UDutheronomi 14:24 - iBhayibhili Elingcwele 1978

²⁴ Uba indlela inde kakhulu kini, lahluleke ukuletha okwetshumi kwenu ngoba ikhatshana lani indawo iNkosi uNkulunkulu wenu ezakuyikhetha ukuba idunyiselwe kiyo, lapho elibusisile,

IBhayibhili Elingcwele LesiNdebele

²⁴ Kodwa nxa leyondawo ikhatshana kakhulu lina libusisiwe nguThixo uNkulunkulu wenu njalo lingenelisi ukuthwala okwetshumi kwenu (ngenxa yokuthi lapho uThixo akhethe ukubeka khona iBizo lakhe kukhatshana kakhulu),

UDutheronomi 14:24 ပူးပေါင်းရင်းမြစ်များ

U-Eksodasi 23:31

Ngizakumisa imikhawulo yakho kusukela oLwandle oluBomvu kuze kufike olwandle lwamaFilistiya, kusukela enkangala kuze kufike emfuleni iYufrathi; ngoba ngizanikela esandleni sakho abakhileyo belizwe; uzabaxotsha phambi kwakho.

UDutheronomi 11:24

Zonke indawo lapho inyawo zenu zinyathela khona zizakuba ngezenu; ilizwe lenu lizakusukela enkangala, laseLebanoni, lasemfuleni iYufrathi, lize lifike olwandle ngasentshonalanga.

UDutheronomi 12:21

Uba indawo iNkosi uNkulunkulu wenu ezakuyikhetha ukuba ibizo layo lidunyiselwe kiyo ikhatshana lani, lingahlaba enkomeni zenu loba ezimvini zenu iNkosi elinike zona, njengokulilaya kwami, lidlele emizini yenu lize lisuthe.

UDutheronomi 12:5

kodwa lizadinga iNkosi uNkulunkulu wenu endaweni ezakuyikhetha phakathi kwazo zonke izizwe zakini, ukuba idunyiswe khona ealtareni layo. Lizakuya khona,

UDutheronomi 14:25

lizakukhupha okwetshumi kwenu ngemali, liyiphathe, liye endaweni iNkosi uNkulunkulu wenu ezakuyikhetha,