UDutheronomi 14:26 - iBhayibhili Elingcwele 1978

²⁶ lithenge ngaleyomali lokho elikufisayo, izinkabi loba izimvu loba iwayini loba utshwala, loba kuyini inhliziyo yenu ekufisayo; lidle khona phambi kweNkosi uNkulunkulu wenu, lithabe lina labendlu zenu.

IBhayibhili Elingcwele LesiNdebele

²⁶ Sebenzisani isiliva lithenge ngaso loba yini elifuna ukuyithenga: inkomo, izimvu, iwayini loba kuyini elikufunayo. Ngakho lina kanye labendlu yenu lizakudla khonapho phambi kukaThixo uNkulunkulu wenu njalo libe lokujabula.

UDutheronomi 14:26 ပူးပေါင်းရင်းမြစ်များ

U-Ezra 7:22

kuze kufike kumathalenta esiliva alikhulu, lamasaka angamakhulu amabili amabele, lamatanka alikhulu ewayini, lamatanka alikhulu amafutha, letshwayi elingelakulinganiswa.

AmaHubo 106:14

Babelokukhanuka okubi enkangala, bamlinga uNkulunkulu enkangala.

UmTshumayeli 9:7

Hamba uyekudla ukudla kwakho ngokuthokoza, unathe lewayini lakho ngenhliziyo emhlophe, ngoba uNkulunkulu usekuvumile lokho okwenzayo.

UMatewu 21:12

UJesu wasengena ethempelini, wabaxotsha bonke ababethengisa lababethenga ethempelini, wagenqula amatafula ababentshintshelana imali lezihlalo zalabo ababethengisa inkwilimba.

UMakho 11:15

Bafika eJerusalema. Wangena ethempelini, waqala ukuxotsha labo ababethengisa lababethenga ethempelini, wagenqula amatafula ababentshintshelana imali lezihlalo zalabo ababethengisa inkwilimba;

1 AbaseKhorinte 10:6

Lezizinto ziyisixwayiso kithi, ukuba singafisi okubi, njengalokhu bona bakufisa.

UDutheronomi 12:12

Lizakuthaba phambi kweNkosi uNkulunkulu wenu lina lamadodana enu lamadodakazi enu, lezinceku zenu lezincekukazi zenu, lamaLevi aphakathi kwemizi yenu ngoba engelasabelo selizwe phakathi kwenu.

UDutheronomi 12:15

Kantike lingahlaba lidle inyama enengi phakathi kwayo yonke imizi yenu njengokufisa kwenu, lanjengesibusiso seNkosi uNkulunkulu wenu elinike sona; abangahlambulukanga labahlambulukileyo bangadla inyama yomziki leyempala.

UDutheronomi 12:18

kodwa lizakudlela lokho phambi kweNkosi uNkulunkulu wenu endaweni ezakuyikhetha, lina lamadodana enu lamadodakazi enu, inceku zenu lencekukazi zenu, lomLevi ophakathi kwemizi yenu, lithabe phambi kweNkosi uNkulunkulu wenu ngakho konke elikwenzayo.

UDutheronomi 12:7

lidle khona phambi kweNkosi uNkulunkulu wenu, lithokoze lina labendlu zenu ngakho konke elikwenzayo, iNkosi uNkulunkulu wenu elibusise ngakho.

UDutheronomi 14:25

lizakukhupha okwetshumi kwenu ngemali, liyiphathe, liye endaweni iNkosi uNkulunkulu wenu ezakuyikhetha,

UDutheronomi 26:11

uthokoze ngakho konke okuhle iNkosi uNkulunkulu wakho ekunike khona wena labendlu yakho, uthabe kanye lomLevi lowemzini ohlala lawe.