UDutheronomi 15:7 - iBhayibhili Elingcwele 1978

⁷ Uba kukhona phakathi kwenu umuntu ongumyanga ongowakini, okhona komunye wemizi yenu elizweni lakini elinika lina iNkosi uNkulunkulu wenu, lingenzi inhliziyo zenu zibe lukhuni, lincitshane,

IBhayibhili Elingcwele LesiNdebele

⁷ Nxa ekhona ongumyanga phakathi kwabafowenu emadolobheni la uThixo uNkulunkulu wenu alinika wona lasemazweni eliwaphiweyo, lingabi lezinhliziyo ezilukhuni loba ukuba ngabancitshanayo kumfowenu ongumyanga.

UDutheronomi 15:7 ပူးပေါင်းရင်းမြစ်များ

UNehemiya 5:1

Kwaba khona ukukhala okukhulu kwabantu labomkabo ngabaJuda abakibo.

U-Esta 9:19

Yilokhu okwenza ukuba abaJuda abahlala emizini engabiyelwanga bagcine usuku lwetshumi lane lwenyanga ethiwa nguAdari, benze idili lokuthokoza, lube lusuku lokuphumula, banikane izipho zokudla.

U-Esta 9:22

ngoba ngalezonsuku abaJuda bazuza ukukhululwa ezitheni zabo, langaleyonyanga usizi lwabo lwaphendulwa lwaba yikuthokoza, lezikhathi zokulila zaba yizikhathi zokuphumula; bazigcine zibe zinsuku zedili lokuthokoza, lensuku zokuphana izipho zokudla, lezokupha abayanga.

U-Eksodasi 22:25

Uba liseboleka umyanga othile ebantwini bami imali, lingamphathi njengomebolekisi, lingathathi inzalo kuye.

Izaga 19:17

Olomusa kumyanga weboleka iNkosi, yona izamvuza ngesenzo sakhe.

Izaga 21:13

Ovala indlebe zakhe ekukhaleni kwabayanga laye kayikusatshelwa ekukhaleni kwakhe.

U-Isaya 58:10

unike olambileyo ukudla, usuthise ohluphekileyo, ng’khonake ukukhanya kwakho kuzaphuma emnyameni, lokudana kwakho kube njengemini.

ULevi 25:35

Uba umfowenu ohlala lawe engumyanga, esehluleka ukuzithwala, wena uzakumthwala, ahlale lawe njengowemzini lanjengowezizweni.

UMatewu 18:30

Kodwa yona yala, yasuka yayifaka entolongweni ize iwuhlawule lowomlandu.

UMatewu 5:42

Mnike ocela kuwe, ungamfulatheli ofisa ukweboleka kuwe.

UDutheronomi 15:11

Abayanga kabasoze baphele elizweni. Ngakho ngiyalilaya ngithi: Phanani abantu bakini, abaswelayo labangabayanga abaselizweni lakini.

UDutheronomi 15:9

Lingali ukumeboleka ulutho ngoba umnyaka wesikhombisa, umnyaka wokuyekela ususeduze; qaphelani ukuba kungabi khona umcabango onje enhliziyweni zenu. Uba lisala ukumeboleka uzakhala eNkosini ngani, libe lesono.

UDutheronomi 24:14

Ungacindezeli inceku eqatshiweyo engumyanga leswelayo, loba ingowabakini, loba ingowabezizwe abahlala elizweni lakini komunye wemizi yakini.