UDutheronomi 12:28 - iBhayibhili Elingcwele 1978

²⁸ Qaphelani ukuba lilalele wonke amazwi la engililaya wona, ukuba kulilungele labantwana benu emva kwenu kokuphela, lapho lisenza okulungileyo lokuhle emehlweni eNkosi uNkulunkulu wenu.

IBhayibhili Elingcwele LesiNdebele

²⁸ Linanzelele lilandele iziqondiso zonke engilinika zona, ukuze kulihambele kuhle lina kanye labantwabenu abezayo ngemva kwenu, ngoba lizabe lenze okuhle njalo kulungile emehlweni kaThixo uNkulunkulu wenu.

UDutheronomi 12:28 ပူးပေါင်းရင်းမြစ်များ

2 AmaKhosi 17:31

abaseAva benza uNibazi loTaritaki, abaseSefavayimi babetshisa abantwana babo ngomlilo besiba yiminikelo kuAdrameleki loAnameleki onkulunkulu baseSefavayimi.

2 ImiLando 7:17

Wenake, uba uhamba phambi kwami njengoyihlo uDavida, usenza konke engikulaye khona, ugcine izimiso zami lemithetho yami,

UNehemiya 1:5

Ngathi: Nkosi, Nkulunkulu ophezulu, Nkulunkulu omkhulu lowesabekayo, ogcina isivumelwano lolothando olungapheliyo kulabo abakuthandayo begcina imilayo yakho,

AmaHubo 105:45

ukuba bagcine izimiso zayo, bahambe ngemilayo yayo. Dumisani iNkosi!

U-Eksodasi 34:11

Qaphelisa lokho engikulaya khona lamhla; ngizakuxotsha phambi kwakho amaAmori lamaKanani lamaHethi lamaPerizi lamaHivi lamaJebusi.

UmTshumayeli 8:12

Lanxa isoni sisenza okubi izikhathi ezilikhulu siphile isikhathi eside, kodwa ngiyazi ukuthi kuzabalungela labo abamesabayo uNkulunkulu, ngoba bayamesaba.

UHezekhiyeli 37:24

Inceku yami uDavida uzakuba yinkosi yabo, babe lomalusi munye. Bazalandela imithetho yami, bananzelele ukugcina izimiso zami.

ULevi 19:37

Gcinani zonke izimiso zami lezahlulelo zami zonke, lizenze. NgiyiNkosi.

UJohane 15:10

Uba ligcina imilayo yami, lizakuhlala othandweni lwami, njengalokhu lami ngigcine imilayo kaBaba ngihlala othandweni lwakhe.

UJohane 15:14

Lina lingabangane bami, uba lisenza lokhu engililaya khona.

UJohane 15:3

Selihlambululekile lina ngelizwi engilikhulume kini.

UDutheronomi 12:25

Lingalidli ukuba kulilungele labantwana benu emva kwenu, lapho lisenza okulungileyo emehlweni eNkosi.

UDutheronomi 24:8

Nxa ubulawa yibulephero, qaphelisisa ukuba wenze konke abapristi abangamaLevi abakulaya khona; njengalokhu ngibalaya, qaphela ukuba lawe wenze njalo.

UDutheronomi 4:40

Ngakhoke lizagcina izimiso zayo lemilayo yayo engililaya yona lamhla, ukuba kulilungele lina labantwana benu emva kwenu, lokuba liphile isikhathi eside elizweni iNkosi uNkulunkulu wenu elinika lona kuze kube nini lanini.

UDutheronomi 5:33

Lizakuhamba endleleni yonke iNkosi uNkulunkulu wenu elilaye yona, ukuba liphile, kulilungele, lihlale isikhathi eside elizweni elizakuba ngelenu.