UDutheronomi 12:27 - iBhayibhili Elingcwele 1978

²⁷ linikele iminikelo yenu yokutshiswa, inyama kanye legazi, ealtareni leNkosi uNkulunkulu wenu; igazi lemihlatshelo yenu lithululwe phezu kwealtare leNkosi uNkulunkulu wenu, kodwa inyama lingayidla.

IBhayibhili Elingcwele LesiNdebele

²⁷ Lethani iminikelo yenu yokutshiswa e-alithareni likaThixo uNkulunkulu wenu, konke inyama kanye legazi. Igazi leminikelo yenu lilichithele phansi kwe-alithari likaThixo uNkulunkulu wenu, kodwa lingadla inyama yakhona.

UDutheronomi 12:27 ပူးပေါင်းရင်းမြစ်များ

UJeremiya 7:21

INkosi yamabandla, uNkulunkulu kaIsrayeli, ithi: Fakani iminikelo yenu yokutshiswa emihlatshelweni yenu, lidle inyama uba kuyisifiso senu.

ULevi 1:13

Imibilini lemilenze kayigeziswe ngamanzi; umpristi anikele konke, akutshise ealtareni; kungumnikelo wokutshiswa, umnikelo owenziwe ngomlilo, olephunga elimnandi eNkosini.

ULevi 1:5

Kayihlabe inkunzi phambi kweNkosi; amadodana kaAroni angabapristi azathatha igazi, alikhaphazele ealtareni, inxa zonke elingasemnyango wethente lokuhlangana.

ULevi 1:9

Imibilini yayo lemilenze yayo kayigeziswe ngamanzi; umpristi akutshise konke ealtareni kube ngumnikelo wokutshiswa, umnikelo owenziwe ngomlilo, olephunga elimnandi eNkosini.

ULevi 17:11

Ngoba ukuphila komzimba kusegazini; ngilinike lona ealtareni ukwenzela lina indlela yokubuyisana; ngoba kuligazi eliyikuphila elenza indlela yokubuyisana.

ULevi 3:1

Uba umnikelo womuntu ungumhlatshelo womnikelo wokuthula, nxa enikela ngenkomo, enduna ingabe ensikazi, kawunikele phambi kweNkosi ungelasici.

ULevi 4:30

Umpristi athathe igazi lawo ngomunwe wakhe, alininde empondweni zealtare lomnikelo wokutshiswa, athululele lonke igazi lawo eliseleyo phansi kwealtare.