UDutheronomi 16:15 - iBhayibhili Elingcwele 1978

¹⁵ Insuku eziyisikhombisa lizayigcinela iNkosi uNkulunkulu wenu umkhosi endaweni ezayikhetha; ngoba izakulibusisa kuzo zonke izithelo zenu lakuwo wonke umsebenzi wezandla zenu, ukuba lithokoze kakhulu.

IBhayibhili Elingcwele LesiNdebele

¹⁵ Okwensuku eziyisikhombisa thakazelelani umkhosi kuThixo uNkulunkulu wenu ezindaweni ezakhethwa nguThixo. Ngoba uThixo uNkulunkulu wenu uzalibusisa esivunweni senu sonke kanye lemisebenzini yezandla zenu, ukuze kupheleliswe intokozo yenu.

UDutheronomi 16:15 ပူးပေါင်းရင်းမြစ်များ

UNehemiya 8:17

Lonke ibandla lalabo ababebuyile ekuthunjweni bakha amadumba, bahlala kiwo. Ngoba kusukela ensukwini zikaJoshuwa indodana kaNuni kwaze kwaba yilolosuku abakoIsrayeli babengakwenzanga lokho. Bathokoza kakhulu.

U-Esta 9:22

ngoba ngalezonsuku abaJuda bazuza ukukhululwa ezitheni zabo, langaleyonyanga usizi lwabo lwaphendulwa lwaba yikuthokoza, lezikhathi zokulila zaba yizikhathi zokuphumula; bazigcine zibe zinsuku zedili lokuthokoza, lensuku zokuphana izipho zokudla, lezokupha abayanga.

UDutheronomi 12:5

kodwa lizadinga iNkosi uNkulunkulu wenu endaweni ezakuyikhetha phakathi kwazo zonke izizwe zakini, ukuba idunyiswe khona ealtareni layo. Lizakuya khona,

UDutheronomi 16:10

Ng’khona lizakuyigcinela iNkosi uNkulunkulu wenu umkhosi wamaviki ngokupha umnikelo wesihle ngezandla zenu, liwunike njengokubusiswa kwenu yiNkosi uNkulunkulu wenu.

UDutheronomi 16:14

lithabe emkhosini lina lamadodana enu lamadodakazi enu, lenceku zenu lencekukazi zenu, lomLevi, lowezizweni, lentandane, lomfelwakazi, abahlala emizini yenu.

UDutheronomi 16:16

Kathathu ngomnyaka bonke abesilisa benu bazakuza ukuyikhonza iNkosi uNkulunkulu wenu endaweni ezakuyikhetha, ngomkhosi wesinkwa esingelamvubelo, ngomkhosi wamaviki, langomkhosi wamadumba. Kabangezi ukuyidumisa iNkosi bengaphathanga lutho;

UDutheronomi 30:16

Uba lilalela imilayo yeNkosi uNkulunkulu wenu engililaya yona lamuhla, liyithande iNkosi uNkulunkulu wenu, lihambe endleleni zayo, ligcine imilayo yayo lezimiso zayo lezahlulelo zayo, lizakuphila lande; iNkosi uNkulunkulu wenu izalibusisa elizweni elingena kulo ukulithumba.

UDutheronomi 7:13

Izakulithanda, ilibusise, ilandise. Futhi izakubusisa inzalo yenu, lezithelo zomhlabathi wenu, lamabele enu, lewayini lenu, lamafutha enu, lenzalo yenkomo zenu lenzalo yezimvu zenu, elizweni eyafunga kubokhokho benu ukuiinika lona.