UDutheronomi 12:31 - iBhayibhili Elingcwele 1978

³¹ Kaliyikwenza njalo eNkosini uNkulunkulu wenu; ngoba zonke izinto ezinengekayo eNkosini ezizondwa yiyo zizenzele onkulunkulu bazo; futhi zitshisela onkulunkulu bazo amadodana lamadodakazi azo ngomlilo.

IBhayibhili Elingcwele LesiNdebele

³¹ Lingabokhonza uThixo uNkulunkulu wenu ngendlela abakhonza ngayo, ngoba ekukhonzeni kwabo onkulunkulu babo, benza konke okunengisayo okungasoze kwamukeleke kuThixo. Baya baze batshise amadodana lamadodakazi abo emlilweni bethi bayanikela kubonkulunkulu babo.

UDutheronomi 12:31 ပူးပေါင်းရင်းမြစ်များ

2 AmaKhosi 16:3

Kodwa walandela indlela zamakhosi akoIsrayeli, watshisa lendodana yakhe yaba ngumnikelo elingisa amanyala enziwa yizizwe iNkosi eyazixotsha phambi kwabakoIsrayeli.

2 AmaKhosi 17:31

abaseAva benza uNibazi loTaritaki, abaseSefavayimi babetshisa abantwana babo ngomlilo besiba yiminikelo kuAdrameleki loAnameleki onkulunkulu baseSefavayimi.

2 AmaKhosi 21:2

Wenza okubi phambi kweNkosi elingisela amanyala wonke awezizwe iNkosi eyazixotsha phambi kwabakoIsrayeli.

2 AmaKhosi 3:27

Yasithatha indodana yayo elizibulo eyayizakuba yinkosi esikhundleni sayo, yayinikela yaba ngumnikelo wokutshiswa phezu komduli womuzi. Bethuswa kakhulu yilokho abakoIsrayeli, basuka babuyela elizweni lakibo.

2 ImiLando 33:2

Wenza okubi phambi kweNkosi, walingisa amanyala awezizwe iNkosi eyazixotsha phambi kwabakoIsrayeli.

2 ImiLando 36:14

Zonke inhloko zakoJuda labapristi kanye labantu labo babonile kakhulu, balandela amanyala wonke ezizwe, balingcolisa ithempeli eyayizahlukanisele lona eJerusalema.

AmaHubo 106:37

Banikela amadodana lamadodakazi abo ezithombeni;

U-Eksodasi 23:2

Ungalandeli inengi labantu ukwenza okubi, ungabasekeli ngokufakaza ecaleni ukuba kwenziwe isahlulelo esibi;

UJeremiya 32:35

Bakha indawo eziphakemeyo zikaBali esihotsheni seBeni‐Hinomu, ukuba banikele amadodana lamadodakazi awo kuNkulunkulu uMoloki, into engingabalayanga yona lengafikanga engqondweni yami, ukuba benze uJuda one.

UJeremiya 7:31

Bakhile indawo ephakemeyo yokukhonzela eTofethi, esesihotsheni seBeni‐Hinomu, ukuba batshise amadodana lamadodakazi abo ngomlilo, into engingabalayanga yona lengingacabanganga ngayo.

UHezekhiyeli 20:31

Lapho linikela iminikelo yenu, linikela abantwana benu ngokubatshisa ngomlilo, liyazingcolisa ngezithombe zenu zonke kuze kube lamhla. Ngizabuzwa yini, Israyeli na? Ngiyazifunga, kutsho iNkosi uNkulunkulu, kangiyikubuzwa yini.

UHezekhiyeli 23:27

Ngokunjalo ngizaqeda amanyala akho lokuwula kwakho owasuka lakho eGibithe, ukuze ungabe usakhanuka amaGibithe futhi, uwakhumbule.

ULevi 18:21

Ungavumi ukuba abantwana bakho banikelwe kunkulunkulu uMoloki, ukuba uhlambaze ibizo likaNkulunkulu wakho. NgiyiNkosi.

ULevi 18:3

Lingenzi njengokwenza kwamaGibithe lapho lalihlala khona, lingenzi futhi njengokwenza kwamaKanani engiliholela kuwo. Lingahambi ngemithetho yabo.

ULevi 20:2

Tshono ebantwini bakoIsrayeli uthi: Yilowo lalowo wabakoIsrayeli, loba owabezizweni abahlala koIsrayeli, onikela ngabantwana bakhe kunkulunkulu uMoloki, kabulawe, abantu belizwe bamkhande ngamatshe.

UMikha 6:7

INkosi izakwaneliswa zinqama eziyinkulungwane, lezinkulungwane ezilitshumi zemifula yamafutha na? Ngizakunikela izibulo lami ngenxa yesiphambeko sami, inzalo yomzimba wami ngenxa yesono senhliziyo yami na?

UDutheronomi 12:30

qaphelani ukuba lingakhohliswa lizilandele emva kokuchithwa kwazo ngaphambi kwenu, lokuba lingabuzi ngonkulunkulu bazo lithi: Izizwe lezi zazikhonza kanjani onkulunkulu bazo na? Lathi sizakwenza njalo.

UDutheronomi 12:4

Lingazilingisi ekuyidumiseni iNkosi uNkulunkulu wenu;

UDutheronomi 20:18

ukuba bangalifundisi ukwenza imikhuba yabo enengekayo, abayenza ekukhonzeni kwabo onkulunkulu babo, lone eNkosini uNkulunkulu wenu.

UDutheronomi 9:4

Lapho iNkosi uNkulunkulu wakho isibaxotshile phambi kwakho, ungabokutsho enhliziyweni yakho ukuthi: Kungenxa yokulunga kwami okwenze iNkosi ingingenise elizweni leli ukulithumba. Kodwa kungenxa yobubi balezizizwe iNkosi ezixotsha phambi kwakho.

UDutheronomi 9:5

Kakusikho ngenxa yokulunga kwakho lobuqotho benhliziyo yakho ukuthi ungene elizweni lazo ukulithumba; kodwa kungenxa yobubi balezizizwe iNkosi uNkulunkulu wakho ezixotsha phambi kwakho, futhi lokuba iqinise ilizwi eyalifunga kubokhokho bakho oAbrahama loIsaka loJakobe.