UDutheronomi 12:8 - iBhayibhili Elingcwele 1978

⁸ Kaliyikwenza njengokwenza kwethu konke esikwenzayo lamuhla, yilowo lalowo wenza okulungileyo emehlweni akhe;

IBhayibhili Elingcwele LesiNdebele

⁸ Lingabokwenza njengalokhu esikwenza lamuhla, ngamunye esenza njengokuthanda kwakhe,

UDutheronomi 12:8 ပူးပေါင်းရင်းမြစ်များ

Izaga 21:2

Zonke indlela zomuntu zilungile kuye, kodwa iNkosi ihlola inhliziyo.

uAmosi 5:25

Lina ndlu kaIsrayeli lake laletha kimi imihlatshelo leminikelo enkangala okweminyaka engamatshumi amane na?

AmaNani 15:39

Kuzakuthi lapho likukhangela lokhu, likhumbule yonke imilayo yeNkosi, liyenze, lingalandeli lokho inhliziyo zenu ezikufisayo lamehlo enu akubonayo, okulamandla okuliduhisa.

Imisebenzi 7:42

Kodwa uNkulunkulu wabafulathela, wabanikela ukuba bakhonze izinkanyezi, njengokulotshiweyo encwadini yabaprofethi ukuthi: Laletha kimi imihlatshelo leminikelo iminyaka engamatshumi amane enkangala lina ndlu kaIsrayeli na?

UDutheronomi 12:7

lidle khona phambi kweNkosi uNkulunkulu wenu, lithokoze lina labendlu zenu ngakho konke elikwenzayo, iNkosi uNkulunkulu wenu elibusise ngakho.

UDutheronomi 12:9

ngoba kalikafiki endaweni yokuphumula, elizweni elinika lona iNkosi uNkulunkulu wenu.

UJoshuwa 3:9

UJoshuwa wasesithi kubo abakoIsrayeli: Sondelani lapha, lizwe amazwi eNkosi uNkulunkulu wenu.

UJoshuwa 5:5

Lanxa bonke abantu abaphuma eGibithe babesokiwe, kodwa labo ababezalelwe endleleni enkangala sebephumile eGibithe babengasokwanga.

Abahluleli 17:6

Ngalezonsuku kwakungelankosi koIsrayeli; wonke umuntu wayesenza lokho akubona kulungile kuye.

Abahluleli 21:25

Ngalezonsuku kwakungelankosi koIsrayeli. Bonke abantu babezenzela abakuthandayo.