UDutheronomi 14:22 - iBhayibhili Elingcwele 1978

²² Iminyaka ngeminyaka lizakukhupha okwetshumi kuzo zonke izithelo zenhlanyelo yenu ezivela emasimini.

IBhayibhili Elingcwele LesiNdebele

²² “Wobani leqiniso ukuthi libeka eceleni lokhu okuyingxenye eyodwa yetshumi yesivuno somnyaka.

UDutheronomi 14:22 ပူးပေါင်းရင်းမြစ်များ

UGenesisi 28:22

lelitshe leli engilimise ukuba libe yinsika yokukhonzela lizakuba yindlu kaNkulunkulu; kukho konke ozangipha khona ngizakukunika okwetshumi.

UGenesisi 47:24

Kuzakuthi ekuvuneni limnike uFaro okwesihlanu, lezingxenye ezine zibe ngezenu, kube yinhlanyelo yamasimu lokudla kwenu lokudla kwemizi yenu, lokudla kwabantwana benu.

UGenesisi 47:26

UJosefa wenza umthetho mayelana lelizwe laseGibithe omiyo lalamhla wokuthi okwesihlanu kuzakuba ngokukaFaro; isiqinti sabapristi sodwa yiso esasingesiso sikaFaro.

UNehemiya 10:37

silethe lenhlama yethu yokuqala, lezithelo zezihlahla zonke, lewayini lamafutha kubapristi eziphaleni zendlu kaNkulunkulu wethu; silethe lakumaLevi okwetshumi okuvela emasimini ethu, ngoba yiwo amaLevi aqoqa okwetshumi emizini yethu yonke esemaphandleni.

UNehemiya 10:38

Umpristi wozalo lukaAroni uzakuba lamaLevi lapho esamukela okwetshumi. AmaLevi azakungenisa okwetshumi kwalokho endlini kaNkulunkulu wethu eziphaleni zayo.

UMalaki 3:10

Lethani konke okwetshumi endlini yenotho ukuba kube khona ukudla endlini yami. Lingihlole ngalokho, kutsho iNkosi yamabandla, libone ukuba kangiyikulivulela iminyango yaphezulu, ngilehlisele izibusiso ezinengi na?

AmaNani 15:20

Ngenhlama yenu yokuqala lizakwenza iqebelengwana, lilinikele eNkosini; lizalinikela njengokunikela kwenu umnikelo ovela esibuyeni.

AmaNani 18:21

Ngikunike amaLevi konke okwetshumi koIsrayeli kube ngokwawo, ngomsebenzi wawo awenzayo, ngenkonzo yawo ethenteni lokuhlangana.

AmaNani 18:31

Lingakudla endaweni zonke, lina labezindlu zenu, ngoba kungumvuzo wenu ngomsebenzi wenu ethenteni lokuhlangana.

UDutheronomi 12:17

Lingadleli emizini yenu okwetshumi kwamabele enu lokwewayini lenu lokwamafutha enu, loba amazibulo ezinkomo zenu lawezimvu zenu, loba iminikelo yokugcwalisa izithembiso zenu elizithembisayo, loba iminikelo yenu yesihle, lomnikelo wokuphana kwenu;

UDutheronomi 12:6

lilethe iminikelo yenu yokutshiswa lemihlatshelo yenu, lokwetshumi kwempahla yenu, lomnikelo wokuphana kwenu, leminikelo yokugcwalisa izithembiso zenu, leminikelo yesihle, lamazibulo ezinkomo zenu lawezimvu zenu;