwabone amabi njengawo kulo lonke ilizwe laseGibithe.

U-Eksodasi 12:5

Kalingabi lasici, libe ngeliduna elilomnyaka munye; lithatheni ezimvini loba ezimbuzini.

Izaga 11:1

Isilinganiso esikhohlisayo siyisinengiso eNkosini, kodwa isilinganiso esilungileyo siyayithabisa.

Izaga 15:8

Umhlatshelo wababi uyisinengiso eNkosini, kodwa umkhuleko wabaqotho uyayithokozisa.

Izaga 20:10

Izilinganiso ezingalunganga lesikali esingalunganga, zonke lezi ziyazondeka eNkosini.

Izaga 6:16

Kukhona izinto ezithile ezizondwa yiNkosi, yebo, izinto eziyisikhombisa eziyizinengiso kuyo;

ULevi 1:3

Uba umnikelo wakhe ungumnikelo wokutshiswa owenkomo, uzakunikela ngenkunzi engelasici, ayinikele ngasemnyango wethente lokuhlangana, ukuba amukeleke phambi kweNkosi.

UMalaki 1:8

Lapho linikela inyamazana eyisiphofu ibe ngumhlatshelo, lokho kakukubi na? Lapho linikela inyamazana eqhulayo legulayo, lokho kakukubi na? Akukunike umbusi wakho lokho; kambe angathokoza ngawe na? Angaba lomusa kuwe na? kutsho iNkosi yamabandla.

AmaNani 29:8

kodwa linikele umnikelo wokutshiswa eNkosini, iphunga elimnandi, inkunzi eyodwa lenqama eyodwa, lamawundlu amaduna ayisikhombisa alomnyaka munye, angelasici.

UDutheronomi 15:21

Kodwa uba izibulo lilesici, loba liqhula, loba liyisiphofu, loba lilasiphi isici, lingalihlabeli iNkosi uNkulunkulu wenu.

UDutheronomi 23:18

Lingalethi amaholo ewule lemali yokuphinga kwamadoda endlini yeNkosi uNkulunkulu wenu ukuba ligcwalise isithembiso ngayo; ngoba lezizinto ziyisinengiso eNkosini uNkulunkulu wenu.

UDutheronomi 24:4

leyondoda yokuqala eyamxotshayo ingamthathi futhi abe ngumkayo, lokhu esengcolisiwe; ngoba lokhu kuyinto eyisinengiso eNkosini; kaliyikonakalisa ilizwe iNkosi uNkulunkulu wenu elinika lona ukuba ngelenu.

UDutheronomi 25:16

Ngoba bonke abenza izinto ezinje, bonke abenza ukungalungi, bazondwa yiNkosi uNkulunkulu wakho.

UDutheronomi 7:25

Izithombe ezibaziweyo zabonkulunkulu bazo lizakuzitshisa ngomlilo. Lingahawukeli isiliva legolide elikuzo, lingazithatheli lona, libe ngumjibila kini, lezizinto ziyisinengiso eNkosini uNkulunkulu wenu.

AmaHebheru 9:14

kakhulu kangakanani igazi likaKristu, owazinikela kuNkulunkulu engelasici ngoMoya ongelakuphela, lizakuhlambulula izazela zethu emisebenzini efileyo, ukuze sikhonze uNkulunkulu ophilayo.

1 UPhethro 1:19

kodwa lahlengwa ngegazi likaKristu eliligugu kungathi ligazi lewundlu elingelasici, elingelabala.